ᐅᐸᓓᑭᔅ ᓘᒃ 14:21 - ᐅᔅᑭ ᑎᔅᑌᒥᓐᑦ

²¹ ᐁᑯ ᐊᓇ ᐊᑑᔅᑫᓛᑲᓐ ᐱᐁᒋ ᐙᐸᑎᓛᑦ ᐅᑦ ᐅᑭᒫᒪ ᐅᐅ ᑫᒀᓇ᙮ ᐁᑯ ᒫᑲ ᐊᓇ ᑳ ᑎᐯᓕᑕᒃ ᐙᔅᑳᔨᑲᓂᓕᐤ, ᐁ ᑭᓯᐙᓯᑦ, ᑮ ᐃᑌᐤ ᐅᑦ ᐊᑑᔅᑫᓛᑲᓂᒪ, ᑭᓕᐱ ᐃᑐᑌ ᐱᒧᑌᔅᑲᓈᒃ ᓀᔥᑕ ᐱᒧᑌᔅᑲᓈᔑᒃ ᐃᑖᐎᓂᒃ ᑳ ᐃᑕᑾᑭ, ᐯᒋ ᐱᑐᑳᐃᒃ ᐅᑕ ᒫᑲ ᑳ ᑭᑎᒫᑭᓯᒋᒃ ᓀᔥᑕ ᑳ ᒫᔅᑭᓯᒋᒃ, ᓀᔥᑕ ᐁᑳ ᑳ ᓂᑖᐅᑌᒋᒃ, ᓀᔥᑕ ᐁᑳ ᑳ ᐙᐱᒋᒃ᙮

ᐅᐸᓓᑭᔅ ᓘᒃ 14:21 Iomraidhean Croise

ᐅᐸᓓᑭᔅ ᒫᑎᐤ 11:28

ᐯᒋ ᓈᔒᒃ, ᒥᓯᐌ ᑭᓚᐗᐤ ᑳ ᐋᑑᔅᑫᔦᒃ, ᓀᔥᑕ ᑳ ᑄᐗᑌᔦᒃ, ᑭ ᑳ ᒥᓕᑎᓇᐗᐤ ᒫᑲ ᑭᒋ ᐋᓜᐱᔦᒃ᙮

ᐅᐸᓓᑭᔅ ᒫᑎᐤ 11:5

ᐁᑳ ᑳ ᐙᐱᒋᒃ ᐙᐱᐋᐗᒃ, ᐅᓓᑉᕈᓯᐃᑖᔅᐱᓀᐗᒃ ᐹᔦᑭᐋᐗᒃ, ᐅᑭᐱᑌᐗᒃ ᓇᐃᑕᒶᒃ, ᐅᓂᐱᐗᒃ ᐗᓂᔥᑳᓈᐗᒃ, ᓀᔥᑕ ᐅᑭᑎᒫᑭᓯᐗᒃ ᐙᐎᑕᒪᐙᐗᒃ ᒥᓗᐋᒋᒧᐎᓂᓕᐤ᙮

ᐅᐸᓓᑭᔅ ᒫᑎᐤ 15:12

ᐁᑯ ᐱᐁᒋ ᐃᑐᑌᓕᒋ ᐅ ᑭᔅᑭᓄᐊᒪᐙᑭᓇ, ᐁ ᐃᑎᑯᑦ ᒫᑲ, ᑭ ᑭᔅᑫᓕᑌᓐ ᓈ ᐸᕋᓯᔭᒃ ᐁ ᑮ ᓈᔦᑕᐌᓕᑕᑭᒃ, ᑳ ᐯᑕᑭᒃ ᐊᓂᐁᓕᐤ ᐃᑗᐎᓂᓕᐤ?

ᐅᐸᓓᑭᔅ ᒫᑎᐤ 18:31

ᐃᔅᐱ ᒫᑳ ᐎᒋᐊᑑᔅᑫᓛᑲᓇ ᐎᐋᐸᑕᒥᓕᒋ ᑳ ᑐᒋᑳᑌᓕᒃ, ᓈᔅᐱᒡ ᑮ ᒥᒋᓚᐌᓯᓕᐗ, ᑮ ᐯᒋ ᐎᑕᒪᐌᓕᐗ ᒫᑲ ᐅᑦ ᐅᑭᒫᒥᓕᐗ ᒥᓯᐌ ᑳ ᑐᒋᑳᑌᓕᒃ᙮

ᐅᐸᓓᑭᔅ ᒫᑎᐤ 20:7

ᐃᑌᐗᒃ, ᐁᑳ ᐊᐌᓇ ᐁ ᐅᒋ ᐊᑐᑕᐎᔭᒥᑦ᙮ ᐃᑌᐤ ᒫᑲ, ᐃᑐᑌᒃ ᑭᓚᐗᐤ ᓀᔥᑕ ᔓᒥᓈᑎᑯ ᓂᑖᐎᑭᒋᑲᓂᒃ; ᑫᒀᓐ ᒫᑲ ᑳ ᒀᔭᔅᑭᑌᓕᑖᑾᒃ ᑭ ᑳ ᒥᓕᑲᐎᓇᐗᐤ᙮

ᐅᐸᓓᑭᔅ ᓘᒃ 14:13

ᒫᑲ ᒣᑯᔐᔭᓂ, ᓇᑐᒥᒃ ᑳ ᑭᑎᒫᑭᓯᒋᒃ, ᑳ ᒫᔅᑭᓯᒋᒃ, ᐁᑳ ᑳ ᓂᑕᐅᑌᒋᒃ, ᐁᑳ ᑳ ᐋᐱᒋᒃ:

ᐅᐸᓓᑭᔅ ᓘᒃ 14:20

ᑯᑕᒃ ᒫᑲ ᑮ ᐃᑗᐤ, ᓂ ᑮ ᐎᐎᓐ; ᐁᐗᑯ ᐌᒋ ᐁᑳ ᑮ ᐯᒋ ᐃᑐᑌᔮᓐ᙮

ᐅᐸᓓᑭᔅ ᓘᒃ 14:22

ᐊᑑᔅᑫᓛᑲᓐ ᒫᑲ ᑮ ᐃᑗᐤ, ᐅᑭᒪᐤ, ᑮ ᐃᑐᒋᑳᑌᐤ ᑖᐱᔅᑯᒡ ᐁ ᑮ ᐃᑕᔓᐌᔭᓐ, ᑫᔮᐸᒡ ᒫᑲ ᑕᐗᐤ᙮

ᐅᐸᓓᑭᔅ ᓘᒃ 14:24

ᐌᓴ ᑭᑦ ᐃᑎᓇᐗᐤ, ᓇᒪᐎᓚ ᐊᐌᓇ ᐁ ᐃᑕᓯᒋᒃ ᐊᓂᑭ ᐃᓕᓕᐗᒃ ᑳ ᑭ ᐎᑯᒫᑲᓂᐎᒋᒃ ᑲᑕ ᑯᒋᔅᑕᒻ ᓂ ᓂᐯᑴᐎᓂᓕᐤ᙮

ᐅᐸᓓᑭᔅ ᓘᒃ 24:47

ᓀᔥᑕ ᑴᔅᑳᑎᓯᐎᓐ, ᓀᔥᑕ ᐁ ᐊᔐᓂᑳᑌᑭ ᒪᒋᑐᑕᒧᐎᓇ ᑭᒋ ᐙᐎᒋᑳᑌᒃ ᐅᑦ ᐃᔑᓂᑳᓱᐎᓂᒃ, ᐃᑕ ᐁ ᐃᑖᒋᒃ ᒥᓯᐌ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᓃᔥᑕᒻ ᒋᕉᓴᓚᒥᒃ ᐁ ᐙᐎᒋᑳᑌᒃ᙮

ᐅᐸᓓᑭᔅ ᓘᒃ 9:10

ᐊᐸᔅᑕᓚᒃ ᒫᑲ, ᐃᔅᐱ ᑳ ᑭᐌᒋᒃ, ᑮ ᐎᑕᒪᐌᐗᒃ ᒥᓯᐌ ᑫᒀᓇ ᑳ ᑭ ᑐᑕᑭᒃ᙮ ᑮ ᐅᑎᓀᐤ ᒫᑲ, ᓀᔥᑕ ᑭᒧᒡ ᑮ ᐃᑐᑌᐤ ᐸᑾᑕᔅᑲᒥᑳᒃ, ᐯᔓᒡ ᐊᓂᒪ ᐃᑖᐎᓂᒃ ᐯᑦᓭᑕ ᑳ ᐃᔑᓂᑳᑌᒃ᙮

ᐅᐸᓓᑭᔅ ᒑᓐ 9:39

ᒋᓴᔅ ᒫᑲ ᑮ ᐃᑗᐤ, ᑎᐹᔅᑯᓂᑫᐎᓐ ᐁᐗᑯ ᐌᒋ ᑮ ᐯᒋ ᐃᑐᑌᔮᓐ ᐅᑕ ᐊᔅᑮᒃ, ᐊᓂᑭ ᐁᑳ ᑳ ᐙᐱᒋᒃ ᑭᒋ ᐙᐱᒋᒃ; ᓀᔥᑕ ᐊᓂᑭ ᑳ ᐙᐱᒋᒃ ᑭᒋ ᐃᔑ ᑐᑕᐙᑲᓂᐎᒋᒃ ᐁᑳ ᑭᒋ ᐙᐱᒋᒃ᙮

ᐦᐃᑉᕉᐗ 13:17

ᓇᓇᐃᑖᑯᒃ ᐊᓂᑭ ᑳ ᑎᐯᓕᒥᑖᑾᒃ, ᓀᔥᑕ ᑕᐸᑌᓕᒥᑎᓱᔅᑖᑯᒃ: ᐌᓴ ᐊᔕᐙᐸᒣᐗᐤ ᑭᑦ ᐊᒑᑯᐙᐗ, ᑖᐱᔅᑯᒡ ᐊᓂᑭ ᑫ ᐃᑖᒋᒧᒋᒃ, ᒥᓚᐙᑕᒧᐎᓂᒃ ᑭᒋ ᐃᔑ ᑐᑕᑭᒃ, ᓇᒪ ᒫᑲ ᒪᒥᔕᒣᓕᑕᒧᐎᓂᒃ: ᐌᓴ ᐊᓂᒪ ᓇᒪᐎᓚ ᓈᓐᑕᐤ ᑭᑦ ᐃᑖᐸᒋᐃᑯᓇᐗᐤ᙮

ᐦᐃᑉᕉᐗ 2:3

ᑖᓂ ᑫ ᐃᔑ ᐅᔑᒧᔭᒃ, ᑮᔥᐱᓐ ᐋᑕᐌᓕᑕᒪᒃ ᐁᔅᐱᒋ ᑭᒋ ᐱᒫᒋᐃᐌᐎᓐ; ᐊᓂᒪ ᓂᔥᑕᒻ ᑳ ᑮ ᒫᒋ ᐋᓕᒧᑕᒃ ᐅᑎᐯᓕᒋᑫᐤ, ᓀᔥᑕ ᑳ ᑮ ᐊᔨᒋ ᐎᑕᒫᑕᑾᒃ ᐊᓂᑭ ᑳ ᑮ ᐯᑕᐙᒋᒃ;

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:5

ᓇᑐᑕᒧᒃ, ᓯᐋᑭᐃᑕᑾᒃ ᓂᒋᔖᓂᑐᒃ, ᓇᒪ ᓈ ᑭᒋᒪᓂᑐ ᑮ ᐙᐌᓛᐸᒣᐤ ᐊᓂᐃ ᑳ ᑭᑎᒫᑭᓯᓕᑭ ᐅᑕ ᐊᔅᑮᒃ, ᐁ ᒥᔕᑭᓯᓕᑭ ᑖᐺᔦᓕᑕᒧᐎᓂᒃ, ᓀᔥᑕ ᑫ ᐊᑎ ᐋᔮᓕᒋ ᐊᓂᐁᓕᐤ ᐅᑭᒫᐎᐎᓂᓕᐤ ᑳ ᑮ ᐊᔓᑕᒪᐙᑦ ᐊᓂᐃ ᑳ ᓵᑭᐃᑯᑦ?

ᑭᔅᑫᓕᑖᑯᑖᑫᐎᓐ 19:15

ᐅᑐᓂᒃ ᒫᑲ ᐅᒋᐸᓕᐤ ᐁ ᑳᔖᒃ ᔑᒫᑲᓐ, ᐁᐗᑴᓕᐤ ᑭᒋ ᐅᒋ ᓂᐸᐋᑦ ᑳ ᑕᑐᔅᑳᓀᓯᓕᒋ ᐃᓕᓕᐗ: ᐱᐙᐱᔅᑯᓕᐤ ᒫᑲ ᑲᑕ ᐅᒋ ᑎᐯᓕᒣᐤ: ᑕᑕᑯᔅᑳᑕᒻ ᒫᑲ ᔓᒥᓈᐳ ᒫᑾᐃᑲᓂᓕᐤ ᑳ ᐅᒋᒪᑲᓂᓕᒃ ᐅᑦ ᐊᒀᑎᓯᐎᓂᒃ ᓀᔥᑕ ᐅᑦ ᐋᑯᓚᐌᓯᐎᓂᒃ ᑭᒋᒪᓂᑐ᙮

ᑭᔅᑫᓕᑖᑯᑖᑫᐎᓐ 22:17

ᐊᒑᒃ ᒫᑲ ᓀᔥᑕ ᐅᔥᑭᑴᐙᓐ ᐃᑗᐗᒃ, ᐋᔅᑕᒻ᙮ ᐊᓇ ᒫᑲ ᑳ ᐯᑕᒃ ᐁᑯᔑ ᑲᑕ ᐃᑗᐤ, ᐋᔅᑕᒻ᙮ ᐊᓇ ᓀᔥᑕ ᑳ ᓄᑌᔮᐸᑴᑦ ᐁᑯᔑ ᑲᑕ ᐯᒋ ᐃᑐᑌᐤ: ᐊᐌᓇ ᒫᑲ ᐁᑌᓕᑕᒧᑴ, ᐁᑯᔑ ᒧᔐ ᑲᑕ ᐅᑎᓇᒻ ᐱᒫᑎᓯᐎᓂ ᓂᐱᓕᐤ᙮