ᐅᐸᓓᑭᔅ ᓘᒃ 8:44 - ᐅᔅᑭ ᑎᔅᑌᒥᓐᑦ

⁴⁴ ᑮ ᐯᒋ ᐃᑐᑌᐤ ᐅᔅᐱᔅᑾᓂᓕᒃ, ᓀᔥᑕ ᑮ ᓵᒥᓇᒬᐤ ᐅ ᐎᓛᒋᑲᓂᓕᐤ ᐁ ᐙᔅᑳᔮᓕᒃ: ᑣᔦᒃ ᒫᑲ ᐁ ᐅᒋᑲᐗᓂᓕᒃ ᐅᒥᑯ ᑮ ᑭᐱᒋᑲᐗᓂᓕᐤ᙮

ᐅᐸᓓᑭᔅ ᓘᒃ 8:44 Iomraidhean Croise

ᐅᐸᓓᑭᔅ ᒫᑎᐤ 20:34

ᐁᑯᔑ ᒫᑲ ᒋᓴᔅ ᑮ ᑭᑎᒫᑫᓕᒣᐤ, ᑮ ᓵᒥᓇᒬᐤ ᒫᑲ ᐅᔅᑭᔑᑯᓕᐗ: ᑣᔦᒃ ᒫᑲ ᑮ ᐙᐱᐋᐗᒃ, ᑮ ᓄᔅᐱᓇᑌᐗᒃ ᒫᑲ᙮

ᐅᐸᓓᑭᔅ ᒫᑎᐤ 8:3

ᒋᓴᔅ ᒫᑲ ᑮ ᔓᐎᓂᔅᑫᓕᐤ, ᑮ ᓵᒥᓀᐤ ᒫᑲ, ᐁ ᐃᑗᑦ, ᓂ ᐎ ᑐᑌᓐ; ᐹᔦᑭᓯ ᒫᑲ᙮ ᑣᔦᒃ ᒫᑲ ᑮ ᐹᔦᑭᑖᓂᐗᓂᓕᐤ ᐅ ᓓᑉᕈᓯᐃᑖᔅᐱᓀᐎᓐ᙮

ᐅᐸᓓᑭᔅ ᒫᑎᐤ 9:20

ᒫᑎᑲ, ᒫᑲ, ᐯᔭᒃ ᐃᔅᑴᐗ, ᑳ ᐋᑯᓯᓕᒋ, ᐁ ᐅᒋᑲᐗᓂᓕᒃ ᐅᒥᑯ ᐃᔥᐱᔥ ᓂᔓᔖᑉ ᐱᐴᓋ, ᐅᔅᐱᔅᑾᓂᒃ ᑮ ᐯᒋ ᓈᑎᑯ, ᐁ ᓵᒥᓇᒥᓕᒋ ᐅ ᐎᓛᒋᑲᓐ ᑎᑎᐱᔅᑕᐃᑲᓂᒃ:

ᐅᐸᓓᑭᔅ ᒫᕐᒃ 6:56

ᐱᑯ ᐃᑕ ᒫᑲ ᐁ ᐹᐱᑐᑫᑦ, ᐃᑖᐎᓂᔑᒃ, ᓀᔥᑕᐱᑯ ᐃᑖᐎᓂᒃ, ᓀᔥᑕᐱᑯ ᐊᔅᑮᒃ, ᑮ ᐸᐱᒥᔑᒣᐗᒃ ᐊᓂᐃ ᑳ ᐋᑯᓯᓕᒋ ᐱᒧᑌᔅᑲᓈᒃ, ᑮ ᓇᑐᑕᒪᐌᐗᒃ ᒫᑲ ᑭᒋ ᓵᒥᓇᒸᒋᒃ ᐱᑯ ᐅᑦ ᐊᑯᐅᓂᓕᐤ ᑎᑎᐱᔅᑕᐃᑲᓂᒃ; ᒥᓯᐌ ᒫᑲ ᑳ ᓵᒥᓂᑭᒃ ᑮ ᒥᓇᐙᒋᐋᐗᒃ᙮

ᐅᐸᓓᑭᔅ ᓘᒃ 13:13

ᑮ ᓵᒥᓀᐤ ᒫᑲ: ᑣᔦᒃ ᒫᑲ ᑮ ᑕᔓᑳᐸᐎᐊᐤ, ᓀᔥᑕ ᑮ ᑭᔅᑖᒋᒣᐤ ᑭᒋᒪᓂᑐᐗ᙮

ᐅᐸᓓᑭᔅ ᓘᒃ 7:38

ᓀᔥᑕ ᑮ ᓂᐸᐎᐤ ᐅᓯᑎᓕᒃ ᐅᔅᐱᔅᑾᓂᓕᒃ ᐁ ᒫᑐᑦ, ᑮ ᐊᑎ ᑭᒋᔅᑖᐸᐗᓯᑌᓀᐤ ᒫᑲ ᐁ ᐅᒋᑲᐙᐱᑦ, ᓀᔥᑕ ᑮ ᑳᓯᓇᒬᐤ ᐅᔅᑎᒀᓂᐱᐗᔭ ᐅᒋ, ᓀᔥᑕ ᑮ ᐅᒉᑕᒬᐤ ᐅᓯᑎᓕᐗ, ᑮ ᑕᒪᔅᑯᓇᒬᐤ ᒫᑲ ᑕᒪᔅᑯᐎᓂᓕᐤ ᐅᒋ᙮

ᐅᐸᓓᑭᔅ ᓘᒃ 8:43

ᐃᔅᑴᐤ ᒫᑲ, ᐁ ᑮ ᐅᒋᑲᐗᓂᓕᒃ ᐅᒥᑯ ᓂᔓᔖᑉ ᐱᐴᓋ, ᑳ ᑮ ᒣᔅᑎᓇᒃ ᒥᓯᐌ ᑳ ᐋᔮᑦ ᑭᒋ ᐅᒋ ᑎᐸᐊᒪᐙᑦ ᓇᑕᑯᓚᓇ, ᐁᑳ ᒫᑲ ᐁ ᑮ ᒥᓇᐙᒋᐃᑯᑦ ᐊᐌᓕᐗ,

ᐅᐸᓓᑭᔅ ᓘᒃ 8:45

ᒋᓴᔅ ᒫᑲ ᑮ ᐃᑗᐤ, ᐊᐌᓇ ᑳ ᓵᒥᓂᑦ? ᐃᔅᐱ ᒥᓯᐌ ᐃᐋᓉᑕᑭᒃ, ᐱᑕᕐ, ᓀᔥᑕ ᐊᓂᐃ ᑳ ᐎᒉᐎᑯᑦ ᑮ ᐃᑗᐗᒃ, ᑫᔅᑭᓄᐊᒫᑫᔭᓐ, ᒥᔮᒪᐎᒥᒉᑎᒋᒃ ᐃᓕᓕᐗᒃ ᑮ ᓯᑎᔥᑳᑾᒃ, ᓀᔥᑕ ᑮ ᒫᑕᑯᔥᑳᑾᒃ, ᑭᑦ ᐃᑣᓐ ᓈ ᒫᑲ, ᐊᐌᓇ ᑳ ᓵᒥᓂᑦ?

ᐅᐸᓓᑭᔅ ᒑᓐ 5:13

ᐊᓇ ᒫᑲ ᑳ ᒥᓇᐙᒋᐋᑲᓂᐎᑦ ᓇᒪᐎᓚ ᐅᒋ ᑭᔅᑫᓕᑕᒻ ᐊᐌᓕᐗ ᐃᐋᐎᓕᒋ: ᐌᓴ ᒋᓴᔅ ᑮ ᑭᑐᑕᐃᑎᓱ, ᐁ ᒫᒪᐎᒥᒉᑎᓕᒋ ᐃᓕᓕᐗ ᐁᑯᑕ ᐁ ᐃᑖᓕᒋ᙮

ᐊᐸᔅᑕᓚᒃ 19:12

ᐁᐗᑯ ᐌᒋ ᐎᔭᐎᒃ ᐅᒋ ᑮ ᐯᑐᐙᑲᓂᐎᐗᒃ ᑳ ᐋᑯᓯᒋᒃ ᑖᐱᔅᑳᑲᓇ ᓀᔥᑕ ᐊᔅᐱᒋᑯᓀᐅᓇ, ᑮ ᓇᑲᑎᑯᐗᒃ ᒫᑲ ᐃᑖᔅᐱᓀᐎᓇ, ᓀᔥᑕ ᒪᒋ ᐊᒑᑾ ᑮ ᐗᓚᐎᐗ ᐎᔭᐎᐗᒃ ᐅᒋ᙮

ᐊᐸᔅᑕᓚᒃ 5:15

ᑳ ᐅᒋ ᐯᒋ ᐗᓚᐎᑕᐋᒋᒃ ᑳ ᐋᑯᓯᓕᒋ ᐊᓐᑕ ᐱᒧᑌᔅᑲᓈᒃ, ᑮ ᐱᒥᔑᒣᐙᒃ ᒫᑲ ᓂᐯᐎᓂᒃ, ᓀᔥᑕ ᐋᔅᐱᔑᒨᐎᓂᒃ, ᒥᑰᒋᑲ ᐁ ᐋᑲᐙᔅᑌᔑᒃ ᐱᑕᕐ ᐁ ᐱᒧᑌᑦ ᑭᒋ ᑮ ᐋᑲᐙᔅᑌᔅᑳᑯᒋᒃ ᐋᑎᑦ ᐁ ᐃᑕᓯᒋᒃ᙮