ᐅᐸᓓᑭᔅ ᒫᕐᒃ 5:22 - ᐅᔅᑭ ᑎᔅᑌᒥᓐᑦ

²² ᒫᑎᑲ, ᒫᑲ, ᑮ ᐯᒋ ᓈᑎᑯ ᐊᐌᓕᐗ ᑳ ᑎᐯᓕᑕᒥᓕᒋ ᐋᔭᒥᐁᐎᑲᒥᑯᓕᐤ, ᒉᕋᔅ ᐁ ᐃᔑᓂᑳᓱᓕᒋ; ᐃᔅᐱ ᒫᑲ ᐎᐋᐸᒥᑯᑦ, ᑮ ᐸᑭᔑᓂᓕᐗ ᐅᓯᑎᒃ,

ᐅᐸᓓᑭᔅ ᒫᕐᒃ 5:22 Iomraidhean Croise

ᐅᐸᓓᑭᔅ ᒫᑎᐤ 2:11

ᐃᔅᐱ ᒫᑲ ᑳ ᐱᑐᑫᒋᒃ ᐙᔅᑳᔨᑲᓂᒃ, ᑮ ᐙᐸᒣᐗᒃ ᐊᓂᐃ ᐅᔥᑲᐙᔑᔕ ᓀᔥᑕ ᐅᑳᐎᓕᐗ ᒣᕆᔭ, ᐁ ᐅᑎᑕᐱᔅᑕᐙᒋᒃ ᒫᑲ, ᑮ ᓇᐗᑮᔅᑕᐌᐗᒃ: ᐃᔅᐱ ᒫᑲ ᑳ ᑮ ᐋᐸᐊᑭᒃ ᐅᑦ ᐋᔮᓂᐙᐗ, ᑮ ᒥᓓᐗᒃ ᒥᓕᐌᐎᓇ; ᐅᓵᐎᔔᓕᐊᓈᐱᔅᑾ, ᓀᔥᑕ ᑳ ᐎᑭᒫᑯᓯᓕᒋ ᐱᑭᐤᐗ᙮

ᐅᐸᓓᑭᔅ ᒫᕐᒃ 5:33

ᒫᑲ ᐊᓇ ᐃᔅᑴᐤ, ᐁ ᓭᑭᓯᑦ ᓀᔥᑕ ᐁ ᓇᓂᑭᐸᓕᑦ, ᐁ ᑭᔅᑫᓕᑕᒃ ᑫᒀᓕᐤ ᑳ ᑮ ᑐᑕᐙᑲᓂᐎᑦ, ᑮ ᐯᒋ ᐅᑎᑕᐱᔅᑕᐌᐤ, ᓀᔥᑕ ᐁ ᑖᐺᑦ ᒥᓯᐌ ᑮ ᐎᑕᒪᐌᐤ᙮

ᐅᐸᓓᑭᔅ ᒫᕐᒃ 5:38

ᐅᑎᑕᒬᐤ ᒫᑲ ᐎᑭᓕᐤ ᐊᓂᐃ ᑳ ᑎᐯᓕᑕᒥᓕᒋ ᐋᔭᒥᐁᐎᑲᒥᑯᓕᐤ, ᐙᐸᑕᒻ ᒫᑲ ᐁ ᒥᑯᔅᑳᑌᓕᒋᑳᑌᓕᒃ, ᐊᓂᐃ ᓀᔥᑕ ᑳ ᒫᑐᓕᒋ ᓀᔥᑕ ᓈᔅᐱᒡ ᑳ ᑲᒀᑕᑲᑗᒧᓕᒋ᙮

ᐅᐸᓓᑭᔅ ᓘᒃ 13:14

ᐊᓇ ᒫᑲ ᑳ ᑎᐯᓕᑕᒃ ᐋᔭᒥᐁᐎᑲᒥᑯᓕᐤ ᑮ ᓇᔥᑴᐗᔑᐃᐌᐤ ᐁ ᑭᓯᐙᓯᑦ, ᐁ ᑮ ᒥᓇᐙᒋᐃᐌᓕᒋ ᒋᓴᓴ ᐁ ᐋᔭᒥᐁᑭᔑᑳᓕᒃ, ᑮ ᐃᑌᐤ ᒫᑲ ᐃᓕᓕᐗ, ᓂᑯᑣᔅ ᐃᑕᑎᓋ ᑭᔑᐗ ᐃᓕᓕᐗᒃ ᑫ ᐊᑑᔅᑫᐙᔅᐸᓐ: ᒣᒀᒡ ᐊᓂᐃ ᒫᑲ ᐯᒋ ᐃᑐᑌᒃ ᑭᒋ ᒥᓇᐙᒋᐃᑲᐎᔦᒃ, ᐁᑳ ᒫᑲ ᐁ ᐋᔭᒥᐁᑭᔑᑳᒃ᙮

ᐅᐸᓓᑭᔅ ᓘᒃ 5:8

ᐃᔅᐱ ᓵᐃᒪᓐ ᐱᑕᕐ ᐎᐋᐸᑕᒃ, ᑮ ᐸᑭᔑᓐ ᒋᓴᓴ ᐅᒋᑾᓂᓕᒃ, ᐁ ᐃᑗᑦ, ᓇᑲᔑᓐ, ᐌᓴ ᓂ ᒪᒋ ᐃᓕᓕᐎᓐ, ᐅ ᑌᐯᓕᒋᑫᔭᓐ᙮

ᐅᐸᓓᑭᔅ ᓘᒃ 8:28

ᐃᔅᐱ ᒫᑲ ᐎᐋᐸᒫᑦ ᒋᓴᓴ, ᑮ ᑌᐌᐤ, ᓀᔥᑕ ᐸᑭᔑᓃᔅᑕᐌᐤ, ᓀᔥᑕ ᐁ ᑭᔗᐌᑦ, ᑮ ᐃᑗᐤ, ᑖᓂ ᑭᓚ ᑫ ᐃᑖᐸᒋᐃᑖᓐ, ᒋᓴᔅ, ᐌᑯᓯᓯᒥᔉ ᑭᒋᒪᓂᑐ ᒥᔭᐗᒋ ᐃᔅᐯᓕᑖᑯᓯᑦ? ᑭ ᐸᑯᓭᓕᒥᑎᓐ ᐁᑳ ᑭᒋ ᑲᑾᑕᑭᐃᔭᓐ᙮

ᐊᐸᔅᑕᓚᒃ 13:15

ᐃᔅᐱ ᒫᑲ ᑳ ᐳᓂ ᐋᔭᒥᑖᓂᐗᒃ ᐅᓚᔓᐌᐎᓐ ᓀᔥᑕ ᐅᑭᔅᑭᐗᐃᑫᐗ, ᐊᓂᑭ ᑳ ᑎᐯᓕᑕᑭᒃ ᐋᔭᒥᐁᐎᑲᒥᑯᓕᐤ ᑮ ᐃᔑᑎᔕᐊᒪᐌᐗᒃ, ᐁ ᐃᑖᒋᒃ, ᑭᓚᐗᐤ ᐃᓕᓕᑐᒃ ᓀᔥᑕ ᓂᒋᔖᓂᓈᓇᒃ, ᑮᔥᐱᓐ ᐊᔮᔦᒃ ᑲᑫᔅᑭᒥᐌᐎ ᐋᔭᒥᐎᓐ ᐃᓕᓕᐗᒃ ᑭᒋ ᐃᑌᑾᒃ, ᐁᑯᔑ ᐃᑗᒃ᙮

ᐊᐸᔅᑕᓚᒃ 18:17

ᐁᑯ ᒫᑲ ᒥᓯᐌ ᐊᓂᑭ ᒃᕆᑲᒃ ᑳ ᐅᑎᓈᒋᒃ ᓴᔅᑎᓂᓴ, ᐊᓂᐃ ᑳ ᒫᐗᒡ ᓂᑲᓂᑎᐯᓕᑕᒥᓕᒋ ᐋᔭᒥᐁᐎᑲᒥᑯᓕᐤ, ᓀᔥᑕ ᑮ ᐸᐸᑲᒪᐌᐗᒃ ᐅᑎᔥᑲᐤ ᑎᐸᔅᑯᓂᑫᐎ ᐊᐱᐎᓂᒃ᙮ ᑳᓕᐅ ᒫᑲ ᓇᒪᐎᓚ ᐗᐗᒡ ᐅᒋ ᐱᓯᔅᑫᓕᑕᒻ ᐅᐅ ᑫᒀᓇ᙮

ᐊᐸᔅᑕᓚᒃ 18:8

ᒃᕆᔅᐸᔅ ᒫᑲ, ᑳ ᒫᐗᒋ ᓂᑳᓂᑎᐯᓕᑕᒃ ᐋᔭᒥᐁᐎᑲᒥᑯᓕᐤ, ᑮ ᑖᐺᔦᓕᒣᐤ ᐅᑎᐯᓕᒋᑫᐗ ᐊᓯᒋ ᒥᓯᐌ ᑳ ᐃᑕᔑᑦ ᐎᑭᓕᒃ; ᓀᔥᑕ ᒥᒉᑦ ᐊᓂᑭ ᑯᕆᓐᑎᐎᓕᓕᐗᒃ ᐁ ᐯᑕᑭᒃ, ᑮ ᑖᐺᑕᒶᒃ, ᓀᔥᑕ ᑮ ᓯᑲᐊᑕᐙᑲᓂᐎᐗᒃ᙮

ᑭᔅᑫᓕᑖᑯᑖᑫᐎᓐ 22:8

ᓂᓚ ᒑᓐ ᒫᑲ ᓂ ᑮ ᐙᐸᑌᓐ ᐅᐅ ᑫᒀᓇ, ᓀᔥᑕ ᓂ ᑮ ᐯᑌᓐ᙮ ᐃᔅᐱ ᒫᑲ ᑳ ᑮ ᐯᑕᒫᓐ ᓀᔥᑕ ᐙᐸᑕᒪᓐ, ᓂ ᑮ ᐸᑭᔑᓂᓐ ᑭᒋ ᓇᐗᑭᔅᑖᑫᐗᒃ ᐅᓯᑎᒃ ᐊᓇ ᐁᓐᒐᓪ ᑳ ᑮ ᐙᐸᑎᓕ ᐅᐅ ᑫᒀᓇ᙮