12 ᐎᐋᐸᓂᓕᒃ ᒫᑲ, ᐃᔅᐱ ᐱᐁᒋ ᑭᐌᒋᒃ ᐯᑕᓂᐃᒃ ᐅᒋ, ᑮ ᐎ ᒥᒋᓱ:
ᐃᔅᐱ ᒫᑲ ᑳ ᑮ ᓂᑲᓱᑦ ᓀᒥᑕᓇᐤ ᑭᔑᑲᐗ ᓀᔥᑕ ᑎᐱᔅᑳᐗ, ᐁᑯ ᐙ ᒥᒋᓱᑦ᙮
ᐙᓚᐤ ᒫᑲ ᐁ ᐅᒋ ᐙᐸᒫᑦ ᐸᑫᓵᓇᒥᓈᑎᑾ, ᐁ ᓂᐱᔑᐎᓕᒋ, ᑮ ᐯᒋ ᐃᑐᑌᐤ, ᑫᑲ ᒦᔅᑲᐤ ᐁᑯᑕ ᑫ ᒥᔅᑲᒧᑴ ᑫᒀᓕᐤ: ᐃᔅᐱ ᒫᑲ ᐱᐁᒋ ᓇᑖᑦ, ᓇᒪᐎᓚ ᑫᒀᓕᐤ ᑮ ᒥᔅᑲᒻ ᐱᔑᔑᒃ ᓃᐱᔕ: ᐌᓴ ᓇᒪᐎᓚ ᐁᔥᑾ ᐅᑎᒋᐸᓕᓕᐤ ᑭᒋ ᒥᓂᔑᐎᑦ᙮
ᐁ ᑭᑭᔐᐹᔮᒃ ᒫᑲ, ᐁ ᐊᑎ ᐱᒧᑌᒋᒃ, ᑮ ᐙᐸᒣᐗᒃ ᐸᑯᓵᓂᒥᓈᑎᑾ ᐁ ᐹᓯᓕᒋ ᐅᒉᐱᑯᒃ ᐅᒋ᙮
ᓀᒥᑕᓇᐤ ᑭᔑᑳᐗ ᐁ ᑲᑴᒋᐃᑯᑦ ᒪᒋᒪᓂᑐᐗ᙮ ᒣᒀᒡ ᒫᑲ ᐊᓂᐃ ᐁ ᑭᔑᑳᓕᑭ ᓇᒪᐎᓚ ᑫᒀᓕᐤ ᑮ ᐅᒋ ᒥᒋᐤ: ᐃᔅᐱ ᒫᑲ ᑳ ᐳᓂᐸᓕᓕᑭ, ᐁᑯ ᐙ ᒥᒋᓱᑦ᙮
ᐹᑎᒫ ᐅᒪ, ᒋᓴᔅ ᐁ ᑭᔅᑫᓕᑕᒃ ᒥᓯᐌ ᑫᒀᓇ ᐋᔕᔾ ᐁ ᑭᔑᑖᓂᐗᓂᓕᑭ, ᑭᒋ ᒪᓯᓇᐃᑫᐎᓐ ᑭᒋ ᑎᐱᐸᓕᒃ, ᐃᑗᐤ, ᓂ ᐎ ᒥᓂᒀᓐ᙮
ᐁᐗᑯ ᒫᑲ ᐅᒋ ᒥᓯᐌ ᐃᔑ ᑮ ᐃᑕᔅᑌᓕᐤ ᑭᒋ ᐃᔑᐋᑲᓂᐎᑦ ᑖᐱᔅᑯᒡ ᐎᒋᔖᓇ; ᑭᒋ ᔕᐌᓕᒋᑫᐎ ᓀᔥᑕ ᑾᔭᔅᑭᑎᐎ ᑭᒋᓵᓵᑭᐎᓕᐌᐎᓕᓕᐎᑦ, ᐊᓂᐃ ᑫᒀᓇ ᐅᒋ ᑳ ᑎᐯᓕᑕᒥᓕᒋ ᑭᒋᒪᓂᑐᐗ, ᑭᒋ ᑎᐸᐊᒸᑦ ᐃᓕᓕᐗ ᐅ ᒪᒋᑣᐎᓂᓕᐗ᙮
