10 ᐃᓕᓕᐗᒃ ᒫᑲ ᑮ ᑲᑴᒋᒣᐗᒃ, ᐁ ᐃᑗᒋᒃ, ᑫᒀᓐ ᒫᑲ ᑫ ᑐᑕᒫᒃ?
ᐁᑯ ᒫᑲ ᐸᑉᓕᑳᓇᒃ ᐊᓯᒋ ᐱᐁᒋ ᐃᑐᑌᒋᒃ ᑭᒋ ᓯᑲᐋᑕᐙᑲᓂᐎᒋᒃ, ᓀᔥᑕ ᑮ ᐃᑌᐗᒃ, ᑫᔅᑭᓄᐊᒫᑫᔭᓐ, ᑫᒀᓐ ᑫ ᑐᑕᒫᒃ?
ᓇᑐᐸᓕᐎᓕᓕᐗᒃ ᓀᔥᑕ ᑮ ᑲᑴᒋᒣᐗᒃ, ᐁ ᐃᑗᒋᒃ, ᑫᒀᓐ ᓂᓚᓈᓐ ᓀᔥᑕ ᑫ ᑐᑕᒫᒃ? ᑮ ᐃᑌᐤ ᒫᑲ, ᐁᑳᐎᓚ ᐅᔑᑯᐃᒃ ᐊᐌᓇ, ᐁᑳᐎᓚ ᓀᔥᑕ ᑭᓛᔅᑭ ᒪᒥᔑᒥᒃ ᐊᐌᓇ; ᑌᐯᓕᑕᒧᒃ ᒫᑲ ᑭ ᑎᐸᐊᒫᑯᓰᐃᓂᐗᐤ᙮
ᓄᑯᑖᒃ ᐃᓴ ᐁ ᐃᔑ ᒥᓂᔑᐗᒃ ᑴᔅᑳᑎᓯᐎᓐ; ᐁᑳᐎᓚ ᒫᑲ ᒫᒋ ᐃᑎᑎᓱᒃ, ᓂᑦ ᐋᔮᐙᓈᓐ ᐁᑉᕃᐋᒻ ᐁ ᐅᑖᐎᔮᒃ: ᐌᓴ ᑭᑦ ᐃᑎᓇᐗᐤ ᑭᒋᒪᓂᑐ ᐁ ᑲᔥᑭᑖᑦ ᐅᐅ ᐊᓯᓂᔭ ᑭᒋ ᐅᒋ ᐅᑕᐙᔑᒥᔑᑲᐙᑦ ᐁᑉᕃᐊᒪ᙮
ᑮ ᐯᒋ ᐗᓚᐎᑕᐁᐤ ᒫᑲ, ᓀᔥᑕ ᑮ ᐃᑌᐤ, ᐅᑭᒪᑐᒃ, ᑫᒀᓐ ᑫ ᑐᑕᒫᓐ ᑭᒋ ᑮ ᐱᒫᒋᐅᔮᓐ?
ᐃᔅᐱ ᒫᑲ ᐅᒪ ᑳ ᑮ ᐯᑕᑭᒃ ᑮ ᒥᑯᔥᑲᑌᓕᑕᒸᒃ ᐅᑌᐃᐙᒃ, ᑮ ᐃᑌᐙᒃ ᒫᑲ ᐱᑕᕋ ᓀᔥᑕ ᑯᑕᑭᔭ ᐊᐸᔅᑎᓚ, ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᑖᓂ ᑫ ᑐᑕᒫᒃ?
ᐁᑯ ᐱᑕᕐ ᑳ ᐃᑖᑦ, ᒥᒋᓚᐌᔦᓕᑕᒪᒃ, ᐁᑯᔑ ᑭ ᑳ ᓯᑲᐊᑖᑲᐎᓇᐗᐤ ᒫᑲ ᒥᓯᐌ ᑕᑐ ᐁ ᐃᑕᔑᔦᒃ ᐅᑦ ᐃᔑᓂᑳᓱᐎᓂᒃ ᐊᓇ ᒋᓴᔅ ᙭, ᑭᒋ ᐅᒋ ᐌᐯᓕᒋᑳᑌᑭ ᑭ ᒪᒋᑣᐎᓂᐗᐗ, ᑭ ᑳ ᒥᓕᑲᐎᓈᐗᐤ ᒫᑲ ᑳ ᐸᓓᑭᓯᑦ ᐊᒑᒃ᙮
ᐁ ᓇᓂᑭᐸᓕᑦ ᒫᑲ, ᓀᔥᑕ ᐁ ᒫᒪᔅᑳᑌᓕᑕᒃ ᑮ ᐃᑗᐤ, ᑌᐯᓕᒋᑫᔭᓐ, ᑫᒀᓐ ᓀᑕᐌᓕᒥᔭᓐ ᑭᒋ ᑑᑕᒫᓐ? ᐅᑎᐯᓕᒋᑫᐤ ᒫᑲ ᑮ ᐃᑌᐤ, ᐗᓂᔥᑳ, ᐃᑐᑌ ᒫᑲ ᐃᑖᐎᓂᒃ, ᓀᔥᑕ ᑭ ᑳ ᐎᑕᒫᑲᐎᓐ ᑫᒀᓐ ᑫ ᑑᑕᒪᓐ᙮
