ᐅᐸᓓᑭᔅ ᒫᑎᐤ 2:1 - ᐅᔅᑭ ᑎᔅᑌᒥᓐᑦ

¹ ᐃᔅᐱ ᒫᑲ ᒋᓴᔅ ᓀᑖᐎᑭᑦ ᐯᑦᓕᔭᒥᒃ ᒎᑎᐊ ᐊᔅᑮᒃ ᒣᒀᒡ ᑳ ᑭᒋᐅᑭᒪᐎᑦ ᐦᐁᕋᑦ, ᒫᑎᑲ, ᑮ ᑕᑯᔑᓋᒃ ᑫᑫᑕᐌᓕᑕᑭᒃ ᐃᓕᓕᐗᒃ ᒋᕉᓴᓚᒥᒃ ᐙᐸᓄᑖᒃ ᐅᒋ,

ᐅᐸᓓᑭᔅ ᒫᑎᐤ 2:1 Iomraidhean Croise

ᐅᐸᓓᑭᔅ ᒫᑎᐤ 1:25

ᓇᒪᐎᓚ ᒫᑲ ᑮ ᐅᒋ ᑭᔅᑫᓕᒣᐤ ᐱᓕᔥ ᐃᓕᑯᒃ ᑳ ᑮ ᓂᑖᐎᑭᐋᓕᒋ ᓃᔥᑕᒻ ᐅᑯᓯᓯᓕᐗ, ᒋᓴᔅ ᒫᑲ ᑮ ᐃᔑᓂᑳᑎᒣᐤ᙮

ᐅᐸᓓᑭᔅ ᒫᑎᐤ 2:16

ᐁᑯ ᒫᑲ ᐦᐁᕋᑦ, ᐃᔅᐱ ᐎᐋᐸᑕᒃ ᐁ ᑮ ᐙᔦᔑᒥᑯᑦ ᑫᑫᑕᐌᓕᑕᒥᓕᒋ ᐃᓕᓕᐗ, ᓈᔅᐱᒡ ᑮ ᑭᓯᐙᓯᐤ, ᑮ ᑭᒋᑎᔕᐌᐤ ᒫᑲ ᐊᐌᓕᐗ ᑭᒋ ᓂᐸᐋᓕᒋ ᒥᓯᐌ ᐊᐙᔑᔕ ᐯᑦᓕᔭᒥᒃ ᑳ ᐃᑖᓕᒋ, ᓀᔥᑕ ᒥᓯᐌ ᐙᔅᑲ ᐊᓐᑕ, ᐁ ᓂᔓ ᐱᐴᓀᓯᓕᒋ ᐅᒋ, ᓀᔥᑕ ᐊᐙᓯᑌ ᐁ ᐊᐙᔑᔑᐎᓕᒋ ᐁ ᑎᐸᑭᑕᒃ ᐊᓂᒪ ᐃᔅᐱ ᐌᐌᓕᑦ ᐁ ᑮ ᑲᑴᒋᒫᑦ ᑫᑫᑕᐌᓕᑕᒥᓕᒋ ᐃᓕᓕᐗ᙮

ᐅᐸᓓᑭᔅ ᒫᑎᐤ 2:19

ᒫᑲ ᐃᔅᐱ ᐦᐁᕋᑦ ᑳ ᓂᐱᑦ, ᒫᑎᑲ, ᒍᓯᑉ ᑮ ᓄᑯᓰᔅᑖᑯ ᐅᑎᐯᓕᒋᑫᐗ ᐅᑦ ᐁᓐᒐᓕᒥᓕᐗ ᐸᐙᒧᐎᓂᒃ ᐊᓐᑕ ᐃᒋᑉᑎᒃ,

ᐅᐸᓓᑭᔅ ᒫᑎᐤ 2:3

ᐃᔅᐱ ᐦᐁᕋᑦ ᑭᒋᐅᑭᒪᐤ ᑳ ᑮ ᐯᑕᒃ ᐅᐅ ᑫᒀᓇ, ᑮ ᒥᑯᔥᑳᑌᓕᑕᒻ, ᓀᔥᑕ ᒥᓯᐌ ᒋᕉᓴᓚᒥᒃ ᑳ ᐃᑖᒋᒃ ᐊᓯᒋ᙮

ᐅᐸᓓᑭᔅ ᒫᑎᐤ 2:5

ᑮ ᐃᑌᐗᒃ ᒫᑲ ᐯᑦᓕᔭᒥᒃ ᒎᑎᐊ ᐊᔅᑮᒃ: ᐌᓴ ᐁᐗᑴᓕᐤ ᑳ ᐃᑕᓯᓇᐊᒃ ᐅᑭᔅᑭᐙᐃᑫᐤ,

ᐅᐸᓓᑭᔅ ᒫᑎᐤ 2:7

ᐁᑯ ᒫᑲ ᐦᐁᕋᑦ, ᐃᔅᐱ ᑭᒧᒡ ᑳ ᑮ ᓇᑐᒫᑦ ᑫᑫᑕᐌᓕᑕᒥᓕᒋ ᐃᓕᓕᐗ, ᐌᐌᓕᑦ ᑮ ᑲᑴᒋᒣᐤ ᑖᓂᔅᐱ ᑳ ᓄᑯᓯᓕᒋ ᐊᒐᑾ᙮

ᐅᐸᓓᑭᔅ ᓘᒃ 1:5

ᑮ ᐃᑖᐤ ᒣᒀᒡ ᑳ ᑎᐯᓕᒋᑫᓕᒋ ᐦᐁᕋᑕ, ᒎᑎᐊ ᑭᒋᐅᑭᒪᐗ, ᐯᔭᒃ ᓵᓵᑭᐎᓕᐌᐎᓕᓕᐤ ᓵᑲᕌᔭ ᑳ ᐃᔑᓂᑳᓱᑦ, ᑳ ᐅᒌᑦ ᐊᐹᔭᐊ ᐅ ᒦᔅᑯᒡ ᐋᐸᑎᓯᐎ ᐃᓕᓕᒥᓕᒃ: ᐎᐗ ᒫᑲ ᑮ ᐅᑖᓂᓯᒥᑯ ᐁᕋᓇ, ᐃᓕᓴᐱᑦ ᒫᑲ ᑮ ᐃᔑᓂᑳᓱᓕᐗ᙮

ᐅᐸᓓᑭᔅ ᓘᒃ 2:11

ᐌᓴ ᑭᓚᐗᐤ ᐅᒋ ᐊᓄᒡ ᑳ ᑭᔑᑳᒃ ᓂᑖᐎᑭᑦ ᑌᐱᑦ ᐅᑦ ᐃᑖᐎᓂᒃ ᐅᐱᒫᒋᐃᐌᐤ, ᐁᐗᒀᓇ ᙭ ᐅᑎᐯᓕᒋᑫᐤ᙮

ᐅᐸᓓᑭᔅ ᓘᒃ 2:15

ᑮ ᐃᑭᓐ ᒫᑲ, ᑳ ᓇᒪᑎᑯᒋᒃ ᐁᓐᒐᓚ ᑭᒋᑭᔑᑯᒃ ᐁ ᐃᑐᑌᓕᒋ, ᒫᓂᔥᒑᓂᔑᐎᓕᓕᐗᒃ ᑮ ᐃᑎᑐᐗᒃ, ᐁᑯ ᐃᑐᑌᑕᐤ ᐯᑦᓕᔭᒥᒃ, ᑭᒋ ᐋᐸᑕᒪᒃ ᐅᒪ ᑫᒀᓐ ᑳ ᐃᑭᒃ, ᑳ ᑭᔅᑫᓕᑕᒥᐃᑕᒃ ᐅᑎᐯᓕᒋᑫᐤ᙮

ᐅᐸᓓᑭᔅ ᒑᓐ 7:42

ᓇᒪ ᓈ ᑭᒋ ᒪᓯᓇᐃᑫᐎᓐ ᑮ ᐃᑗᒪᑲᓐ, ᙭ ᑭᒋ ᐅᒌᑦ ᑌᐱᑦ ᐅᑦ ᐊᐙᔑᒥᔕ ᐅᒋ, ᓀᔥᑕ ᐯᑦᓕᔭᒻ ᐃᑖᐎᓂᒃ ᐅᒋ, ᐅᑕ ᑌᐱᑦ ᑳ ᑮ ᐃᑖᑦ᙮