ᐅᐸᓓᑭᔅ ᓘᒃ 9:2 - ᐅᔅᑭ ᑎᔅᑌᒥᓐᑦ

² ᑮ ᐃᔑᑎᔕᐌᐤ ᒫᑲ ᑭᒋ ᐙᐎᑕᒸᓕᒋ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᐤ, ᓀᔥᑕ ᑭᒋ ᒥᓇᐙᒋᐋᓕᒋ ᑳ ᐋᑯᓯᓕᒋ᙮

ᐅᐸᓓᑭᔅ ᓘᒃ 9:2 Iomraidhean Croise

ᐅᐸᓓᑭᔅ ᒫᑎᐤ 10:5

ᐅᐅ ᓂᔓᔖᑉ ᒋᓴᔅ ᑮ ᑭᒋᑎᔕᐌᐤ, ᑮ ᐃᑕᔓᐙᑌᐤ ᒫᑲ, ᐁ ᐃᑗᑦ, ᐁᑳᐎᓚ ᐃᑐᑌᒃ ᐃᑕ ᐁ ᐃᑖᒋᒃ ᒉᓐᑕᐃᓚᒃ, ᓀᔥᑕ ᐅᑦ ᐃᑖᐎᓂᐙᒃ ᓴᒫᕆᑖᓇᒃ ᐁᑳᐎᓚ ᐱᑐᑫᐙᒃ᙮

ᐅᐸᓓᑭᔅ ᒫᑎᐤ 13:19

ᐃᔅᐱ ᐊᐌᓇ ᐱᐁᑕᑭ ᐅᑭᒫᐎᐎᓂ ᐋᔭᒥᐎᓂᓕᐤ, ᐁᑳ ᒫᑲ ᓀᓯᑐᑕᑭ, ᐁᑯ ᐱᐁᒋ ᒪᔅᑲᒥᑯᑦ ᒪᒋ ᐊᐌᓕᐗ ᐊᓂᐁᓕᐤ ᑳ ᑮ ᐸᑭᑎᓂᑳᑌᓕᒃ ᐅᑌᐃᒃ᙮ ᐁᐗᑯ ᐊᐗ ᑳ ᐅᑎᓇᒃ ᓯᒥᓇ ᐅᐱᒣ ᒣᔅᑲᓈᒃ᙮

ᐅᐸᓓᑭᔅ ᒫᑎᐤ 24:14

ᐅᒪ ᐅᑭᒫᐎᐎᓂ ᒥᓗᐋᒋᒧᐎᓐ ᒫᑲ ᑲᑕ ᐙᐎᑖᑲᓂᐗᓐ ᒥᓯᐌ ᐊᔅᑮᒃ, ᑭᒋ ᐎᑕᒫᑯᒋᒃ ᒥᓯᐌ ᐁ ᐃᑕᔅᑳᓀᓯᒋᒃ ᐃᓕᓕᐗᒃ; ᐁᑯ ᒫᑲ ᑫ ᐃᔥᒀᐸᓕᒃ᙮

ᐅᐸᓓᑭᔅ ᒫᑎᐤ 3:2

ᐁ ᐃᑗᑦ ᒫᑲ, ᑴᔅᑳᑎᓰᒃ: ᐌᓴ ᑭᒋᑭᔑᑳᐎ ᐅᑭᒫᐎᐎᓐ ᐯᔓᓈᑾᓐ᙮

ᐅᐸᓓᑭᔅ ᒫᕐᒃ 16:15

ᑮ ᐃᑌᐤ ᒫᑲ, ᒥᓯᐌ ᐁᔅᐱᑕᔅᑲᒥᑳᒃ ᐃᑐᑌᒃ, ᐙᐎᑕᒫᑯᒃ ᒫᑲ ᒥᓯᐌ ᐯᒫᑎᓯᒋᒃ ᒥᓗᐋᒋᒧᐎᓂᓕᐤ᙮

ᐅᐸᓓᑭᔅ ᒫᕐᒃ 6:12

ᑮ ᑭᑐᑌᐗᒃ ᒫᑲ, ᓀᔥᑕ ᑮ ᑲᑫᔅᑭᒥᐌᐗᒃ ᐃᓕᓕᐗ ᑭᒋ ᑴᔅᑳᑎᓯᓕᒋ᙮

ᐅᐸᓓᑭᔅ ᓘᒃ 10:1

ᑳ ᐳᓂᐸᓕᑭ ᒫᑲ ᐅᐅ ᑫᒀᓇ ᐅᑎᐯᓕᒋᑫᐤ ᑮ ᐹᑳᓂᐁᐤ ᑯᑕᑭᔭ ᓂᔂᓱᒥᑕᓇᐤ ᐊᓯᒋ, ᓀᔥᑕ ᑮ ᐃᔑᑎᔕᐌᐤ ᓈᓂᔓ ᑭᒋ ᓂᑳᓄᑖᑯᑦ ᒥᓯᐌ ᐅᑌᓈᒃ ᓀᔥᑕ ᐃᑖᐎᓂᒃ ᐃᑕ ᐎᓚ ᑫᒋᐙᒃ ᐙ ᐃᑐᑌᑦ᙮

ᐅᐸᓓᑭᔅ ᓘᒃ 10:11

ᐙᐙᒡ ᒪᒋᑾᓛᔕ ᑭᑦ ᐃᑖᐎᓂᐙᒃ ᑳ ᐅᒋ ᔑᐱᑯᔑᔮᒃ ᓂ ᑳᓯᐌᐯᓀᓈᓐ ᑭᒋ ᒫᒥᔑᒥᑯᔦᒃ: ᐁᓕᐌᒃ ᒫᑲ, ᑫᒋᓇᐅᒃ ᐅᒪ, ᑭᒋᒪᓂᑐ ᐅᑦ ᐅᑭᒫᐎᐎᓐ ᐯᔓᒡ ᑭᑦ ᐅᑎᑎᑯᐙᓇᐗᐤ᙮

ᐅᐸᓓᑭᔅ ᓘᒃ 10:9

ᒥᓇᐙᒋᐃᑯᒃ ᒫᑲ ᐊᓂᑭ ᑳ ᐋᑯᓯᒋᒃ ᐁᑯᑕ ᑳ ᐃᑖᒋᒃ; ᐃᑎᑯᒃ ᒫᑲ, ᑭᒋᒪᓂᑐ ᐅᑦ ᐅᑭᒫᐎᐎᓐ ᐯᔓᒡ ᑭᑦ ᐅᑎᑎᑯᐙᓇᐗᐤ᙮

ᐅᐸᓓᑭᔅ ᓘᒃ 16:16

ᐅᓚᔓᐌᐎᓐ ᓀᔥᑕ ᐅᑭᔅᑭᐙᐃᑫᐗᒃ ᑮ ᐃᑖᐗᒃ ᐱᓕᔥ ᒑᓐ: ᐊᔅᐱᓐ ᐁᑯᔅᐱ ᒫᑲ ᑭᒋᒪᓂᑐ ᐅᑦ ᐅᑭᒫᐎᐎᓐ ᐙᐎᒋᑳᑌᓕᐤ, ᒥᓯᐌ ᑕᑐ ᐊᐌᓇ ᒫᑲ ᐎᑳ ᑲᑴ ᐱᑐᑫᐤ᙮

ᐅᐸᓓᑭᔅ ᓘᒃ 9:11

ᐃᓕᓕᐗᒃ ᒫᑲ ᐃᔅᐱ ᑫᔅᑫᓕᑕᒋᒃ, ᑮ ᓄᔅᐱᓇᑌᐙᒃ: ᑮ ᐅᑎᓀᐤ ᒫᑲ, ᓀᔥᑕ ᑮ ᐋᓕᒧᑕᒪᐌᐤ ᑭᒋᒪᓂᑐᐒ ᐅᑦ ᐅᑭᒫᐎᐎᓂᓕᐤ, ᓀᔥᑕ ᑮ ᒥᓇᐙᒋᐁᐤ ᐊᓂᐃ ᑳ ᓇᑐᐌᓕᑕᒥᓕᒋ ᑭᒋ ᒥᓇᐙᒋᐋᑲᓂᐎᓕᒋ᙮