6 ᒫᑲ ᐃᔅᐱ ᐎᐋᐸᒫᑦ ᒋᓴᓴ ᐙᓚᐤ ᐅᒋ, ᑮ ᐃᔅᐸᑕᐤ ᓀᔥᑕ ᑮ ᓇᐗᑮᔅᑕᐌᐤ᙮
ᒧᔕᒃ ᒫᑲ, ᐁ ᑭᔑᑳᓕᒃ ᓀᔥᑕ ᐁ ᑌᐱᔅᑳᓕᒃ, ᐗᒋᒃ ᑮ ᐃᑕᐤ, ᓀᔥᑕ ᒋᐹᔨᑲᒥᑯᔅᑳᒃ, ᐁ ᑌᐺᑦ, ᓀᔥᑕ ᐁ ᒫᑎᔓᓱᑦ ᐊᓯᓂᔭ ᐅᒋ᙮
ᑮ ᑌᐺᐤ ᒫᑲ ᐁ ᑭᔗᐌᑦ, ᓀᔥᑕ ᑮ ᐃᑗᐤ, ᑖᓂ ᑭᓚ ᑫ ᐃᑖᐸᒋᐃᑖᓐ, ᒋᓴᔅ ᑭᓚ ᐌᑯᓯᓯᒥᔉ ᒫᐗᒡ ᐁᔅᐯᓕᑖᑯᓯᑦ ᑭᒋᒪᓂᑐ? ᑭ ᑭᒋᐃᑗᐃᑎᓐ ᑭᒋᒪᓂᑐ ᐅᒋ, ᐁᑳ ᑭᒋ ᑲᒀᑕᑭᐃᔭᓐ᙮
ᒪᒋ ᐊᒑᑾᒃ ᒫᑲ ᒥᒉᑦ ᑮ ᐅᒋ ᐗᓚᐙᔅᑲᐌᐗᒃ, ᐁ ᑌᐺᒋᒃ, ᓀᔥᑕ ᐁ ᐃᑗᒋᒃ, ᑭᓚ ᐁᐗᑯ ᙭, ᑭᒋᒪᓂᑐ ᐅᑯᓯᓴ᙮ ᐎᓚ ᒫᑲ, ᐁ ᑭᑐᑖᑦ, ᑮ ᑭᑕᐊᒪᐌᐤ ᐁᑳ ᑭᒋ ᐋᔭᒥᓕᒋ: ᐌᓴ ᑮ ᑭᔅᑫᓕᑕᒥᓕᐗ ᐁ ᐋᐎᑦ ᙭᙮
ᐊᐗ ᒫᑲ ᑮ ᓄᓱᓀᐌᐤ ᐹᓚ ᓀᔥᑕ ᓂᓚᓈᓐ, ᐁ ᑌᐺᑦ ᒫᑲ, ᐁ ᐃᑗᑦ ᐅᑯ ᐃᓕᓕᐗᒃ ᐅᑦ ᐊᑐᔅᑫᓚᑲᓂᒥᑯᐗᒃ ᒫᐗᒡ ᑳ ᑭᔅᑎᓯᓕᒋ ᑭᒋᒪᓂᑐᐗ ᑳ ᐙᐸᑎᓕᑕᑾᒃ ᐱᒫᒋᐃᐌᐎᓂ ᒣᔅᑲᓇᐤ᙮
ᑭ ᑖᐺᑌᓐ ᐁ ᐃᑖᑦ ᐯᔭᒃ ᑭᒋᒪᓂᑐ; ᒀᔭᔉ ᑭ ᑐᑌᓐ: ᒪᒋᐊᒑᑾᒃ ᓀᔥᑕ ᑕᐺᑕᒶᒃ, ᓇᓇᒥᐸᓕᐗᒃ ᒫᑲ᙮
