11 ᐃᑌᐤ ᒫᑲ, ᐊᐌᓇ ᑫ ᐌᐱᓈᑴ ᐎᐗ, ᓀᔥᑕ ᑯᑕᑭᔭ ᑫ ᐎᑭᒫᑴ, ᐱᔑᒀᒋᑐᑕᐌᐤ᙮
ᑭᑦ ᐃᑎᓇᐗᐤ ᒫᑲ, ᐊᐌᓇ ᑫ ᐌᐱᓈᑴ ᐎᐗ, ᐱᑯ ᑖᐺ ᐱᔑᒀᑎᓯᐎᓂᓕᐤ ᐅᒋ, ᑯᑕᑭᔭ ᒫᑲ ᑫ ᐎᑭᒫᑴ, ᑐᑕᒻ ᐱᔑᒀᑎᓯᐎᓂᓕᐤ: ᓀᔥᑕ ᒫᑲ ᐊᐌᓇ ᐎᑭᒫᑴ ᐊᓂᐃ ᑳ ᐌᐱᓂᒥᒋ, ᑐᑕᒻ ᐱᔑᒀᑎᓯᐎᓂᓕᐤ᙮
ᐱᒋ ᐙᔅᑳᔨᑲᓂᒃ ᒫᑲ ᒥᓇ ᑮ ᑲᑴᒋᒥᑯ ᐅ ᑭᔅᑭᓇᐊᒪᐙᑲᓇ ᐊᓂᐁᓕᐤ ᑫᔮᐸᒡ ᐅᒋ᙮
ᐊᐌᓇ ᑫ ᐌᐱᓈᑴ ᐎᐗ, ᓀᔥᑕ ᑯᑕᑭᔭ ᑫ ᐎᑭᒫᑴ, ᑐᑕᒻ ᐱᔑᒀᑎᓯᐎᓂᓕᐤ: ᐊᐌᓇ ᒫᑲ ᑫ ᐎᑭᒫᑴ ᐊᓂᐃ ᑳ ᐌᐱᓂᑯᓕᒋ ᐅ ᓈᐯᒥᓕᐗ, ᑐᑕᒻ ᐱᔑᒀᑎᓯᐎᓂᓕᐤ᙮
ᑮᔥᐱᓐ ᒫᑲ, ᒣᒀᒡ ᐅ ᓈᐯᒪ ᐁ ᐱᒫᑎᓯᓕᒋ, ᑯᑕᑭᔭ ᓈᐯᐗ ᐎᑭᒫᑌ, ᐱᔑᒀᑎᔅᑴᐤ ᑲᑕ ᐃᔑᓂᑳᑕᐤ: ᒫᑲ ᑮᔥᐱᓐ ᓂᐱᓕᒋ ᐅᓈᐯᒪ, ᐋᐸᐗᐤ ᐊᓂᐁᓕᐤ ᐅᓚᔓᐌᐎᓂᓕᐤ ᐅᒋ; ᓇᒪᐎᓚ ᒫᑲ ᐱᔑᒀᑎᔅᑴᐎᐤ, ᐋᑕ ᐁ ᐎᑭᒫᑦ ᑯᑕᑭᔭ ᓈᐯᐗ᙮
ᐃᔅᑴᐤ ᑳ ᐅ ᓈᐯᒥᑦ ᓇᒪᐎᓚ ᑎᐯᓕᑕᒻ ᐎᔭᐤ, ᒫᑲ ᐅ ᓈᐯᒪ: ᑖᐱᔅᑯᒡ ᓀᔥᑕ ᐊᓇ ᓈᐯᐤ ᑳ ᐎᐎᑦ ᓇᒪᐎᓚ ᑎᐯᓕᑕᒻ ᑎᐱᓚᐌ ᐎᔭᐤ, ᒫᑲ ᐎᐗ᙮
ᐎᑭᑐᐎᓐ ᑭᔅᑌᓕᑖᑾᓂᓕᐤ ᒥᓯᐌ ᑭᒋ ᐅᑎᓇᑭᒃ, ᓀᔥᑕ ᓂᐯᐎᓐ ᐸᔦᑲᓐ; ᒫᑲ ᐅᐎᓂᓯᐗᒃ ᓀᔥᑕ ᐅᐱᔑᒀᑎᓴᒃ ᑳᑕ ᑎᐹᔅᑯᓂᑯᐗᒃ ᑭᒋᒪᓂᑐᐗ᙮
