ᐅᐸᓓᑭᔅ ᒫᕐᒃ 16:1 - ᐅᔅᑭ ᑎᔅᑌᒥᓐᑦ

¹ ᐃᔅᐱ ᒫᑲ ᑳ ᒫᔭᐎᐸᓕᒃ ᐁ ᐋᔭᒥᐁᑭᔑᑳᒃ, ᒣᕆ ᒫᒃᑕᓖᓐ, ᓀᔥᑕ ᒣᕆ ᐅᑳᐎᔭ ᒉᒻᔅ ᓀᔥᑕ ᓴᓗᒥ, ᑮ ᐊᑖᐌᐙᑯᐸᓐ ᐁ ᔑᐙᓕᑭ ᒪᔥᑭᑭᔭ, ᑭᒋ ᑮ ᐯᒋ ᑕᒪᔅᑯᓈᒋᒃ᙮

ᐅᐸᓓᑭᔅ ᒫᕐᒃ 16:1 Iomraidhean Croise

ᐅᐸᓓᑭᔅ ᒫᕐᒃ 14:3

ᐯᑕᓂᐃᒃ ᒫᑲ ᐁ ᐃᑖᑦ, ᐅ ᐙᔅᑳᔨᑲᓂᒥᓕᒃ ᓵᐃᒪᓇ ᐅᓓᑉᕈᓯᐃᑖᔅᐱᓀᐗ, ᒣᒀᒡ ᐁ ᐊᐱᑦ ᐁ ᒥᒋᓱᑦ, ᑮ ᐯᒋ ᐃᑐᑌᓕᐗ ᐃᔅᑴᐗ ᐁ ᐋᔮᓕᒋ ᔅᐸᐃᒃᓈᕐᑦ ᑕᒪᔅᑯᐎᓂᓕᐤ ᐊᓯᓂᐗᑎᒃ ᓈᔅᐱᒡ ᐁ ᒥᒉᑦ ᐗᑖᔦᔮᓕᒃ; ᑮ ᐱᑯᓂᒥᓕᐗ ᒫᑲ ᒥᐗᒥᓕᐤ, ᓀᔥᑕ ᑮ ᓯᑭᓇᒥᓂᐗ ᐅᔅᑎᒀᓂᒃ᙮

ᐅᐸᓓᑭᔅ ᒫᕐᒃ 14:8

ᑮ ᑐᑕᒻ ᐃᔥᐱᔥ ᐁ ᑲᔥᑭᑕᑦ: ᑮ ᐯᒋ ᐃᑐᑌᐤ ᓂᔮᑲᓇ ᑭᒋ ᑐᒥᓇᒃ ᓂᔭᐎᓕᐤ ᑭᒋ ᓇᐃᑳᑲᐎᐗᒃ᙮

ᐅᐸᓓᑭᔅ ᒫᕐᒃ 15:40

ᑮ ᐃᑖᐗᒃ ᓀᔥᑕ ᐃᔅᑴᐗᒃ ᐙᓚᐤ ᐁ ᐅᒋ ᑲᓇᐙᐱᒋᒃ; ᐅᑯ ᐋᑎᑦ ᐊᓂᑭ, ᒣᕆ ᒫᒃᑕᓖᓐ, ᓀᔥᑕ ᒣᕆ ᐅᑳᐎᔭ ᒉᒻᔅ ᓄᑕᐤ ᑳ ᐃᔅᐱᑎᓯᑦ, ᓀᔥᑕ ᒍᓯᔅ, ᓀᔥᑕ ᓴᓗᒥ;

ᐅᐸᓓᑭᔅ ᒫᕐᒃ 15:42

ᐁᑯ ᒫᑲ ᐃᔅᐱ ᐌᑖᑯᔒᒃ, (ᐁ ᐋᔦᔅᑲᐎᑭᔑᑳᒃ, ᐁᐗᑯ ᐊᓂᒪ ᐁ ᑭᔑᑳᒃ ᐸᒧᔑ ᐋᔭᒥᐁᑭᔑᑳᒃ,)

ᐅᐸᓓᑭᔅ ᒫᕐᒃ 15:47

ᒣᕆ ᒫᒃᑕᓖᓐ ᒫᑲ, ᓀᔥᑕ ᒣᕆ ᐅᑳᐎᔭ ᒍᓯᔅ, ᑮ ᐙᐸᑕᒶᒃ ᐃᑕ ᐁ ᐱᒥᔑᒫᑲᓂᐎᓕᒋ᙮

ᐅᐸᓓᑭᔅ ᒫᕐᒃ 16:2

ᓈᔅᐱᒡ ᐎᐸᒡ ᒫᑲ ᐁ ᑭᑭᔐᐹᔮᓕᒃ, ᓃᔥᑕᒻ ᐁ ᑭᔑᑳᓕᒃ ᐊᓂᐁᓕᐤ ᐁ ᑕᐙᔅᑌᓕᒃ, ᑮ ᐯᒋ ᓈᑕᒶᒃ ᒋᐹᔨᑲᒥᑯᓕᐤ ᐱᒉᓚᒃ ᐁ ᓵᑲᔅᑕᐌᓕᒋ ᐱᓯᒶ᙮

ᐅᐸᓓᑭᔅ ᒫᕐᒃ 16:8

ᑮ ᑭᓕᐱ ᐗᓚᐎᐗᒃ ᒫᑲ, ᓀᔥᑕ ᑮ ᐅᔑᒧᐗᒃ ᒋᐹᔨᑲᒥᑯᒃ ᐅᒋ; ᐌᓴ ᑮ ᓇᓂᑭᐸᓕᐗᒃ ᓀᔥᑕ ᑮ ᒫᒪᔅᑳᑕᒶᒃ: ᓇᒪ ᓀᔥᑕ ᐙᔦᔥ ᑮ ᐃᑌᐗᒃ ᐊᐌᓕᐗ: ᐌᓴ ᑮ ᑯᔅᑖᒋᐗᒃ᙮

ᐅᐸᓓᑭᔅ ᓘᒃ 23:54

ᐊᓂᒪ ᒫᑲ ᐁᐗᑯ ᐋᔦᔅᑲᐎ ᑭᔑᑲᐤ, ᐋᔭᒥᐁᑭᔑᑲᐤ ᒫᑲ ᑮ ᐯᔓᓈᑾᓐ᙮

ᐅᐸᓓᑭᔅ ᓘᒃ 23:56

ᑮ ᑭᐌᐗᒃ ᒫᑲ, ᓀᔥᑕ ᑮ ᐋᔦᔅᑲᐎᑖᐗᒃ ᒪᔥᑭᑭᔭ ᓀᔥᑕ ᑕᒪᔅᑯᐎᓇ; ᑮ ᐋᓓᐱᐗᒃ ᒫᑲ ᐁ ᐋᔭᒥᐁᑭᔑᑳᓕᒃ, ᐁ ᐃᑕᔓᐙᓂᐗᒃ᙮

ᐅᐸᓓᑭᔅ ᓘᒃ 24:1

ᓃᔥᑕᒻ ᐁ ᑭᔑᑳᒃ ᒫᑲ ᐊᓂᒪ ᐁ ᑕᐙᔅᑌᒃ, ᓈᔅᐱᒡ ᐎᐸᒡ ᐁ ᑭᑭᔐᐹᔮᒃ, ᑮ ᐯᒋ ᓈᑕᒶ ᒋᐹᔨᑲᒥᑯᓕᐤ, ᐁ ᐯᑖᒋᒃ ᒪᔥᑭᑭᔭ ᑳ ᑮ ᐋᔦᔅᑳᐎᑖᒋᒃ, ᑯᑕᑭᔭ ᓀᔥᑕ ᑮ ᐎᒉᐎᑯᐗᒃ᙮

ᐅᐸᓓᑭᔅ ᒑᓐ 19:25

ᒋᓴᔅ ᐅᑳᐎᔭ ᒫᑲ ᑮ ᓂᐸᐎᓕᐗ ᑭᔑᐙᒃ ᐅᑦ ᐋᔑᑌᐋᑎᑯᒥᒃ, ᓀᔥᑕ ᐅᑳᐎᔭ ᐎᒋᔖᓂᔅᑴᒥᓕᐗ, ᒣᕆ ᒃᓕᐅᐹᔅ ᐎᐗ, ᓀᔥᑕ ᒣᕆ ᒫᒃᑕᓖᓐ᙮

ᐅᐸᓓᑭᔅ ᒑᓐ 19:31

ᒎᐗᒃ ᒫᑲ, ᐁ ᐋᔦᔅᑲᐎᓈᓂᐗᒃ, ᒥᔭᐗ ᐁᑳ ᐋᔑᑌᐋᑎᑯᒃ ᑭᒋ ᐃᑕᑾᓂᓕᑭ ᐁ ᐋᔭᒥᐁᑭᔑᑳᓕᒃ, (ᐌᓴ ᐊᓂᒪ ᐁ ᐋᔭᒥᐁᑭᔑᑳᒃ ᑮ ᐃᔅᐯᓕᑖᑾᓐ,) ᑮ ᓇᑐᑕᒪᐌᐗᒃ ᐹᐃᓚᑕ ᐅᔅᑳᑎᓕᐗ ᑭᒋ ᓈᑣᐃᑳᑌᓕᑭ, ᓀᔥᑕ ᑭᒋ ᑭᑐᑕᐋᑲᓂᐎᓕᒋ᙮