1 ᐁᑯ ᐱᐁᒋ ᓈᑎᑯᑦ ᒥᓯᐌ ᐸᑉᓕᑳᓇ ᓀᔥᑕ ᐅᒪᒋᑣᐗ ᑭᒋ ᐯᑖᑯᑦ᙮
ᐌᓴ ᑮᔥᐱᓐ ᐱᑯ ᓵᑭᐁᑾᐌ ᐊᓂᑭ ᑳ ᓵᑭᐃᑖᑾᒃ, ᑫᑯ ᑎᐸᐊᒫᑯᓯᐎᓐ ᐁᔮᔦᒃ? ᓇᒪ ᓈ ᐅᒪ ᐃᔑ ᑐᑕᒶᒃ ᐸᑉᓕᑳᓇᒃ?
ᒫᑎᑲ, ᒫᑲ, ᐃᑖᐗᒃ ᑳ ᒫᒋᒡ ᐃᑌᓕᑖᑯᓯᒋᒃ ᑫ ᓃᔥᑕᒻ ᐃᑌᓕᑖᑯᓯᒋᒃ, ᓀᔥᑕ ᑳ ᓃᔥᑕᒻ ᐃᑌᓕᑖᑯᓯᒋᒃ ᑫ ᒫᒋᒡ ᐃᑌᓕᑖᑯᓯᒋᒃ᙮
ᒥᓯᐌ ᒫᑲ ᐃᓕᓕᐗᒃ ᑳ ᐯᑕᐙᒋᒃ ᓀᔥᑕ ᐸᑉᓕᑳᓇᒃ ᑮ ᒥᓗᑣᐌᓕᒣᐗᒃ ᑭᒋᒪᓂᑐᐗ, ᐁ ᑮ ᓯᑲᐋᑕᐙᑲᓂᐎᒋᒃ ᒑᓐ ᐅ ᓯᑲᐋᑖᑫᐎᓂᓕᐤ ᐅᒋ᙮
ᓀᔥᑕ ᒫᑲ ᐅᓚᔓᐌᐎᓐ ᑮ ᐱᑐᑫᒪᑲᓐ ᑭᒋ ᒥᒉᑎᒃ ᐗᓂᑐᑕᒧᐎᓐ᙮ ᒫᑲ ᐃᑕ ᑳ ᐃᔑ ᒥᒉᑎᒃ ᒪᒋᑣᐎᓐ, ᐁᑯᑕ ᐋᓕᐙᒃ ᐊᐙᓯᑌ ᑮ ᒥᒉᑌᓐ ᔕᐌᓕᒋᑫᐎᓐ:
ᐁᐗᑯ ᐅᒪ ᑎᐋᐺᒪᑲᒃ ᐃᑗᐎᓐ, ᓀᔥᑕ ᑌᐸᑫᓕᑖᑾᓐ ᒥᓯᐌ ᐃᔑ ᑭᒋ ᐅᑎᓂᑳᑌᒃ, ᙭ ᒋᓴᔅ ᐁ ᑮ ᐯᒋᐃᑐᑌᑦ ᐅᑕ ᐊᔅᑮᒃ ᑭᒋ ᐱᒫᒋᐋᑦ ᐅᒪᒋᑣᐗ; ᐁᐗᒀᓂᑭ ᐅᒋ ᓂᓚ ᓂ ᓂᑳᓀᓕᑖᑯᓯᓐ᙮
