4 ᑮ ᓄᑯᓰᔅᑖᑯᐗᒃ ᒫᑲ ᐃᓛᐃᒐᐗ ᓀᔥᑕ ᒧᓯᓴ; ᑮ ᐎᒋᐋᔭᒥᒣᐗᒃ ᒫᑲ ᒋᓴᓴ᙮
ᐌᓴ ᒥᓯᐌ ᐅᑭᔅᑭᐙᐃᑫᐗᒃ ᓀᔥᑕ ᐅᓚᔓᐌᐎᓐ ᑮ ᑭᔅᑭᐙᐃᑫᐗᒃ ᐱᓕᔥ ᑌᑯᔑᒃ ᒑᓐ᙮
ᐅ ᐎᓛᒋᑲᓇ ᒫᑲ ᑮ ᐙᓯᑌᓕᐗ, ᓈᔅᐱᒡ ᐁ ᐙᐹᓕᑭ ᑖᐱᔅᑯᒡ ᑰᓇ; ᐃᓕᑯᒃ ᐁᑳ ᐅᑭᒋᔅᑌᑲᐃᑫᐤ ᐅᑕ ᐊᔅᑮᒃ ᑭᒋ ᑮ ᐃᔅᐱᒋ ᐙᐱᑖᑦ᙮
ᐱᑕᕐ ᒫᑲ ᐁ ᓇᔥᑴᐗᔑᐃᐌᑦ, ᑮ ᐃᑌᐤ ᒋᓴᓴ, ᐅᑭᒪᐤ, ᒥᓨᔑᓐ ᐅᑕ ᐁ ᐃᑖᔮᒃ: ᐁᑯᔑ ᓂ ᑳ ᐅᔑᑖᓈᓐ ᓂᔅᑐ ᒥᑭᐙᒪ; ᐯᔭᒃ ᑭᓚ ᑭᒋ ᐋᔮᔭᓐ, ᐯᔭᒃ ᓀᔥᑕ ᒧᓯᔅ, ᐯᔭᒃ ᓀᔥᑕ ᐃᓛᐃᒐ᙮
ᐁ ᑭᑐᐌᑦ ᒫᑲ ᒧᓯᔅ ᐅᒋ, ᓀᔥᑕ ᒥᓯᐌ ᐅᑭᔅᑭᐙᐃᑫᐗᒃ, ᑮ ᑭᔅᑫᓕᑕᒥᐁᐤ ᒥᓯᐌ ᑭᒋ ᒪᓯᓇᐃᑫᐎᓂᒃ ᐊᓂᐃ ᑫᒀᓇ ᑳ ᐃᔑ ᐃᑖᒋᒫᑲᓂᐎᑦ᙮
ᑮ ᐃᑌᐤ ᒫᑲ, ᐅᐅ ᐁᐗᒀᓂᐃ ᐋᔭᒥᐎᓇ ᑳ ᐃᑎᑖᑾᒃ ᒣᒀᒡ ᑫᔮᐸᒡ ᐁ ᐎᒉᐎᑕᑾᒃ, ᒥᓯᐌ ᑫᒀᓇ ᑭᒋ ᑎᐱᐸᓕᑭ ᑳ ᒪᓯᓇᐃᑳᑌᑭ ᒧᓯᔅ ᐅᑦ ᐅᓚᔓᐌᐎᓂᒃ, ᓀᔥᑕ ᐅᑭᔅᑭᐙᐃᑫᐗᐤ ᐅ ᒪᓯᓇᐃᑲᓂᐗᒃ, ᓀᔥᑕ ᓂᑲᒧᐎᓂ ᒪᓯᓇᐃᑲᓂᒃ ᓂᓚ ᐁ ᐋᔨᑖᒋᒥᑲᐎᔮᓐ᙮
ᐎᓚᐗᐤ ᐁ ᓇᔥᑴᐗᔑᐋᒋᒃ, ᑮ ᐃᑗᐗᒃ, ᒑᓐ ᐅᓯᑲᐋᑖᑫᐤ: ᒫᑲ ᐋᑎᑦ ᐃᓛᐃᒐ: ᑯᑕᑭᔭᒃ ᒫᑲ ᐃᑗᐗᒃ, ᐯᔭᒃ ᐁ ᐃᑌᓯᒋᒃ ᐌᔅᑲᒡ ᐅᑭᔅᑭᐙᐃᑫᐗᒃ ᒥᓇ ᑮ ᐗᓂᔥᑲᐤ᙮
ᓈᓇᑕᐙᐸᑕᒧᒃ ᑭᒋ ᒪᓯᓇᐃᑫᐎᓇ; ᐌᓴ ᐁᑯᑕ ᑭᑦ ᐃᑌᓕᑌᓇᐗᐤ ᐁ ᐋᔮᔦᒃ ᑳᑭᑫ ᐱᒫᑎᓯᐎᓐ: ᐅᐅ ᓀᔥᑕ ᐁᐗᒀᓂᐃ ᑳ ᑎᐹᒋᒥᑯᔮᓐ᙮
ᓂ ᑮ ᐸᑭᔑᓂᓐ ᒫᑲ ᐅᓯᑎᒃ ᑭᒋ ᓇᐗᑮᔅᑕᐗᒃ᙮ ᓂ ᑮ ᐃᑎᒃ, ᔮᑾ ᐁᑳ ᑐᑖ: ᓂᓚ ᑮᒋᐋᑑᔅᑫᓛᑲᓐ, ᓀᔥᑕ ᓂᑦ ᐊᔑᑕᑭᒥᑲᐎᓐ ᑭᒋᔖᓇᒃ ᑳ ᐋᔭᐙᒋᒃ ᐅ ᑎᐹᒋᒧᐎᓂᓕᐤ ᒋᓴᓴ: ᓇᐗᑮᔅᑕᐤ ᑭᒋᒪᓂᑐ: ᐌᓴ ᐅ ᑎᐹᒋᒧᐎᓐ ᒋᓴᔅ ᐁᐗᑯ ᑳ ᐊᒑᑯᐗᒃ ᑭᔅᑭᐙᐃᑫᐎᓐ᙮
