ᐅᐸᓓᑭᔅ ᒫᕐᒃ 2:8 - ᐅᔅᑭ ᑎᔅᑌᒥᓐᑦ

⁸ ᑣᔦᒃ ᒫᑲ, ᐃᔅᐱ ᒋᓴᔅ ᑫᔅᑫᓕᑕᒃ ᐅᑦ ᐊᒑᑯᒃ ᐅᒪ ᐁ ᐃᔑ ᒫᒥᑐᓀᓕᑕᒥᓕᒋ, ᑮ ᐃᑌᐤ, ᑖᓀᑭ ᐌᒋ ᐅᐅ ᑫᒀᓇ ᒫᒥᑐᓀᓕᑕᒣᒃ ᑭᑌᐃᐙᒃ?

ᐅᐸᓓᑭᔅ ᒫᕐᒃ 2:8 Iomraidhean Croise

ᐅᐸᓓᑭᔅ ᒫᑎᐤ 12:15

ᒫᑲ ᐃᔅᐱ ᒋᓴᔅ ᑫᔅᑫᓕᑕᒃ, ᐊᓐᑕ ᑮ ᐅᒋ ᑭᑐᑌᐤ; ᑮ ᓄᔅᐱᓈᑎᑯ ᒫᑲ ᓈᔅᐱᒡ ᒥᔮᒪᐎᒥᒉᑎᓕᒋ ᐃᓕᓕᐗ, ᒥᓯᐌ ᐁ ᐃᑕᓯᓕᒋ ᒫᑲ ᑮ ᒥᓇᐙᒋᐁᐤ᙮

ᐅᐸᓓᑭᔅ ᒫᑎᐤ 16:7

ᑮ ᐋᔭᔭᒥᐃᑐᐗᒃ ᒫᑲ, ᐁ ᐃᑗᒋᒃ, ᐅᒪ ᐎᑗᐤ ᐁᑳ ᐁ ᑮ ᐯᔑᐗᒃ ᐊᓚᑯᓇᐤ:

ᐅᐸᓓᑭᔅ ᒫᑎᐤ 9:4

ᒋᓴᔅ ᒫᑲ ᐁ ᑭᔅᑫᓕᑕᒸᑦ ᐅ ᒥᑐᓀᓕᒋᑫᐎᓂᓕᐗ ᑮ ᐃᑗᐤ, ᑖᓀᑭ ᐌᒋ ᒪᒋ ᒫᒥᑐᓀᓕᑕᒣᒃ ᑭᑌᐃᐗᒃ?

ᐅᐸᓓᑭᔅ ᒫᕐᒃ 2:7

ᑖᓀᑭ ᐌᒋ ᐊᐗ ᐃᓕᓕᐤ ᐅᒪ ᐃᔑ ᐹᐹᔅᑖᒧᑦ? ᐊᐌᓇ ᑫ ᑮ ᐌᐯᓕᑕᒫᑫᑦ ᒪᒋᑐᑕᒧᐎᓇ ᑭᒋᒪᓂᑐ ᐱᑯ?

ᐅᐸᓓᑭᔅ ᒫᕐᒃ 2:9

ᑖᓂᒪ ᐊᐙᓯᑌ ᐎᐁᑕᒃ ᑭᒋ ᐃᑖᑲᓂᐎᑦ ᐅᓇᓇᒫᔅᐱᓀᐤ, ᑭ ᒪᒋᑐᑕᒧᐎᓇ ᑭ ᐌᐯᓕᑕᒫᑲᐎᓐ; ᓀᔥᑕᐱᑯ ᑭᒋ ᐃᑖᑲᓂᐎᑦ, ᐗᓂᔥᑲ, ᐅᑎᓇ ᓀᔥᑕ ᑭ ᓂᐯᐎᓐ, ᐱᒧᑌ ᒫᑲ᙮

ᐅᐸᓓᑭᔅ ᒫᕐᒃ 7:21

ᐌᓴ ᐱᒋ ᐅᒋ, ᐃᓕᓕᐗᒃ ᐅᑌᐃᐙᒃ, ᐅᒋᐸᓕᐗ ᒪᒋ ᒥᑐᓀᓕᒋᑫᐎᓇ, ᒫᒪᐎᐃᑐᐎᓇ, ᐯᔑᑾᑎᓯᐎᓇ, ᓂᐹᔭᐌᐎᓇ,

ᐅᐸᓓᑭᔅ ᓘᒃ 24:38

ᑮ ᐃᑌᐤ ᒫᑲ, ᑖᓀᑭ ᐌᒋ ᒥᑯᔥᑳᑌᓕᑕᒣᒃ? ᑖᓀᑭ ᐌᒋ ᒫᑲ ᐊᑎ ᐃᑕᑾᑭ ᒥᑐᓀᓕᒋᑫᐎᓇ ᑭᑌᐃᐙᒃ?

ᐅᐸᓓᑭᔅ ᓘᒃ 5:22

ᒫᑲ ᐃᔅᐱ ᒋᓴᔅ ᓀᓯᑕᐌᓕᑕᒸᑦ ᐅ ᒥᑐᓀᓕᒋᑫᐎᓂᓕᐗ, ᐁ ᓇᔥᑴᐗᔑᐃᐌᑦ, ᑮ ᐃᑌᐤ, ᑫᒀᓐ ᒥᐋᒥᑐᓀᓕᑕᒣᒃ ᑭᑌᐃᐙᒃ?

ᐅᐸᓓᑭᔅ ᓘᒃ 6:8

ᒫᑲ ᑮ ᑭᔅᑫᓕᑕᒬᐤ ᐅ ᒥᑐᓀᓕᒋᑫᐎᓂᓕᐗ, ᓀᔥᑕ ᑮ ᐃᑌᐤ ᐊᓂᐃ ᐃᓕᓕᐗ ᑳ ᓂᐳᐎᒋᒉᓕᒋ, ᐸᓯᑯ, ᑌᑖᐎᒡ ᒫᑲ ᐃᔑ ᓂᐸᐎ᙮ ᐁᑯ ᐯᓯᑯᑦ, ᓀᔥᑕ ᑌᑖᐎᒡ ᑮ ᓂᐸᐎᐤ᙮

ᐅᐸᓓᑭᔅ ᒑᓐ 21:17

ᐃᑌᐤ ᐁᑯ ᓂᔅᑡᐤ, ᓵᐃᒪᓐ, ᒑᓐ ᐅᑯᓯᓴ, ᑭ ᓵᑭᐃᓐ ᓈ? ᐱᑕᕐ ᓇᒪ ᑭ ᓇᐁᓕᑕᒻ ᐁᑯ ᓂᔅᑡᐤ ᐁ ᑮ ᐃᑎᑯᑦ, ᑭ ᓵᑭᐃᓐ ᓈ? ᑮ ᐃᑌᐤ ᒫᑲ, ᑌᐯᓕᒋᑫᔭᓐ, ᑭ ᑭᔅᑫᓕᑌᓐ ᒥᓯᐌ ᑫᒀᓇ; ᑭ ᑭᔅᑫᓕᑌᓐ ᐁ ᓵᑭᐃᑖᓐ᙮ ᒋᓴᔅ ᐃᑌᐤ, ᐊᔕᒥᒃ ᓂ ᒫᓂᔥᒑᓂᔑᒪᒃ᙮

ᐅᐸᓓᑭᔅ ᒑᓐ 6:64

ᒫᑲ ᐃᑖᐗᒃ ᐋᑎᑦ ᐁ ᐃᑕᓯᔦᒃ ᐁᑳ ᑳ ᑖᐺᑕᑭᒃ᙮ ᐌᓴ ᒋᓴᔅ ᓃᔥᑕᒻ ᐅᒋ ᑮ ᑭᔅᑫᓕᒣᐤ ᐊᐌᓕᐗ ᐊᓂᐃ ᐁᑳ ᑖᐺᑕᒥᓕᒋ, ᓀᔥᑕ ᐊᐌᓕᐗ ᑫ ᐙᔦᔑᐸᑭᑎᓂᑯᑦ᙮

ᐊᐸᔅᑕᓚᒃ 5:3

ᒫᑲ ᐱᑕᕐ ᑮ ᐃᑌᐤ ᐋᓇᓈᐃᐊᓴ, ᑕᓀᑭ ᐌᒋ ᓭᑕᓐ ᑮ ᓵᑲᔅᑭᓇᑖᑦ ᑭᑌᐃᓕᐤ ᑭᒋ ᑭᓛᔅᑭᒪ ᑳ ᐸᓓᑭᓯᑦ ᐊᒑᒃ, ᓀᔥᑕ ᑭᒋ ᓇᑳᓇᒪᓐ ᐸᔅᑭ ᐊᓂᒪ ᑳ ᐃᑕᑭᒋᑳᑌᒃ ᐊᔅᑭ?

ᐊᐸᔅᑕᓚᒃ 8:22

ᐁᐗᑯ ᐅᒋ ᒥᒋᓚᐌᔦᓕᑕ ᐅᒪ ᑭ ᒪᒋᑣᐎᓐ, ᓀᔥᑕ ᐋᔭᒥᐁᔅᑕᐤ ᑭᒋᒪᓂᑐ, ᑮᔥᐱᓐ ᒫᔅᑯᒡ ᑳ ᐃᔑ ᒥᑐᓀᓕᑕᒪᓐ ᑭᑌᐃᒃ ᑫ ᑮ ᐌᐯᓕᑕᒫᑲᐎᔭᓐ᙮

ᐦᐃᑉᕉᐗ 4:13

ᓇᒪᐎᓚ ᓀᔥᑕ ᐊᐌᓇ ᐃᑖᐤ ᐁᑳ ᑳ ᐹᔭᑌᓈᑯᓯᑦ ᐁ ᑲᓇᐙᐸᒥᑯᑦ: ᒫᑲ ᒥᓯᐌ ᑫᒀᓇ ᒧᔐᔅᑌᐗ ᓀᔥᑕ ᐸᔭᑕᔅᑌᐗ ᐅᔅᑭᔑᑯᒃ ᐊᓇ ᑳ ᑲᓇᐙᐸᒥᑕᒃ᙮

ᑭᔅᑫᓕᑖᑯᑖᑫᐎᓐ 2:23

ᓂ ᑳ ᓂᐹᐃᒫᐗ ᒫᑲ ᐅᑦ ᐊᐙᔑᒥᔕ ᓂᐱᐎᓐ ᐅᒋ; ᓀᔥᑕ ᒥᓯᐌ ᒫᒪᐎᐋᔭᒥᐋᐗᒃ ᑲᑕ ᑭᔅᑫᓕᑕᒶᒃ ᓂᓚ ᐁ ᐋᐎᔮᓐ ᐊᓇ ᑳ ᑲᑴᒋᑖᑦ ᐱᒋᓚᐗ ᓀᔥᑕ ᒥᑌᐊ: ᑭ ᑳ ᒥᓕᑎᓇᐗᐤ ᒫᑲ ᒥᓯᐌ ᐁ ᐃᑕᔑᔦᒃ ᑳ ᑭ ᐃᔑ ᐊᔭᑑᔅᑫᔦᒃ᙮