1 ᐃᔅᐱ ᒫᑲ ᑳ ᑮ ᐯᒋ ᓂᑕᒪᒋᐌᑦ, ᑮ ᓄᔅᐱᓈᑎᑯ ᓈᔅᐱᒡ ᐁ ᒫᒪᐎᒥᒉᑎᓕᒋ ᐃᓕᓕᐗ᙮
ᒫᑲ ᐃᔅᐱ ᒋᓴᔅ ᑫᔅᑫᓕᑕᒃ, ᐊᓐᑕ ᑮ ᐅᒋ ᑭᑐᑌᐤ; ᑮ ᓄᔅᐱᓈᑎᑯ ᒫᑲ ᓈᔅᐱᒡ ᒥᔮᒪᐎᒥᒉᑎᓕᒋ ᐃᓕᓕᐗ, ᒥᓯᐌ ᐁ ᐃᑕᓯᓕᒋ ᒫᑲ ᑮ ᒥᓇᐙᒋᐁᐤ᙮
ᓈᔅᐱᒡ ᒥᒉᑦ ᐃᓕᓕᐗᒃ ᒫᑲ ᑮ ᒫᒪᐎ ᐁᔑ ᓈᑌᐗᒃ, ᐁ ᐋᔭᐙᒋᒃ ᐊᓂᐃ ᐁᑳ ᑳ ᓂᑖᐅᑌᓕᒋ, ᐁᑳ ᑳ ᐙᐱᓕᒋ, ᐁᑳ ᑳ ᓂᑕᐌᓕᒋ, ᑳ ᒫᔅᑭᓯᓕᒋ, ᓀᔥᑕ ᒥᒉᑦ ᑯᑕᑭᔭ, ᑮ ᐊᓓᐗᒃ ᒫᑲ ᒋᓴᓴ ᐅᓯᑎᓕᒃ; ᑮ ᒥᓇᐙᒋᐁᐤ ᒫᑲ:
ᑮ ᓄᔅᐱᓈᑎᑯ ᒫᑲ ᒥᔮᒪᐎᒥᒉᑎᓕᒋ ᐃᓕᓕᐗ; ᐁᑯᑕ ᒫᑲ ᒫᓇᐙᒋᐋᑦ᙮
ᐁ ᐊᑎ ᑭᑐᑌᒋᒃ ᒫᑲ ᒉᕆᑯᐃᒃ ᐅᒋ, ᓈᔅᐱᒡ ᒥᔮᒪᐎᒥᒉᑎᓕᒋ ᐃᓕᓕᐗ ᑮ ᓄᔅᐱᓈᑎᑯ᙮
ᑮ ᓄᔅᐱᓈᑎᑯ ᒫᑲ ᓈᔅᐱᒡ ᒥᒉᑦ ᐃᓕᓕᐗ ᑳᓕᓕᒃ ᐅᒋ, ᓀᔥᑕ ᑎᑳᐳᓕᓯᒃ ᐅᒋ, ᓀᔥᑕ ᒋᕉᓴᓚᒥᒃ ᐅᒋ, ᓀᔥᑕ ᒎᑎᐊᐃᒃ ᐅᒋ, ᓀᔥᑕ ᐊᐙᓯᑌ ᐃᑌᑫᑳᒻ ᒐᕐᑕᓂᒃ ᐅᒋ᙮
ᐌᓴ ᑮ ᑭᔅᑭᓄᐊᒪᐌᐤ ᑖᐱᔅᑯᒡ ᐊᐌᓇ ᐁ ᐋᔮᑦ ᑲᔥᑭᐅᐎᓂᓕᐤ, ᓇᒪᐎᓚ ᒫᑲ ᑖᐱᔅᑯᒡ ᐅᒪᓯᓇᐃᑫᐗᒃ᙮
ᐃᔅᐱ ᒫᑲ ᒋᓴᔅ ᐎᐋᐸᒫᑦ ᓈᔅᐱᒡ ᐁ ᒫᒪᐎᒥᒉᑎᓕᒋ ᐃᓕᓕᐗ ᐁ ᐎᒋᑳᐸᐎᔅᑖᑯᑦ, ᑮ ᐃᑕᔓᐌᐤ ᐊᑳᒥᒃ ᑭᒋ ᐃᔑᒋᒣᒋᒃ᙮
ᒫᑎᑲ, ᒫᑲ ᑮ ᐯᒋ ᓈᑎᑯ ᐅᓓᑉᕈᓯᐃᑖᔅᐱᓀᐗ, ᑮ ᓇᐗᑮᔅᑖᑯ ᒫᑲ, ᐁ ᐃᑗᓕᒋ, ᑌᐯᓕᒋᑫᔭᓐ, ᑮᔥᐱᓐ ᐃᑌᓕᑕᒪᓀ, ᑭ ᑳ ᑮ ᐸᔦᑭᐃᓐ᙮
ᒫᑲ, ᒋᓴᔅ ᐊᓯᒋ ᐅ ᑭᔅᑭᓄᐊᒪᐙᑲᓇ ᑭᒋᑲᒦᒃ ᐃᔑ ᑮ ᐃᑐᑌᐗᒃ: ᓈᔅᐱᒡ ᒥᔮᒪᐎᒥᒉᑎᓕᒋ ᐃᓕᓕᐗ ᒫᑲ ᑮ ᓄᔅᐱᓇᑎᑯ ᑳᓕᓕᒃ ᐅᒋ ᓀᔥᑕ ᒎᑎᐊᐃᒃ ᐅᒋ,
ᒫᑲ ᐋᒋᐱᑯ ᐊᐙᓯᑌ ᑮ ᒫᒪᔅᑲᑖᒋᒪᐤ: ᓈᔅᐱᒡ ᒫᑲ ᒥᔮᒪᐎᒥᒉᑎᒋᒃ ᐃᓕᓕᐗᒃ ᑮ ᒫᒪᐎ ᐯᒋ ᐃᑐᑌᐗᒃ ᑭᒋ ᐯᑕᑭᒃ, ᓀᔥᑕ ᑭᒋ ᒥᓇᐙᒋᐃᑯᒋᒃ ᐅᑦ ᐃᑖᔅᐱᓀᐎᓂᐙᐗ᙮
