3 ᑮ ᐅᑎᑎᓀᐗᒃ ᒫᑲ, ᓀᔥᑕ ᐁ ᑮ ᐅᑖᒪᐙᒋᒃ, ᐱᔑᔑᒃ ᑮ ᑭᒋᑎᔕᐌᐗᒃ᙮
ᒫᑎᑲ, ᒫᑲ, ᐯᔭᒃ ᑫᓇᓂ ᐃᔅᑴᐗ ᐁᑯᑕ ᐌᑐᑌᓕᒋ, ᑭ ᓈᓇᑐᒥᑯ, ᐁ ᐃᑎᑯᑦ ᒫᑲ, ᔕᐌᓕᒥᓐ, ᐅ ᑌᐯᓕᒋᑫᔭᓐ, ᑌᐱᑦ ᐌᑯᓯᓯᒥᔉ: ᓂᑖᓂᔅ ᓈᔅᐱᒡ ᐙᐎᓴᑭᔅᑳᑯ ᒪᒋ ᐊᒑᑾ᙮
ᐃᔅᐱ ᒫᑲ ᐌᑎᒋᐸᓕᓕᒃ ᑮ ᐃᔑᑎᔕᐌᐤ ᐊᑑᔅᑫᓛᑲᓇ ᑭᒋ ᓈᑖᓕᒋ ᐅᓂᑖᐎᑭᒋᑫᐗ, ᑭᒋ ᒥᓕᑯᑦ ᐅᓂᑖᐎᑭᒋᑫᐗ ᒥᓂᔕ ᔓᒥᓈᑎᑯ ᓂᑖᐎᑭᒋᑲᓂᒃ ᐅᒋ᙮
ᒥᓇ ᒫᑲ ᑮ ᐃᔑᑎᔑᐊᒪᐌᐤ ᑯᑕᑭᔭ ᐊᑑᔅᑫᓛᑲᓇ: ᐊᓂᐃ ᒫᑲ ᑮ ᐱᒶᓯᓈᑕᐌᐗᒃ, ᐁ ᒥᔣᑲᓂᑳᑌᐙᒋᒃ ᐅᔅᑎᒀᓂᓕᒃ, ᑮ ᑭᒋᑎᔕᐌᐗᒃ ᒫᑲ ᓈᔅᐱᒡ ᐁ ᒪᒋᑐᑕᐙᑲᓂᐎᓕᒋ᙮
ᑖᓐ ᐊᓂᐃ ᐅᑭᔅᑭᐗᐃᑫᐗ ᑯᑖᐎᐗᐗᒃ ᐁᑳ ᑳ ᑮ ᑲᒀᑕᑭᐋᒋᒃ? ᓀᔥᑕ ᑮ ᓂᐸᐁᐗᒃ ᐊᓂᐃ ᓂᔮᑲᓇ ᑳ ᑮ ᐙᐸᑎᓕᐌᓕᒋ ᑭᒋ ᑕᑯᔑᓂᓕᒋ ᐊᓇ ᐅᒀᔭᔅᑭᑖᑎᓯᐤ; ᐊᓇ ᐁᑯ ᑭᓚᐗᐤ ᑳ ᑮ ᒫᒥᔑᒣᒃ ᓀᔥᑕ ᓂᐸᐁᒃ:
ᐊᓂᑭ ᑳ ᑮ ᓂᐸᐋᒋᒃ ᐅᑎᐯᓕᒋᑫᐗ ᒋᓴᓴ, ᓀᔥᑕ ᑎᐱᓚᐌ ᐅ ᑭᔅᑭᐙᐃᑫᒥᐗᐗ, ᓀᔥᑕ ᑳ ᑮ ᐗᓚᐎᑎᔕᐎᐅᒥᒋᒃ; ᓇᒪᐎᓚ ᒫᑲ ᓇᐃᓚᐌᐁᐗᒃ ᑭᒋᒪᓂᑐᐗ, ᓀᔥᑕ ᐸᑳᓂᐃᑎᓱᒣᐗᒃ ᒥᓯᐌ ᐃᓕᓕᐗ:
