ᐅᐸᓓᑭᔅ ᒫᕐᒃ 2:2 - ᐅᔅᑭ ᑎᔅᑌᒥᓐᑦ

² ᑣᔦᒃ ᒫᑲ ᒥᒉᑦ ᑮ ᒫᒪᐎ ᒫᐗᒋᐃᑐᐗᒃ, ᐱᓕᔥ ᐃᓕᑯᒃ ᐁᑳ ᐁ ᑌᐸᔅᑭᓀᒋᒃ; ᓇᒪᐎᓚ, ᓇᒪ ᐊᐴᒋᑲ ᐙᔅᑲ ᐃᔥᒀᑌᒥᒃ: ᑮ ᐙᐎᑕᒪᐌᐤ ᒫᑲ ᐋᔭᒥᐎᓂᓕᐤ᙮

ᐅᐸᓓᑭᔅ ᒫᕐᒃ 2:2 Iomraidhean Croise

ᐅᐸᓓᑭᔅ ᒫᑎᐤ 5:2

ᑮ ᐹᔅᑭᑐᓀᓕᐤ ᒫᑲ, ᐁ ᑭᔅᑭᓄᐊᒪᐙᑦ, ᐁ ᐃᑗᑦ,

ᐅᐸᓓᑭᔅ ᒫᕐᒃ 1:14

ᐃᔅᐱ ᒫᑲ ᒑᓐ ᑳ ᐃᔑ ᐌᐱᓈᑲᓂᐎᑦ ᑭᐸᐅᑐᐎᑲᒥᑯᒃ, ᒋᓴᔅ ᑮ ᐯᒋ ᐃᑐᑌᐤ ᑳᓕᓕᒃ, ᐁ ᐙᐎᑕᒃ ᒥᓗᐋᒋᒧᐎᓂᓕᐤ ᑭᒋᒪᓂᑐ ᐅᑦ ᐅᑭᒫᐎᐎᓂᒃ ᑳ ᐅᒋᐸᓕᓕᒃ,

ᐅᐸᓓᑭᔅ ᒫᕐᒃ 1:33

ᒥᓯᐌ ᒫᑲ ᐊᓂᒪ ᐃᑖᐎᓂᒃ ᑳ ᐃᑖᒋᒃ ᑮ ᒫᒪᐎ ᒪᐒᒋᐃᑐᐗᒃ ᐃᔥᒀᑌᒥᒃ᙮

ᐅᐸᓓᑭᔅ ᒫᕐᒃ 1:37

ᐃᔅᐱ ᒫᑲ ᑳ ᒥᔅᑲᐙᒋᒃ, ᑮ ᐃᑌᐗᒃ, ᒥᓯᐌ ᐃᓕᓕᐗᒃ ᑮ ᓈᓇᑕᐌᓕᒥᑾᒃ᙮

ᐅᐸᓓᑭᔅ ᒫᕐᒃ 1:45

ᒫᑲ ᑮ ᐗᓚᐎᐤ, ᓀᔥᑕ ᓱᑲ ᑮ ᒫᒋ ᐎᑕᒻ, ᐱᓕᔥ ᐃᓕᑯᒃ ᐁᑳ ᐙᐙᒡ ᐁ ᑮ ᒧᔑᔐ ᐱᑐᑫᑦ ᐃᑖᐎᓂᒃ ᒋᓴᔅ, ᒫᑲ ᐗᓚᐎᑎᒥᒃ ᑮ ᐃᑕᐤ ᐃᑕ ᐁ ᐸᑾᑕᔅᑭᐗᒃ: ᑮ ᐯᒋ ᓈᑎᑯ ᒫᑲ ᒥᓯᐌ ᓇᓈᑐᒃ ᐅᒋ᙮

ᐅᐸᓓᑭᔅ ᒫᕐᒃ 2:1

ᐋᑎᑦ ᑭᔑᑳᐗ ᒫᑲ ᑳ ᒫᔭᐎᐸᓕᓕᑭ ᒥᓇ ᑮ ᐱᑐᑫᐤ ᑲᐸᕐᓀᔭᒥᒃ; ᑮ ᐹᐯᑖᑾᓐ ᒫᑲ ᐱᒋ ᐙᔅᑳᔨᑲᓂᒃ ᐁ ᐃᑖᑦ᙮

ᐅᐸᓓᑭᔅ ᒫᕐᒃ 2:13

ᒥᓇ ᒫᑲ ᑮ ᐃᑐᑌᐤ ᔑᔓᒡ ᑭᒋᑲᒥᒃ; ᑮ ᐯᒋ ᓈᑎᑯ ᒫᑲ ᒥᓯᐌ ᒥᔮᒪᐎᒥᒉᑎᓕᒋ ᐃᓕᓕᐗ, ᑮ ᑭᔅᑭᓄᐊᒪᐌᐤ ᒫᑲ᙮

ᐅᐸᓓᑭᔅ ᒫᕐᒃ 6:34

ᒋᓴᔅ ᒫᑲ ᐃᔅᐱ ᐱᐁᒋ ᐗᓚᐐᑦ, ᑮ ᐙᐸᒣᐤ ᒥᒉᑦ ᐃᓕᓕᐗ, ᓀᔥᑕ ᑮ ᔕᐎᑌᐁᑐᑕᐌᐤ, ᐌᓴ ᑖᐱᔅᑯᒡ ᒫᓂᔥᒑᓂᔕᒃ ᐁᑳ ᐁ ᐅ ᒫᓂᔥᒑᓂᔑᐎᓕᓕᒥᒋᒃ ᑮ ᐃᔑᓈᑯᓯᐗᒃ: ᑮ ᒫᒋ ᑭᔅᑭᓄᐊᒪᐌᐤ ᒫᑲ ᒥᒉᑦ ᑫᒀᓇ᙮

ᐅᐸᓓᑭᔅ ᓘᒃ 12:1

ᐁᑯ ᒣᒀᒡ, ᐃᔅᐱ ᑮ ᒪᐗᒋᐃᑐᒋᒃ ᐃᓕᓕᐗᒃ ᐃᔥᐱᔥ ᐁᑳ ᐁ ᑮ ᐊᑭᒫᑲᓂᐎᒋᒃ, ᐙᐙᒡ ᐁ ᑕᑯᔅᑳᑎᑐᒋᒃ, ᑮ ᒫᒋ ᐃᑌᐤ ᐅ ᑭᔅᑭᓄᐊᒪᐙᑲᓇ ᓃᔥᑕᒻ, ᔮᒀᒦᔅᑕᒸᒃ ᐸᕋᓯᔭᒃ ᐅ ᐱᓯᑲᓂᐗᐤ, ᐁᐗᑯ ᐋᔭᒥᐁᑳᓱᐎᓐ᙮

ᐅᐸᓓᑭᔅ ᓘᒃ 5:17

ᑮ ᐃᑭᓐ ᒫᑲ, ᐯᔭᑾᐤ ᐁ ᑭᔑᑳᓕᒃ, ᒣᒀᒡ ᐁ ᑭᔅᑭᓄᐊᒫᑫᑦ, ᐸᕋᓯᔭᒃ ᓀᔥᑕ ᐅᓚᔓᐌᐎᓂ ᐅᑭᔅᑭᓄᐊᒫᑫᐗᒃ ᐊᓐᑕ ᑮ ᐊᐱᐗᒃ, ᑳ ᐯᒋ ᐅᑐᑌᒋᒃ ᒥᓯᐌ ᑕᑐ ᐃᑖᐎᓂᒃ ᑳᓕᓕᒃ ᓀᔥᑕ ᒎᑎᐊᐃᒃ, ᓀᔥᑕ ᒋᕉᓴᓚᒥᒃ; ᐅᑎᐯᓕᒋᑫᐤ ᒫᑲ ᐅ ᑲᔥᑭᐅᐎᓐ ᑮ ᐃᑕᑾᓂᓕᐤ ᑭᒋ ᒥᓇᐙᒋᐃᑯᒋᒃ᙮

ᐅᐸᓓᑭᔅ ᓘᒃ 8:1

ᑮ ᐃᑭᓐ ᒫᑲ ᐹᑎᒪ, ᑮ ᐊᑭᓀᔥᑲᒻ ᒥᓯᐌ ᐃᑖᐎᓇ ᓀᔥᑕ ᐃᑖᐎᓂᔕ, ᐁ ᑲᑫᔅᑭᒥᐌᑦ, ᓀᔥᑕ ᐁ ᐙᐸᑎᓕᐌᑦ ᑭᒋᒪᓂᑐ ᐅᑦ ᐅᑭᒫᐎᐎᓂ ᒥᓗᐋᒋᒧᐎᓂᓕᐤ: ᑮ ᐎᒉᐎᑯ ᒫᑲ ᐊᓂᐃ ᓂᔓᔖᑉ᙮

ᐅᐸᓓᑭᔅ ᓘᒃ 8:11

ᐁᐗᑯ ᐅᒪ ᒫᑲ ᐊᓂᒪ ᓇᔅᐱᑐᐌᐎ ᐋᑕᓗᑳᓐ; ᓯᒥᓇ ᐁᐗᒀᓂᐃ ᑭᒋᒪᓂᑐ ᐅᑦ ᐋᔭᒥᐎᓐ᙮

ᐊᐸᔅᑕᓚᒃ 11:19

ᐁᑯ ᐊᓂᑭ ᑳ ᑮ ᐗᓴᓶᑎᔕᐙᑲᓂᐎᒋᒃ ᐊᓂᒪ ᑲᒀᑕᑭᐃᐌᐎᓐ ᑳ ᑮ ᐃᑭᒃ ᐊᓇ ᔅᑎᐱᓐ ᐅᒋ, ᑮ ᐃᑐᑌᐗᒃ ᐱᓇᐃᓯᐃᒃ ᐃᔅᑯ, ᓀᔥᑕ ᓵᐃᑉᕋᓯᒃ, ᓀᔥᑕ ᐋᓐᑎᐊᑭᒃ, ᐁᑳ ᐊᐌᓕᐗ ᐁ ᑲᑫᔅᑭᒫᒋᒃ ᐋᔭᒥᐎᓂᓕᐤ ᐱᑯ ᐊᓂᐃ ᒎᐗ᙮

ᐊᐸᔅᑕᓚᒃ 14:25

ᓀᔥᑕ ᐃᔅᐱ ᑳ ᑮ ᐙᐎᑕᑭᒃ ᐋᔭᒥᐎᓂᓕᐤ ᐊᓐᑕ ᐸᕐᑲ, ᑮ ᐃᑐᑗᐗᒃ ᐋᑌᓕᐊᐃᒃ;

ᐊᐸᔅᑕᓚᒃ 16:6

ᐁᑯ ᐃᔅᐱ ᑳ ᑮ ᐸᐹᐃᑐᑌᒋᒃ ᑉᕆᒋᐊᐃᒃ ᓀᔥᑕ ᒥᓯᐌ ᐙᔅᑲ ᑳᓓᔑᔭᐃᒃ, ᐁ ᑮ ᑭᑕᐊᒫᑯᒋᒃ ᒫᑲ ᐸᓓᑭ ᐊᒑᑾ ᑭᒋ ᐙᐎᑕᑭᒃ ᐋᔭᒥᐎᓂᓕᐤ ᐊᓐᑕ ᐁᔕᐃᒃ,

ᐊᐸᔅᑕᓚᒃ 8:25

ᐎᓚᐗᐤ ᒫᑲ ᐃᔅᐱ ᑳ ᑮ ᑎᐹᑐᑕᑭᒃ ᓀᔥᑕ ᑭᔅᑭᓄᐊᒫᑫᒋᒃ ᐅᑎᐯᓕᒋᑫᐗ ᐅᑦ ᐋᔭᒥᐎᓂᓕᐤ, ᑮ ᑭᐌᐗᒃ ᒋᕉᓴᓚᒥᒃ, ᓀᔥᑕ ᑮ ᑭᔅᑭᓄᐊᒫᑫᐗᒃ ᒥᓗᐋᒋᒧᐎᓂᓕᐤ ᒥᒉᑦ ᐅᑦ ᐃᑖᐎᓂᐙᒃ ᐊᓂᑭ ᓵᒣᕆᔭ ᐃᓕᓕᐗᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 10:8

ᒫᑲ ᑖᓐ ᐁᑗᒪᑲᒃ? ᐊᓂᒪ ᐋᔭᒥᐎᓐ ᑭ ᐯᔛᐸᒥᑯᓐ, ᑭᑐᓂᒃ ᐅᑎ, ᓀᔥᑕ ᑭᑌᐃᒃ: ᐁᐗᑯ, ᐊᓂᒪ ᑖᐺᔦᓕᑕᒧᐎᓂ ᐋᔭᒥᐎᓐ, ᑳ ᐙᐎᑕᒫᒃ;

ᓂᔓ ᑎᒧᑎ 4:2

ᑲᑫᔅᑭᒥᐌ ᐊᔭᒥᐎᓐ; ᑭᓯᓴᐎᓯ ᐌᑎᒋᐸᓕᑭ, ᓀᔥᑕ ᐁᑳ ᐌᑎᒋᐸᓕᑭ; ᓇᑭᒥᐌ, ᑭᑕᐊᒫᑫ, ᔑᑭᑫᒧ, ᒥᓯᐌ ᔑᐯᓕᑕᒧᐎᓂᒃ ᓀᔥᑕ ᑭᔅᑭᓄᐊᒫᑫᐎᓂᒃ᙮