ᐅᐸᓓᑭᔅ ᓘᒃ 8:2 - ᐅᔅᑭ ᑎᔅᑌᒥᓐᑦ

² ᓀᔥᑕ ᐋᑎᑦ ᐃᔅᑴᐗᒃ ᑳ ᑮ ᒥᓇᐙᒋᐋᑲᓂᐎᒋᒃ ᐁ ᐋᔭᐙᒋᒃ ᒪᒋ ᐊᒑᑾ ᓀᔥᑕ ᐁ ᐊᑰᓯᒋᒃ, ᒣᕆ ᑳ ᐃᔑᓂᑳᓱᑦ ᒫᒃᑕᓖᓐ, ᐁᐗᒀᓇ ᑳ ᐅᒋ ᐗᓚᐎᐸᓕᒋᒃ ᓂᔂᔅ ᒪᒋ ᐊᒐᑾᒃ,

ᐅᐸᓓᑭᔅ ᓘᒃ 8:2 Iomraidhean Croise

ᐅᐸᓓᑭᔅ ᒫᑎᐤ 4:24

ᑮ ᐸᐹᑎᐹᒋᒫᑲᓂᐎᐤ ᒫᑲ ᒥᓯᐌ ᓯᕆᔭᐃᒃ: ᑮ ᐯᑐᐌᐗᒃ ᒫᑲ ᒥᓯᐌ ᑮ ᐋᑯᓯᓕᒋ ᐃᓕᓕᐗ ᓇᓈᑲᐤ ᑳ ᐃᑖᔅᐱᓀᓕᒋ ᓀᔥᑕ ᐃᔑ ᐙᐎᓴᑫᓕᑕᒥᓕᒋ, ᐊᓂᐃ ᓀᔥᑕ ᑳ ᐱᒋᔅᑳᑯᓕᒋ ᒪᒋ ᐊᒑᑾ, ᐊᓂᐃ ᓀᔥᑕ ᑳ ᑮᔥᑴᓕᒋ, ᐊᓂᐃ ᓀᔥᑕ ᑳ ᓇᓇᒫᔅᐱᓀᓕᒋ; ᑮ ᒥᓇᐙᒋᐁᐤ ᒫᑲ᙮

ᐅᐸᓓᑭᔅ ᒫᕐᒃ 16:1

ᐃᔅᐱ ᒫᑲ ᑳ ᒫᔭᐎᐸᓕᒃ ᐁ ᐋᔭᒥᐁᑭᔑᑳᒃ, ᒣᕆ ᒫᒃᑕᓖᓐ, ᓀᔥᑕ ᒣᕆ ᐅᑳᐎᔭ ᒉᒻᔅ ᓀᔥᑕ ᓴᓗᒥ, ᑮ ᐊᑖᐌᐙᑯᐸᓐ ᐁ ᔑᐙᓕᑭ ᒪᔥᑭᑭᔭ, ᑭᒋ ᑮ ᐯᒋ ᑕᒪᔅᑯᓈᒋᒃ᙮

ᐅᐸᓓᑭᔅ ᒫᕐᒃ 16:9

ᐃᔅᐱ ᒫᑲ ᒋᓴᔅ ᑳ ᐙᓂᔥᑳᑦ ᐎᐸᒡ ᓃᔥᑕᒻ ᐁ ᑭᔑᑳᒃ ᐊᓂᒪ ᐁ ᑕᐙᔅᑌᒃ, ᓃᔥᑕᒻ ᑮ ᓄᑯᓰᔅᑕᐌᐤ ᒣᕆ ᒫᒃᑕᓕᓇ, ᐊᓂᐃ ᑳ ᑮ ᐅᒋ ᐗᓚᐎᐌᐱᓈᑦ ᓂᔂᔅ ᒪᒋ ᐊᒑᑾ᙮

ᐅᐸᓓᑭᔅ ᓘᒃ 23:27

ᑮ ᓄᔅᐱᓈᑎᑯ ᒫᑲ ᓈᔅᐱᒡ ᒥᒉᑦ ᐃᓕᓕᐗ, ᓀᔥᑕ ᐃᔅᑴᐗ, ᐁ ᒪᐎᑳᑎᑯᑦ ᓀᔥᑕ ᐁ ᒧᔅᑲᐙᑎᑯᑦ᙮

ᐅᐸᓓᑭᔅ ᓘᒃ 23:49

ᓀᔥᑕ ᒥᓯᐌ ᐅᑐᑌᒪ, ᓀᔥᑕ ᐊᓂᐃ ᐃᔅᑴᐗ ᑳ ᓄᔅᐱᓈᑎᑯᑦ ᑳᓕᓖᒃ ᐅᒋ, ᐗᓚᐤ ᑮ ᓂᐸᐎᓕᐗ, ᐁ ᑲᓇᐙᐸᑕᒥᓕᒋ ᐅᐅ ᑫᒀᓇ᙮

ᐅᐸᓓᑭᔅ ᓘᒃ 23:55

ᐊᓂᑭ ᐃᔅᑴᐗᒃ ᓀᔥᑕ, ᑳ ᐯᒋ ᐎᒉᐙᒋᒃ ᑳᓕᓖᒃ ᐅᒋ, ᑮ ᓄᔅᐱᓇᔑᐌᐗᒃ, ᓀᔥᑕ ᑮ ᑲᓇᐙᐸᑕᒶᒃ ᒋᐹᔨᑲᒥᑯᓕᐤ, ᓀᔥᑕ ᑳ ᐃᔑ ᐱᒥᑎᑖᓂᐗᓂᓕᒃ ᐎᔭᐎᓕᐤ᙮

ᐅᐸᓓᑭᔅ ᓘᒃ 8:30

ᒋᓴᔅ ᒫᑲ ᑮ ᑲᑴᒋᒣᐤ, ᐁ ᐃᑗᑦ, ᑖᓐ ᐁᔑᓂᑳᓱᔭᓐ? ᑮ ᐃᑗᐤ ᒫᑲ, ᓕᒋᔭᓐ; ᐌᓴ ᑮ ᐱᑐᑫᔅᑳᑯ ᒥᒉᑦ ᒪᒋ ᐊᒑᑾ᙮

ᐅᐸᓓᑭᔅ ᒑᓐ 19:25

ᒋᓴᔅ ᐅᑳᐎᔭ ᒫᑲ ᑮ ᓂᐸᐎᓕᐗ ᑭᔑᐙᒃ ᐅᑦ ᐋᔑᑌᐋᑎᑯᒥᒃ, ᓀᔥᑕ ᐅᑳᐎᔭ ᐎᒋᔖᓂᔅᑴᒥᓕᐗ, ᒣᕆ ᒃᓕᐅᐹᔅ ᐎᐗ, ᓀᔥᑕ ᒣᕆ ᒫᒃᑕᓖᓐ᙮

ᐊᐸᔅᑕᓚᒃ 1:14

ᒥᓯᐌ ᐅᑯ ᑮ ᒫᒪᐎᐃᑖᐗᒃ ᐁ ᐯᔭᑯ ᒥᑐᓀᓕᒋᑲᓂᒋᒃ ᐁ ᐋᔭᒥᐋᒋᒃ ᓀᔥᑕ ᐁ ᓇᑐᑕᒫᑫᒋᒃ, ᐊᓯᒋ ᐊᓂᑭ ᐃᔅᑴᐗᒃ, ᓀᔥᑕ ᒣᕆ ᐅᑳᐎᔭ ᒋᓴᔅ, ᓀᔥᑕ ᐎᒋᔖᓇ ᐊᓯᒋ᙮