2 (ᐅᒪ ᐊᑭᑖᓱᐎ ᒪᓯᓇᐃᑫᐎᓐ ᓃᔥᑕᒻ ᑮ ᐃᑭᓐ ᐃᔅᐱ ᓴᐃᕆᓂᔭᔅ ᑳ ᑎᐯᓕᑕᒃ ᓯᕆᔭ᙮)
ᑮ ᐸᐹᑎᐹᒋᒫᑲᓂᐎᐤ ᒫᑲ ᒥᓯᐌ ᓯᕆᔭᐃᒃ: ᑮ ᐯᑐᐌᐗᒃ ᒫᑲ ᒥᓯᐌ ᑮ ᐋᑯᓯᓕᒋ ᐃᓕᓕᐗ ᓇᓈᑲᐤ ᑳ ᐃᑖᔅᐱᓀᓕᒋ ᓀᔥᑕ ᐃᔑ ᐙᐎᓴᑫᓕᑕᒥᓕᒋ, ᐊᓂᐃ ᓀᔥᑕ ᑳ ᐱᒋᔅᑳᑯᓕᒋ ᒪᒋ ᐊᒑᑾ, ᐊᓂᐃ ᓀᔥᑕ ᑳ ᑮᔥᑴᓕᒋ, ᐊᓂᐃ ᓀᔥᑕ ᑳ ᓇᓇᒫᔅᐱᓀᓕᒋ; ᑮ ᒥᓇᐙᒋᐁᐤ ᒫᑲ᙮
ᑮ ᐃᑭᓐ ᒫᑲ ᒣᒀᒡ ᐊᓂᐃ ᐁ ᑭᔑᑳᑭ, ᓯᓴᕐ ᐊᑲᔅᑕᔅ ᑮ ᐃᑕᔓᐌᐤ ᑭᒋ ᒪᓯᓇᐃᑳᑌᓕᑭ ᒥᓯᐌ ᐊᐌᓕᐗ ᐅᑦ ᐃᔑᓂᑳᓱᐎᒥᓕᐗ᙮
ᒥᓯᐌ ᐊᐌᓂᑭ ᒫᑲ ᑮ ᐃᑑᑌᐗᒃ ᑭᒋ ᒪᓯᓇᐃᑳᑌᓕᑭ, ᒥᓯᐌ ᑕᑐ ᐊᐌᓇ ᑎᐱᓚᐌ ᐅᑦ ᐃᑖᐎᓂᒃ᙮
ᐁ ᓂᔮᓚᓗᔖᑉ ᐱᐴᓂᓕᒃ ᒫᑲ ᐁ ᑎᐯᓕᒋᑫᑦ ᑕᐃᐱᕆᔭᔅ ᓯᓴᕐ, ᐸᓐᑎᔭᔅ ᐹᐃᓚᑦ ᐁ ᑎᐯᓕᑕᒃ ᒎᑎᐊ, ᓀᔥᑕ ᐦᐁᕋᑦ ᐁ ᑎᐯᓕᑕᒃ ᑳᓕᓕ, ᐎᒋᔖᓇ ᐱᓕᑉ ᒫᑲ ᐁ ᑎᐯᓕᑕᒃ ᐊᐃᑎᕆᐃᐊ, ᓀᔥᑕ ᑦᕌᑯᓇᐃᑕᔅ ᐊᔅᑭᓕᐤ, ᓀᔥᑕ ᓚᐃᓭᓂᔭᔅ ᐁ ᑎᐯᓕᑕᒃ ᐋᐸᓕᓂ,
ᐊᓇ ᑳ ᑮ ᐎᒉᐙᑦ ᐊᓂᐃ ᑳ ᑎᐯᓕᑕᒥᓕᒋ ᐊᓂᐁᓕᐤ ᐊᔅᑭᓕᐤ, ᓴᕐᒋᐊᔅ ᐹᓚᔅ, ᐁ ᑲᑫᑕᐌᓕᑕᒃ ᐃᓕᓕᐤ: ᐊᓇ ᑳ ᑮ ᓇᑐᒫᑦ ᐊᓂᐃ ᐹᕐᓇᐸᔅ ᓀᔥᑕ ᓵᓪ, ᑮ ᓇᑕᐌᓕᑕᒻ ᒫᑲ ᑭᒋ ᐯᑕᒸᑦ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐤ᙮
ᐃᔅᐱ ᒫᑲ ᑳᓕᐅ ᑳ ᑎᐯᓕᑕᒃ ᐊᑳᐃᐊᐃᓕᐤ, ᐊᓂᑭ ᒎᐗᒃ ᑮ ᒫᒪᐎ ᐸᓯᑯᔅᑕᐌᐗᒃ ᐹᓚ, ᑮ ᐯᔑᐌᐗᒃ ᒫᑲ ᐊᓐᑕ ᑎᐸᔅᑯᓂᑫᐎ ᐊᐱᐎᓂᒃ,
ᒃᓚᑎᔭᔅ ᓕᓯᔭᔅ ᐁ ᒪᓯᓇᐊᒪᐙᑦ ᐊᓂᐃ ᓈᔅᐱᒡ ᑫᔅᑎᓯᓕᒋ ᐱᓕᒃᓴ ᐊᑕᒥᔅᑲᐌᐤ᙮
ᐃᔅᐱ ᒫᑲ ᐅᒣᓕᐤ ᑳ ᑮ ᐃᑗᑦ, ᑭᒋᐅᑭᒪᐤ ᑭ ᐸᓯᑯ, ᓀᔥᑕ ᐅᑎᐯᓕᒋᑫᐤ ᓀᔥᑕ ᐸᕐᓇᐃᓯ, ᓀᔥᑕ ᐊᓂᐃ ᑳ ᑮ ᐎᑕᐱᒥᑯᒋᒃ:
ᐹᑎᒪ ᐁᑳ ᑳ ᐃᑖᑦ ᐊᐗ ᐃᓕᓕᐤ, ᑮ ᐸᓯᑯ ᒎᑕᔅ ᑲᓕᓕᒃ ᑳ ᐅᒌᑦ, ᒣᒀᒡ ᐊᓂᐃ ᑭᔑᑳᐗ ᑳ ᒪᐗᒋᐊᑲᓂᐎᑦ ᑎᐯᓕᒋᑫᐎ ᔓᓕᐋᓐ, ᑮ ᑐᑕᐌᐤ ᒫᑲ ᒥᒉᑦ ᐃᓕᓕᐗ ᑭᒋ ᓄᓱᓀᐊᓂᑦ: ᐎᓚ ᐊᓯᒋ ᑮ ᓂᔑᐗᓈᑎᓯᐤ; ᓀᔥᑕ ᒥᓯᐌ, ᐙᐗᒡ ᐃᑯ ᑕᑐ ᑳ ᑮ ᑖᐺᑖᑰᑦ ᑮ ᐊᓴᓶᑎᔕᐙᑲᓂᐎᓕᐗ᙮
