4 ᑮ ᓂᑲᓂᐸᑕᐤ ᒫᑲ, ᓀᔥᑕ ᑮ ᐃᔥᒀᑕᐎᐤ ᓯᑭᒧᕌᑎᑯᒃ: ᐌᓴ ᐁᑯᑕ ᑫ ᐱᒧᑌᓕᒋ᙮
ᐅᑎᐯᓕᒋᑫᐤ ᒫᑲ ᑮ ᐃᑗᐤ, ᑮᔥᐱᓐ ᐁᔭᐌᑴ ᑖᐺᔦᓕᑕᒧᐎᓐ ᑖᐱᔅᑯᒡ ᐯᔭᒃ ᒪᔅᑕᑦ ᓯᒥᓐ, ᑭ ᑳ ᐃᑖᑕᐗᐤ ᐊᐗ ᓯᑭᒪᐃᓈᑎᒃ, ᑭ ᑳ ᐸᑾᒋᐱᑎᑳᐎᓐ ᑭᑭ ᐅᒉᐱᒃ, ᒋᒪᓕᑌᓱ ᒫᑲ ᑭᒋᑲᒦᒃ, ᑭ ᑳ ᐱᔑᒋᐃᑯᐗᐤ ᒫᑲ᙮
ᑮ ᑯᒋ ᐙᐸᒣᐤ ᒫᑲ ᒋᓴᓴ ᐊᐌᓕᐗ ᐃᐋᐎᓕᒋ; ᓇᒪᐎᓚ ᒫᑲ ᑮ ᑲᔥᑭᑕᐤ ᐁ ᐃᔥᐱᔑ ᓯᑎᔥᑳᑐᓈᓂᐗᓂᓕᒃ, ᐌᓴ ᑮ ᑕᑯᑳᐸᐎᐤ᙮
ᐃᔅᐱ ᒫᑲ ᐁᑯᑕ ᑌᑯᔑᒃ ᒋᓴᔅ, ᑮ ᑕᔅᑕᓵᐱᐤ, ᓀᔥᑕ ᑮ ᐙᐸᒣᐤ, ᑮ ᐃᑌᐤ ᒫᑲ, ᓵᑭᐊᔅ, ᑭᓕᐱ ᓂᑖᑕᐎ, ᐌᓴ ᐊᓄᒡ ᐁ ᑭᔑᑳᒃ ᓂ ᑳ ᐃᑖᓐ ᑭᑭᒃ᙮
ᐃᔅᐱ ᒫᑲ ᐁᑳ ᑳ ᒥᔅᑲᐙᑕᒋᒃ ᐃᑕ ᑫ ᐅᒋ ᐱᑐᑲᐋᒋᒃ, ᐁ ᐃᔅᐱᒋ ᒥᒉᑎᓕᒋ ᐃᓕᓕᐗ, ᐃᑐᑌᐗᒃ ᑕᑯᒡ ᐙᔅᑳᔨᑲᓂᒃ, ᓀᔥᑕ ᑮ ᐸᑭᑖᐱᑫᓀᐗᒃ ᔖᐳ ᐊᑾᓇᐃᑲᓂᒃ, ᐊᓯᒋ ᐅ ᓂᐯᐎᓂᓕᐤ ᑌᑖᐎᒡ ᐅᑎᔥᑳᐤ ᒋᓴᓴ᙮
