26 ᑫᔮᐸᒡ ᒫᑲ ᐊᐙᓯᑌ ᒥᓯᐌ ᐅᒪ ᑕᔅᑕᐎᒡ ᓂᓚᓈᓐ ᓀᔥᑕ ᑭᓚ ᐃᑕᑾᓐ ᐁ ᒥᔖᒃ ᐋᑕᑳᒣᔑᓄᐎᓐ: ᐁᐗᑯ ᐅᒋ ᐊᓂᑭ ᐅᑕ ᑳ ᐎ ᐅᑐᑌᒋᒃ ᑭᒋ ᓈᑎᑖᑾᒃ ᓇᒪᐎᓚ ᑮ ᑐᑕᒶᒃ; ᓇᒪ ᓀᔥᑕ ᓂ ᑮ ᓈᑎᑯᓈᓇᒃ ᐊᓂᑭ ᐊᓐᑕ ᑳ ᐎ ᐯᒋ ᐅᑐᑌᒋᒃ᙮
ᐅᑯ ᒫᑲ ᑳᑭᑫ ᑲᒀᑕᑭᓯᐎᓂᒃ ᑲᑕ ᐃᑐᑌᐗᒃ, ᒫᑲ ᐅᒀᔭᔅᑭᑖᑎᓯᐗᒃ ᑳᑭᑫ ᐱᒫᑎᓯᐎᓂᒃ᙮
ᑭ ᐎᑕᒫᑎᓐ, ᓇᒪᐎᓚ ᐊᓐᑕ ᑭ ᑳ ᐅᒋ ᐗᓚᐐᓐ, ᐹᑎᒫ ᑭ ᑎᐸᐊᒪᓀ ᐙᐙᒡ ᒫᒋᒡ ᔔᓕᐊᓈᐱᔅᑯᔑᔥ᙮
ᒫᑲ ᐁᑉᕃᐋᒻ ᑮ ᐃᑗᐤ, ᓂᑯᓯᔅ, ᑭᔅᑭᓯ, ᑭᓚ ᒣᒀᒡ ᑳ ᐱᒫᑎᓯᔭᓐ ᑭ ᑮ ᒥᓕᑳᐎᓐ ᒥᓗ ᑫᒀᓇ, ᓀᔥᑕ ᓛᓴᕋᔅ ᒪᒋ ᑫᒀᓇ: ᐊᓄᒡ ᒫᑲ ᐎᓚ ᒥᓜᓕᒧᐋᑲᓂᐎᐤ, ᑭᓚ ᒫᑲ ᑭ ᐎᓴᑫᓕᑕᒥᐃᑲᐎᓐ᙮
ᐁᑯ ᐁᑗᑦ, ᑭ ᓇᑐᑕᒫᑎᓐ ᒫᑲ, ᓄᑖ, ᑭᒋ ᐃᔑᑎᔕᐗᑦ ᓄᑖᐎᔭ ᐅ ᐙᔅᑲᔨᑲᓂᒥᓕᒃ:
ᐊᓇ ᑳ ᑖᐺᔦᓕᒫᑦ ᐅᑯᓯᓯᒫᐗ ᐋᔭᐤ ᑳᑭᑫ ᐱᒫᑎᓯᐎᓂᓕᐤ: ᐊᓇ ᒫᑲ ᐁᑳ ᑳ ᑖᐺᑕᐙᑦ ᐅᑯᓯᓯᒫᐗ ᓇᒪᐎᓚ ᑲᑕ ᐙᐸᑕᒻ ᐱᒫᑎᓯᐎᓂᓕᐤ; ᒫᑲ ᑭᒋᒪᓂᑐᐗ ᐅᑦ ᐊᑯᓚᐌᓯᐎᓂᓕᐤ ᒫᑕᑯᔅᑳᑯᐌᐤ᙮
ᒪᒋᒪᓂᑐ ᒫᑲ ᑳ ᑮ ᐙᔦᔑᐋᑦ ᐃᔥᑯᑌᐎ ᓀᔥᑕ ᐅᓵᐙᐱᔅᑯᓯᓂ ᓵᑲᐃᑲᓂᒃ ᑮ ᐃᔑ ᐌᐱᓇᐤ, ᐁᑯᑕ ᐁ ᐃᑖᒋᒃ ᐊᓇ ᐊᐌᓯᔅ ᓀᔥᑕ ᐊᓇ ᓇᔅᐹᒡ ᐅᑭᔅᑭᐙᐃᑫᐤ, ᓀᔥᑕ ᑲᑕ ᑲᒀᑕᑭᐊᐤ ᐁ ᑭᔑᑳᓕᒃ ᓀᔥᑕ ᐁ ᑎᐱᔅᑳᓕᒃ, ᑳᑭᑫ ᓀᔥᑕ ᑳᑭᑫ᙮
ᐊᓇ ᑳ ᒪᒑᑎᓰᑦ, ᐁᑯᔑ ᑫᔮᐸᒡ ᑲᑕ ᒪᒑᑎᓯᐤ; ᐊᓇ ᓀᔥᑕ ᑳ ᐎᓂᓯᑦ, ᐁᑯᔑ ᑫᔮᐸᒡ ᑲᑕ ᐎᓂᓯᐤ; ᐊᓇ ᓀᔥᑕ ᑳ ᒀᔭᔅᑭᑖᑎᓰᑦ ᐁᑯᔑ ᑫᔮᐸᒡ ᑲᑕ ᒀᔭᔅᑭᑖᑎᓯᐤ; ᐊᓇ ᓀᔥᑕ ᑳ ᐸᓓᑭᓯᑦ ᐁᑯᔑ ᑫᔮᐸᒡ ᑲᑕ ᐸᓓᑭᓯᐤ᙮