ᐅᐸᓓᑭᔅ ᓘᒃ 19:47 - ᐅᔅᑭ ᑎᔅᑌᒥᓐᑦ

⁴⁷ ᒣᔕᒃ ᒫᑲ ᑮ ᑭᔅᑭᓄᐊᒫᑫᐤ ᑭᒋᐋᔭᒥᐁᐎᑲᒥᑯᒃ᙮ ᒫᑲ ᑭᒋ ᓵᓵᑭᐎᓕᐌᐎᓕᓕᐗᒃ ᓀᔥᑕ ᐅᒪᓯᓇᐃᑫᐗᒃ, ᓀᔥᑕ ᑳ ᓂᑳᓀᓕᑖᑯᓯᒋᒃ ᐃᓕᓕᐗᒃ ᑮ ᓈᓇᑕᐌᓕᑕᒶᒃ ᑭᒋ ᓂᔑᐗᓈᒋᐋᒋᒃ;

ᐅᐸᓓᑭᔅ ᓘᒃ 19:47 Iomraidhean Croise

ᐅᐸᓓᑭᔅ ᒫᑎᐤ 21:23

ᐃᔅᐱ ᒫᑲ ᑳ ᐱᑐᑫᑦ ᑭᒋᐋᔭᒥᐁᐎᑲᒥᑯᒃ, ᑮ ᐯᒋ ᓈᑎᑯ ᑭᒋ ᓵᓵᑭᐎᓕᐌᐎᓕᓕᐗ ᓀᔥᑕ ᐃᓕᓕᐗ ᐅᓂᑳᓀᓕᑖᑯᓯᒥᓕᐗ ᒣᒀᒡ ᐁ ᑭᔅᑭᓄᐊᒫᑫᑦ, ᑮ ᐃᑎᑯ ᒫᑲ, ᑫᑯ ᑲᔥᑭᐅᐎᓐ ᐌᒋ ᑐᑕᒪᓐ ᐅᐅ ᑫᒀᓇ? ᐊᐌᓇ ᓀᔥᑕ ᑳ ᒥᓕᔉ ᐅᐅ ᑭᒋ ᑐᑕᒪᓐ?

ᐅᐸᓓᑭᔅ ᒫᑎᐤ 26:55

ᒣᒀᒡ ᐊᓂᒪ ᑎᐹᔨᑲᓐ ᐱᓯᒧᑳᓂᒃ ᒋᓴᔅ ᑮ ᐃᑌᐤ ᒥᔮᒪᐎᒥᒉᑎᓕᒋ ᐃᓕᓕᐗ, ᑭ ᐯᒋ ᐃᑐᑖᓇᐗᐤ ᓈ ᑖᐱᔅᑯᒡ ᐁ ᓈᑌᒃ ᑭᒧᑎᔉ, ᐁ ᐋᔮᔦᒃ ᔑᒫᑲᓇ ᓀᔥᑕ ᓴᔅᑲᐅᓇ ᐁ ᐎ ᐅᑎᓂᔦᒃ? ᑭ ᑮ ᐎᑕᐱᒥᑎᓇᐗᐤ ᑕᑡᐤ ᑳᔑᑳᑭ ᐁ ᑭᔅᑭᓄᐊᒫᑫᔮᓐ ᑭᒋᐋᔭᒥᐁᐎᑲᒥᑯᒃ, ᓇᒪᐎᓚ ᒫᑲ ᑭ ᐅᒋ ᐅᑎᓂᓇᐗᐤ᙮

ᐅᐸᓓᑭᔅ ᒫᕐᒃ 11:18

ᐅᒪᓯᓇᐃᑫᐗᒃ ᓀᔥᑕ ᑭᒋ ᓵᓴᑭᐎᓕᐌᐎᓕᓕᐗᒃ ᑮ ᐯᑕᒶᒃ, ᓀᔥᑕ ᑮ ᓈᓇᑕᐌᓕᑕᒶᒃ ᑮ ᐃᔑ ᓂᔑᐗᓈᒋᐋᒋᒃ: ᐌᓴ ᑮ ᑯᔅᑌᐗᒃ, ᒥᓯᐌ ᐃᓕᓕᐗ ᐁ ᒫᒪᔅᑳᑕᒥᓕᒋ ᐅ ᑭᔅᑭᓄᐊᒫᑫᐎᓂᓕᐤ᙮

ᐅᐸᓓᑭᔅ ᒫᕐᒃ 12:12

ᐁᑯ ᓂᐋᓇᑕᐌᓕᑕᑭᒃ ᑭᒋ ᐅᑎᑎᓈᒋᒃ, ᒫᑲ ᑮ ᑯᔅᑌᐗᒃ ᐃᓕᓕᐗ; ᐌᓴ ᑮ ᑭᔅᑫᓕᑕᒶᒃ ᐎᓚᐗᐤ ᐁ ᑮ ᐃᑎᑯᒋᒃ ᐊᓂᐁᓕᐤ ᓇᔅᐱᑐᐌᐎ ᐋᑕᓗᑳᓂᓕᐤ: ᑮ ᓇᑲᑌᐗᒃ ᒫᑲ, ᓀᔥᑕ ᑮ ᑭᑐᑌᐗᒃ᙮

ᐅᐸᓓᑭᔅ ᒫᕐᒃ 14:1

ᑳ ᐳᓂᐸᓕᑭ ᓂᔓ ᑭᔑᑳᑭ ᑮ ᒥᔮᔥᑳᑫᐎᓂ ᒪᑯᔖᓂᐗᓐ, ᓀᔥᑕ ᐊᓚᑯᓇᐤ ᐁᑳ ᐁ ᐅᐱᓯᑦ: ᑭᒋ ᓵᓵᑭᐎᓕᐌᐎᓕᓕᐗᒃ ᒫᑲ ᓀᔥᑕ ᐅᒪᓯᓇᐃᑫᐗᒃ ᑮ ᓈᓇᑕᐌᓕᑕᒶᒃ ᑫ ᐃᔑ ᐙᔦᔑ ᐅᑎᓈᒋᒃ, ᓀᔥᑕ ᑭᒋ ᓂᐸᐋᒋᒃ᙮

ᐅᐸᓓᑭᔅ ᒫᕐᒃ 14:49

ᑕᑡᐤ ᑳᔑᑳᑭ ᑭ ᑮ ᐎᒉᐎᑎᓇᐗᐤ ᑭᒋᐋᔭᒥᐁᐎᑲᒥᑯᒃ ᐁ ᑭᔅᑭᓄᐊᒫᑫᔮᓐ, ᓇᒪᐎᓚ ᒫᑲ ᑭ ᐅᒋ ᐅᑎᓂᓇᐗᐤ: ᒫᑲ ᑭᒋ ᒪᓯᓇᐃᑫᐎᓇ ᑲᑕ ᑎᐱᐸᓕᐗ᙮

ᐅᐸᓓᑭᔅ ᓘᒃ 19:48

ᓇᒪᐎᓚ ᒫᑲ ᑮ ᒥᔅᑲᒶᒃ ᑫᒀᓕᐤ ᑫ ᑐᑕᑭᒃ: ᐌᓴ ᒥᓯᐌ ᐃᓕᓕᐗᒃ ᓈᔅᐱᒡ ᑮ ᑯᔥᒀᐙᒋ ᓇᑐᑕᐌᐗᒃ᙮

ᐅᐸᓓᑭᔅ ᓘᒃ 20:19

ᑭᒋ ᓵᓵᑭᐎᓕᐌᐎᓕᓕᐗᒃ ᒫᑲ ᓀᔥᑕ ᐅᒪᓯᓇᐃᑫᐗᒃ ᐊᓂᒪ ᑫᔮᐸᒡ ᑎᐹᔨᑲᓐ ᐱᓯᒧᑳᓂᒃ, ᑮ ᐎ ᒫᑯᓀᐗᒃ; ᑮ ᑯᔅᑌᐗᒃ ᒫᑲ ᐃᓕᓕᐗ: ᐌᓴ ᑮ ᑭᔅᑫᓕᑕᒶᒃ ᐁ ᑮ ᐃᑗᓕᒋ ᐅᒣᓕᐤ ᓇᔅᐱᑐᐌᐎ ᐋᑕᓗᑳᓂᓕᐤ ᐁ ᐎ ᐋᓉᓕᒥᑯᒋᒃ᙮

ᐅᐸᓓᑭᔅ ᒑᓐ 10:39

ᐁᐗᑯ ᐌᒋ ᒥᓇ ᐎ ᐅᑎᑎᓈᒋᒃ: ᒫᑲ ᑮ ᑭᐃᑯᐗᒃ

ᐅᐸᓓᑭᔅ ᒑᓐ 18:20

ᒋᓴᔅ ᑮ ᓇᔥᑴᐗᔑᐁᐤ, ᓂ ᑮ ᐋᔭᒥᓐ ᒧᔑᔐ ᐅᑕ ᐊᔅᑮᒃ; ᒧᔕᒃ ᓂ ᑮ ᑭᔅᑭᓄᐊᒫᑳᓐ ᐋᔭᒥᐁᐎᑲᒥᑯᒃ, ᓀᔥᑕ ᑭᒋᐋᔭᒥᐁᐎᑲᒥᑯᒃ, ᐃᑕ ᒧᔕᒃ ᐁ ᐃᑐᑌᒋᒃ ᒎᐗᒃ; ᓇᒪᐎᓚ ᑫᒀᓐ ᓀᔥᑕ ᑭᒧᒡ ᓂᑦ ᐅᒋ ᐃᑣᓐ᙮

ᐅᐸᓓᑭᔅ ᒑᓐ 7:19

ᓇᒪ ᓈ ᒧᓯᔅ ᑭ ᑮ ᒥᓕᑯᐗᐤ ᐅᓚᔓᐌᐎᓂᓕᐤ, ᐁᓕᐌᒃ ᒫᑲ ᓇᒪᐎᓚ ᐊᐌᓇ ᐁ ᐃᑕᔑᔦᒃ ᑲᓇᐎᑕᐤ ᐅᓚᔓᐌᐎᓂᓕᐤ? ᑫᒀᓐ ᐌᒋ ᓇᑕᐌᓕᑕᒣᒃ ᑭᒋ ᓂᐹᔨᔦᒃ?

ᐅᐸᓓᑭᔅ ᒑᓐ 7:44

ᓀᔥᑕ ᐋᑎᑦ ᐁ ᐃᑕᓯᒋᒃ ᑮ ᐎ ᐅᑎᓀᐗᒃ; ᓇᒪᐎᓚ ᐊᐌᓇ ᒫᑲ ᐅᒋ ᒫᑯᓀᐤ᙮