33 ᒍᓯᑉ ᒫᑲ ᓀᔥᑕ ᐊᐙᔑᔥ ᐅᑳᐎᔭ ᑮ ᒫᒪᔅᑳᑕᒶᒃ ᐊᓂᐃ ᑫᒀᓇ ᑳ ᐃᑖᑲᓂᐎᓕᒋ᙮
ᒣᒀᒡ ᑫᔮᐸᒡ ᐁ ᐋᔭᒥᐋᑦ ᐃᓕᓕᐗ, ᒫᑎᑲ, ᐅᑳᐎᔭ ᓀᔥᑕ ᐎᒋᔖᓇ ᐗᓚᐎᑎᒥᒃ ᑮ ᓂᐸᐎᓕᐗ ᐁ ᐎ ᐋᔭᒥᐃᑯᑦ᙮
ᐃᔅᐱ ᒫᑲ ᒋᓴᔅ ᐱᐁᑕᒃ, ᑮ ᒫᒪᔅᑳᑕᒻ, ᑮ ᐃᑌᐤ ᒫᑲ ᐊᓂᐃ ᑳ ᓄᔅᐱᓈᑎᑯᑦ, ᑖᐺ ᑭᑦ ᐃᑎᓇᐗᐤ, ᓇᒪᐎᓚ ᓂ ᐅᒋ ᒥᔅᑫᓐ ᑭᒋ ᑖᐺᔦᓕᑕᒧᐎᓐ ᐃᔥᐱᔥ ᐅᒪ, ᓇᒪᐎᓚ ᐃᔅᕃᐃᓕᒃ᙮
ᒥᓯᐌ ᐊᓂᑭ ᒫᑲ ᑳ ᐯᑕᑭᒃ ᑮ ᒫᒪᔅᑳᑌᓕᑕᒶᒃ ᐊᓂᐃ ᑫᒀᓇ ᑳ ᐎᑕᒫᑯᒋᒃ ᒫᓂᔥᒑᓂᔑᐎᓕᓕᐗ᙮
ᐃᔅᐱ ᒫᑲ ᐎᐋᐸᒫᒋᒃ, ᑮ ᒫᒪᔅᑳᑕᒶᒃ: ᑮ ᐃᑎᑯ ᒫᑲ ᐅᑳᐎᔭ, ᓂᑯᓯᔅ, ᑫᒀᓐ ᐌᒋ ᐅᒪ ᐃᔑ ᑐᑕᐎᔮᒃ? ᒫᑎᑲ, ᑯᑕᐎ ᓀᔥᑕ ᓂᓚ ᑭ ᑮ ᓈᓇᑕᐙᐸᒥᑎᓈᓐ ᐁ ᒥᔕᒣᓕᑕᒫᒃ᙮
ᓇᒪᐎᓚ ᒫᑲ ᑮ ᑳᒋᑎᓇᒬᐗᒃ ᐅᑦ ᐋᔭᒥᐎᓂᓕᐗ ᐁ ᐙᐸᒥᑯᒋᒃ ᐃᓕᓕᐗ; ᑮ ᒫᒪᔅᑳᑕᒬᐗᒃ ᒫᑲ ᐅ ᓇᔥᑴᐗᔑᐃᐌᐎᓂᓕᐤ, ᓀᔥᑕ ᑮ ᑭᐱᑐᐌᐗᒃ᙮
ᒥᓯᐌ ᒫᑲ ᑮ ᒫᒪᔅᑳᑕᒬᐗᒃ ᑭᒋᒪᓂᑐᐗ ᐅ ᑭᒋ ᑲᔥᑭᐅᐎᓂᓕᐤ᙮ ᒫᑲ ᒣᒀᒡ ᑳ ᒫᒪᔅᑲᑕᒶᒋᒃ ᒥᓯᐌ ᑕᑐ ᐁ ᐃᑕᓯᒋᒃ ᒥᓯᐌ ᑫᒀᓇ ᑳ ᑐᑕᒥᓕᒋ ᒋᓴᓴ, ᑮ ᐃᑌᐤ ᐅ ᑭᔅᑭᓄᐊᒪᐙᑲᓇ᙮
