3 ᑮ ᐃᑌᐤ ᒫᑲ ᐅᒣᓕᐤ ᓇᔅᐱᑐᐌᐎ ᐋᑕᓗᑳᓂᓕᐤ, ᐁ ᐃᑗᑦ,
ᔮᓕᑌᓐ ᒫᑲ ᓈᑎᑯᒃ ᐌᓂᔑᑭᒃ ᒫᓂᔥᒑᓂᔕᒃ ᐃᔅᕃᐃᓪ ᐅ ᐙᔅᑳᔨᑲᓂᒥᒃ᙮
ᒥᒉᑦ ᑫᒀᓇ ᒫᑲ ᑮ ᐎᑕᒪᐌᐤ ᓇᔅᐱᑐᐌᐎ ᐋᑕᓗᑳᓇ ᐅᒋ, ᐁ ᐃᑗᑦ, ᒫᑎᑲ, ᐅᐗᓴᓶᐱᓂᑫᐤ ᑮ ᑭᑐᑌᐤ ᑭᒋ ᐗᓴᓶᐱᓂᑫᑦ:
ᒫᑲ ᓇᑕᐎ ᑭᔅᑫᓕᑐᒧᒃ ᐊᓂᒪ ᑳ ᐃᑗᒪᑲᒃ, ᓂ ᑳ ᐋᔮᓐ ᔕᐌᓕᒋᑫᐎᓐ, ᓇᒪ ᒫᑲ ᓵᓵᑭᐎᓕᐌᐎᓐ: ᐌᓴ ᓇᒪᐎᓚ ᓂ ᑮ ᐯᒋ ᐃᑐᑖᓐ ᑭᒋ ᓇᑐᒪᑭᒃ ᐅᒀᔭᔅᑭᑖᑎᓯᐗᒃ, ᒫᑲ ᐅᒪᒋᑣᐗᒃ ᑭᒋ ᑴᔅᑳᑎᓯᒋᒃ᙮
ᐸᕋᓯᔭᒃ ᒫᑲ ᓀᔥᑕ ᐅᒪᓯᓇᐃᑫᐗᒃ ᑮ ᐗᔑᔥᑕᐌᓕᑕᒶᒃ, ᐁ ᐃᑗᒋᒃ, ᐊᐗ ᐃᓕᓕᐤ ᐅᑎᓀᐤ ᐅᒪᒋᑣᐗ, ᓀᔥᑕ ᐎᒋᒥᒋᓱᒣᐤ᙮
ᑫᑯ ᐃᓕᓕᐤ ᐁ ᐃᑕᔑᔦᒃ, ᐁ ᐋᔭᐙᑦ ᒥᑖᑐᒥᑕᓇᐤ ᒫᓂᔥᒑᓂᔕ, ᑮᔥᐱᓐ ᒫᑲ ᐗᓂᐋᑦ ᐯᔭᒃ, ᓇᒪ ᓈ ᓇᑲᑌᐤ ᐊᓂᐃ ᔖᑭᑖᑐᒥᑕᓇᐤ ᔖᑭᑖᑐᔖᑉ ᓀᔥᑕ ᐸᑾᑕᔅᑲᒥᑳᒃ, ᑭᒋ ᓇᑕᐙᐸᒫᑦ ᐊᓂᐃ ᑳ ᐗᓂᔑᓂᓕᒋ ᐹᑎᒫ ᒥᔅᑲᐙᑌ?
ᐃᑌᐤ ᐁᑯ ᓂᔡᐤ, ᓵᐃᒪᓐ, ᒑᓐ ᐅᑯᓯᓴ, ᑭ ᓵᑭᐃᓐ ᓈ? ᐃᑌᐤ, ᐁᐁ, ᑌᐯᓕᒋᑫᔭᓐ; ᑭ ᑭᔅᑫᓕᑌᓐ ᐁ ᓵᑭᐃᑖᓐ᙮ ᐃᑌᐤ, ᐊᔕᒥᒃ ᓂ ᒫᓂᔥᒑᓂᔑᒪᒃ᙮
ᐃᔅᐱ ᒫᑲ ᐱᐁᑕᑭᒃ, ᑮ ᑭᔅᑖᒋᒣᐗᒃ ᐅᑎᐯᓕᒋᑫᐗ, ᓀᔥᑕ ᑮ ᐃᑌᐗᒃ, ᑭ ᐙᐸᑌᓐ, ᓂᒋᔖᓂᓈᓐ, ᐁᔅᐱᒋ ᒥᒉᑡᐤ ᒥᑖᑐᒥᑖᓇᐤ ᐁ ᐃᑕᓯᒋᒃ ᒎᐗᒃ ᑳ ᑖᐺᑕᑭᒃ; ᒥᓯᐌ ᐁ ᐃᑕᓯᒋᒃ ᒫᑲ ᒪᔥᑲᐌᓕᑕᒶᒃ ᐅᓚᔓᐌᐎᓂᓕᐤ:
