52 ᑮ ᓇᐗᑮᔅᑕᐌᐤ ᒫᑲ, ᓀᔥᑕ ᑮ ᑭᐌᐗᒃ ᒋᕉᓴᓚᒥᒃ ᓈᔅᐱᒡ ᐁ ᒥᓚᐙᑕᑭᒃ;
ᐃᔅᐱ ᒫᑲ ᐎᐋᐸᒫᒋᒃ ᑮ ᓇᐗᑭᔅᑕᐌᐗᒃ: ᒫᑲ ᐋᑎᑦ ᑮ ᐋᔨᑕᐌᓕᑕᒶᒃ᙮
ᐁ ᐊᑎ ᐃᑐᑌᒋᒃ ᒫᑲ ᑭᒋ ᐎᑕᒪᐋᒋᒃ ᐅ ᑭᔅᑭᓄᐊᒪᐙᑲᓇ, ᒫᑎᑲ, ᑮ ᓇᑭᔥᑳᑯᐗᒃ ᒋᓴᓴ, ᐁ ᐃᑎᑯᒋᒃ, ᒧᒋᑫᓕᑕᒧᒃ᙮ ᑮ ᐯᒋ ᒫᑯᓀᐗᒃ ᒫᑲ ᐅᓯᑎᓕᒃ, ᑮ ᓇᐗᑮᔅᑕᐌᐗᒃ ᒫᑲ᙮
ᑮ ᐃᑭᓐ ᒫᑲ, ᒣᒀᒡ ᐁ ᒥᓦᑭᒫᑦ, ᑮ ᐹᑳᓈᐸᒣᐤ, ᓀᔥᑕ ᑮ ᐃᔑᐎᓚᐤ ᑭᒋᑭᔑᑯᒃ᙮
ᓀᔥᑕ ᒧᔕᒃ ᑮ ᐃᑖᐗᒃ ᑭᒋᐋᔭᒥᐁᐎᑲᒥᑯᒃ, ᐁ ᒫᒥᒋᒫᒋᒃ ᓀᔥᑕ ᐁ ᑭᔅᑖᒋᒫᒋᒃ ᑭᒋᒪᓂᑐᐗ᙮ ᐁᒣᓐ᙮
ᑭ ᑮ ᐯᑌᓇᐗᐤ ᑳ ᑮ ᐃᑎᑕᑾᒃ, ᓂ ᑭᑐᑖᓐ, ᓀᔥᑕ ᒥᓇ ᑭ ᑳ ᐯᒋ ᓈᑎᑎᓇᐗᐤ᙮ ᑮᔥᐱᓐ ᑮ ᓵᑭᐃᔦᒃ, ᑭ ᑳ ᒧᒋᑫᓕᑌᑕᐗᐤ, ᐁ ᑮ ᐃᑗᔮᓐ, ᓂ ᓈᑕᐤ ᐅᑖᐎᒪᐤ: ᐌᓴ ᓄᑖᐎ ᐊᐙᓯᑌ ᑭᔅᑌᓕᑖᑯᓯᐤ ᐃᔥᐱᔥ ᓂᓚ᙮
ᑭᓚᐗᐤ ᒫᑲ ᐊᓄᒡ ᑭᑦ ᐋᔮᓇᐗᐤ ᑯᐹᑌᓕᒧᐎᓐ: ᒫᑲ ᒥᓇ ᑭ ᑳ ᐙᐸᒥᑎᓇᐗᐤ, ᐁᑯ ᑭᑌᐃᐗᐤ ᑫ ᒥᓚᐙᑕᒧᒪᑲᒃ, ᓀᔥᑕ ᑭ ᒥᓚᐙᑕᒧᐎᓂᐗᐤ ᓇᒪᐎᓚ ᐊᐌᓇ ᑭ ᒪᔅᑲᒥᑯᐗᐤ᙮
ᐁᓕᐌᒃ ᒫᑲ ᑭ ᐎᑕᒫᑎᓇᐗᐤ ᑖᐺᐎᓐ: ᑭᓚᐗᐤ ᐅᒋ ᓇᐃᐸᓕᐤ ᑭᒋ ᑭᑐᑌᔮᓐ: ᐌᓴ ᑮᔥᐱᓐ ᐁᑳ ᑭᑐᑌᔮᓀ, ᐅᒥᓜᓕᒫᐃᐌᐤ ᓇᒪᐎᓚ ᑭ ᑳ ᐯᒋ ᓈᑎᑯᐗᐤ; ᒫᑲ ᑮᔥᐱᓐ ᑭᑐᑌᔮᓀ, ᑭ ᑳ ᐯᒋᑎᔕᐊᒫᑎᓇᐗᐤ᙮
ᐁᑯ ᑕᑎᔅ ᓀᔥᑴᐗᔑᐃᐌᑦ ᓀᔥᑕ ᐁᑖᑦ, ᓂ ᑎᐯᓕᒋᑫᒻ ᓀᔥᑕ ᓂ ᑭᒋᒪᓂᑐᒻ᙮
ᐁᑯ ᒫᑲ ᑳ ᑭᐌᒋᒃ ᒋᕉᓴᓚᒥᒃ ᐊᓂᒪ ᐗᒌᒃ ᐅᒋ ᐊᓕᐱᑦ ᑳ ᐃᔑᓂᑳᑌᒃ, ᑳ ᐃᔥᐱᒐᒃ ᒋᕉᓴᓚᒥᒃ ᐅᒋ ᐃᔥᐱᔥ ᐯᔭᑾᐤ ᐁ ᐋᔭᒥᐁᑭᔑᑳᒃ ᑳ ᐱᒥᐱᒋᓈᓂᐗᒃ᙮
ᐊᓇ ᐋᑕ ᐁᑳ ᐁ ᑮ ᐙᐸᒣᒃ, ᑭ ᓵᑭᐊᐗᐤ; ᐊᓇ, ᐋᑕ ᐁᑳ ᐊᓄᒡ ᐁ ᐙᐸᒣᒃ, ᐁᓕᐌᒃ ᒫᑲ ᐁ ᑖᐺᑕᒣᒃ, ᑭ ᒥᓚᐙᑌᓇᐗᐤ ᐊᓂᒪ ᒥᓚᐙᑕᒧᐎᓂᒃ ᐁᑳ ᑫ ᑮ ᐎᒋᑳᑌᒃ ᓀᔥᑕ ᐁ ᓵᑲᔅᑭᓀᒃ ᑭᔅᑌᓕᑖᑯᓯᐎᓐ:
