4 ᒧᔕᒃ ᑕᑡᐤ ᐁ ᐋᔭᒥᐁᔅᑕᒫᑕᑾᒃ ᒥᓯᐌ ᐁ ᐃᑕᔑᔦᒃ, ᐁ ᓇᑐᑕᒫᑫᔮᓐ ᒥᓚᐙᑕᒧᐎᓂᒃ,
ᒧᔕᒃ ᒫᑲ, ᐁ ᑭᔑᑳᓕᒃ ᓀᔥᑕ ᐁ ᑌᐱᔅᑳᓕᒃ, ᐗᒋᒃ ᑮ ᐃᑕᐤ, ᓀᔥᑕ ᒋᐹᔨᑲᒥᑯᔅᑳᒃ, ᐁ ᑌᐺᑦ, ᓀᔥᑕ ᐁ ᒫᑎᔓᓱᑦ ᐊᓯᓂᔭ ᐅᒋ᙮
ᐁᑯ ᑖᐱᔅᑯᒡ, ᑭᑦ ᐃᑎᓇᐗᐤ, ᐃᑕᑾᓐ ᒥᓚᐙᑕᒧᐎᓐ ᐃᑕ ᐁ ᐃᑖᓕᒋ ᑭᒋᒪᓂᑐ ᐁᓐᒐᓕᒪ ᐯᔭᒃ ᐅᒪᒋᑣᐤ ᐅᒋ ᐁ ᑴᔅᑳᑎᓯᑦ᙮
ᑭᑦ ᐃᑎᓇᐗᐤ, ᐁᑯ ᑖᐱᔅᑯᒡ ᓀᔥᑕ ᑫ ᐃᑕᑾᒃ ᒥᓚᐙᑕᒧᐎᓐ ᑭᒋᑭᔑᑯᒃ ᐯᔭᒃ ᐅᒪᒋᑣᐤ ᐅᒋ ᐁ ᑴᔅᑳᑎᓰᑦ, ᐊᐙᓯᑌ ᐃᔥᐱᔥ ᔖᑭᑖᑐᒥᑕᓇᐤ ᔖᑭᑖᑐᔖᑉ ᓀᔥᑕ ᑳ ᒀᔭᔅᑭᑎᒋᒃ ᐃᓕᓕᐗᒃ ᐅᒋ, ᐁᑳ ᑳ ᓇᑕᐌᓕᑕᑭᒃ ᑴᔅᑳᑎᓯᐎᓂᓕᐤ᙮
ᐌᓴ ᑭᒋᒪᓂᑐ ᓂ ᑭᔅᑫᓕᒥᒃ, ᐊᓇ ᓂᑦ ᐊᒐᑯᒃ ᑳ ᐅᒋ ᐊᑖᔅᑲᐗᒃ ᐅ ᒥᓗᐋᒋᒧᐎᓂᓕᒃ ᐅᑯᓯᓴ, ᐁᑳ ᐁ ᐳᓂᔮᓐ ᒧᔕᒃ ᐁ ᐋᔭᒥᐁᔅᑕᒫᑕᑾᒃ;
ᑎᐱᐸᓕᑖᒃ ᓂ ᒥᓚᐙᑕᒧᐎᓐ, ᑖᐱᔅᑯᒡ ᑭᒋ ᒥᑐᓀᓕᒋᑲᓂᔦᒃ, ᐁ ᐋᔮᔦᒃ ᓵᑭᐃᐌᐎᓐ, ᐁ ᐯᔭᑯ ᐃᑌᓕᑕᒣᒃ, ᐁ ᐯᔭᑯ ᒥᑐᓀᓕᒋᑲᓂᔦᒃ,
ᐌᓴ ᒥᒉᑦ ᐱᒧᑌᐗᒃ, ᒥᒉᑡᐤ ᑳ ᑮ ᐋᓕᒧᑕᒫᑕᑾᒃ, ᐊᓄᒡ ᓀᔥᑕ ᑳ ᐋᓕᒧᑕᒫᑕᑾᒃ ᐁ ᒫᑐᔮᓐ ᐅᑎ, ᐁ ᐸᒀᑕᒸᒋᒃ ᙭ᑕ ᐅᑦ ᐋᔑᑌᐋᑎᑯᒥᓕᐤ;
ᐁᐗᑯ ᐅᒋ, ᓂᒋᔖᓂᑐᒃ, ᓈᔅᐱᒡ ᓯᐋᑭᐃᑕᑾᒃ ᓀᔥᑕ ᑳᐗᔐᓕᒥᑕᑾᒃ, ᓂ ᒥᓚᐙᑕᒧᐎᓐ ᓀᔥᑕ ᓂᑦ ᐅᑭᒪᐗᔅᑐᑎᓐ, ᐁᑯ ᐃᔑ ᐋᔨᒋᑳᐸᐎᔅᑖᒃ ᐅᑎᐯᓕᒋᑫᐤ, ᓈᔅᐱᒡ ᓯᐋᑭᐃᑕᑾᒃ᙮
ᐌᓴ ᐋᑕ ᐁ ᐃᑖᐱᒋᔮᓐ ᐎᔮᓯᒃ, ᐁᓕᐌᒃ ᒫᑲ ᑭ ᐎᒉᐎᑎᓇᐗᐤ ᐊᒑᑯᒃ, ᐁ ᒥᓚᐙᑕᒫᓐ ᓀᔥᑕ ᐁ ᑲᓇᐙᐸᑕᒫᓐ ᐁ ᒀᔭᔉ ᐋᔨᑎᔦᒃ, ᓀᔥᑕ ᐁ ᐋᔨᒋ ᑖᐺᔦᓕᒣᒃ ᙭᙮
ᒧᔕᒃ ᓂ ᓇᓈᔅᑯᒫᓈᓐ ᑭᒋᒪᓂᑐ ᒥᓯᐌ ᑭᓚᐗᐤ ᐅᒋ, ᐁ ᐋᓕᒧᒥᑕᑾᒃ ᓂᑦ ᐋᔭᒥᐋᐎᓂᓈᒃ;
ᐌᓴ ᓂᑦ ᐋᔮᓈᓐ ᒥᔅᑕᐃ ᒥᓚᐙᑕᒧᐎᓐ ᓀᔥᑕ ᑳᑭᒋᐃᑯᓯᐎᓐ ᑭ ᓵᑭᐃᐌᐎᓂᒃ, ᐌᓴ ᐅᑌᐃᐙᐗ ᐅᐸᓓᑭᓴᒃ ᒥᓜᓕᑕᒧᒪᑲᓂᓕᐗ ᑭᓚ ᐅᒋ, ᓂᒋᔖᓐ᙮
ᓈᔅᐱᒡ ᓂ ᑮ ᒥᓚᐙᑌᓐ ᐁ ᑮ ᒥᔅᑲᐗᑭᒃ ᑭᑦ ᐊᐙᔑᒥᔕᒃ ᐁ ᐱᒧᑌᒋᒃ ᑖᐺᐎᓂᒃ, ᑳ ᑮ ᐃᑕᔓᐙᑎᑕᒃ ᐅᑖᐎᒪᐤ᙮
