ᐅᐸᓓᑭᔅ ᓘᒃ 12:42 - ᐅᔅᑭ ᑎᔅᑌᒥᓐᑦ

⁴² ᐅᑎᐯᓕᒋᑫᐤ ᒫᑲ ᑮ ᐃᑗᐤ, ᐊᐌᓇ ᒫᑲ ᐊᓇ ᐁ ᒀᔭᔅᑭᑎᑦ ᓀᔥᑕ ᐁ ᑲᑫᑕᐌᓕᑕᒃ ᑲᓇᐌᓕᑎᓛᑲᓐ, ᑫ ᑎᐯᓕᑕᒥᐃᑯᑦ ᐅᑦ ᐅᑭᒫᒪ ᐅ ᐙᔅᑲᔨᑲᓂᒥᓕᐤ, ᑭᒋ ᒫᑎᓇᒪᐗᑦ ᐅ ᒥᒋᒥᒥᓕᐤ, ᐌᑎᒋᐸᓕᓕᑭ?

ᐅᐸᓓᑭᔅ ᓘᒃ 12:42 Iomraidhean Croise

ᐅᐸᓓᑭᔅ ᒫᑎᐤ 13:52

ᐁᑯ ᐁᑖᑦ, ᐁᐗᑯ ᐅᒋ ᒥᓯᐌ ᑕᑐ ᐅᒪᓯᓇᐃᑫᐤ ᑳ ᑭᔅᑭᓄᐊᒫᑦ ᑭᒋᑭᔑᑳᐎ ᐅᑭᒫᐎᐎᓂᒃ, ᓇᔅᐱᑕᐌᐤ ᐃᓕᓕᐗ ᑳ ᑎᐯᓕᑕᒥᓕᒋ ᐙᔅᑳᔨᑲᓂᓕᐤ, ᑳ ᐅᒋ ᐗᓚᐎᑕᑖᑦ ᐅ ᐌᓗᑎᓯᐎᓂᒃ ᐅᔥᑭ ᑫᒀᓇ ᓀᔥᑕ ᑳᔮᔥ ᑫᒀᓇ᙮

ᐅᐸᓓᑭᔅ ᒫᑎᐤ 20:8

ᐃᔅᐱ ᒫᑲ ᐌᑖᑯᔑᓂᓕᒃ, ᑳ ᑎᐯᓕᑕᒃ ᔓᒥᓈᑎᑯ ᓂᑖᐎᑭᒋᑲᓂᓕᐤ ᐃᑌᐤ ᐅ ᑲᓇᐌᓕᑎᓛᑲᓇ, ᓇᑐᒥᒃ ᐅᑕᑑᔅᑫᐗᒃ, ᒥᓕᒃ ᒫᑲ ᐅ ᑎᐸᐊᒫᑯᓯᐎᓂᐗᐤ, ᓃᔥᑕᒻ ᐁ ᑎᐸᐊᒪᐗᒋᒃ ᐊᓂᑯ ᒫᒋᒡ ᑳ ᑕᑯᔑᑭᒃ ᐱᓕᔥ ᐊᓂᑭ ᓃᔥᑕᒻ᙮

ᐅᐸᓓᑭᔅ ᓘᒃ 12:43

ᔕᐌᓕᑖᑯᓯᐤ ᐊᓇ ᐊᑑᔅᑫᓛᑲᓐ, ᐅᑦ ᐅᑭᒫᒪ, ᑕᑯᔑᓂᓕᑌ, ᑫ ᒥᔅᑳᑯᑦ ᐅᒪ ᐁ ᐃᔑ ᑐᑕᒃ᙮

ᐅᐸᓓᑭᔅ ᓘᒃ 7:13

ᐃᔅᐱ ᒫᑲ ᐅᑎᐯᓕᒋᑫᐤ ᐎᐋᐸᒫᑦ, ᑮ ᑭᑎᒫᑫᓕᒣᐤ, ᑮ ᐃᑌᐤ ᒫᑲ, ᐁᑳᐎᓚ ᒫᑐ᙮

ᐅᐸᓓᑭᔅ ᓘᒃ 7:19

ᒑᓐ ᒫᑲ ᐁ ᓇᑐᒫᑦ ᓂᔓ ᐅ ᑭᔅᑭᓄᐊᒪᐙᑲᓇ, ᑮ ᐃᔑᑎᔕᐊᒪᐌᐤ ᒋᓴᓴ, ᐁ ᐃᑗᑦ, ᑭᓚ ᓈ ᐁᐗᒀᓇ ᑫ ᑕᑯᔑᑭᐸᓐ? ᓀᔥᑕᐱᑯ ᑯᑕᒃ ᓈ ᓂ ᑳ ᐊᔕᐙᐸᒫᓈᓐ?

ᐊᐸᔅᑕᓚᒃ 20:28

ᔮᒀᒥᓯᒃ ᐃᓴ ᑭᓚᐗᐤ, ᓀᔥᑕ ᒥᓯᐌ ᑳ ᒪᐗᒋᐃᑐᒋᒃ ᐅᒋ, ᐊᓂᐃ ᑳ ᐸᓓᑭᓯᑦ ᐊᒑᒃ ᑳ ᑮ ᑎᐁᓕᑕᒥᐃᑖᒃ, ᑭᒋ ᐊᔕᒥᒣᑾᒃ ᑭᒋᒪᓂᑐ ᐅ ᒫᒪᐎᐋᔭᒥᐋᒪ, ᑳ ᑮ ᐊᑕᐌᔅᑕᒫᓱᑦ ᑎᐱᓚᐌ ᐅᒥᑯᒻ ᐅᒋ᙮

ᓂᔥᑕᒻ ᑎᒧᑎ 3:15

ᒫᑲ ᑮᔥᐱᓐ ᑭᓉᔥ ᐃᑖᐱᒋᔮᓀ, ᑭᒋ ᑭᔅᑫᓕᑕᒪᓐ ᑫ ᐃᑖᑎᓯᔭᓐ ᑭᒋᒪᓂᑐ ᐅ ᐙᔅᑳᔨᑲᓂᒥᒃ, ᐁᐗᑯ ᐅ ᒫᒪᐎᐋᔭᒥᐋᒪ ᐯᒫᑎᓰᑦ ᑭᒋᒪᓂᑐ, ᑳ ᐅᒋ ᓯᑐᓂᑳᑌᒃ ᓀᔥᑕ ᐋᔨᒋᑖᓂᐗᒃ ᑖᐺᐎᓐ᙮

ᓂᔥᑕᒻ ᑎᒧᑎ 5:17

ᐁᑯᔑ ᐊᓂᑭ ᐅᓂᑳᓀᓕᑖᑯᓯᐗᒃ ᑳ ᒥᓗ ᑎᐯᓕᒋᑫᒋᒃ ᓂᔡᐤ ᐃᓕᑯᒃ ᑲᑕ ᐃᔑ ᑭᔅᑌᓕᒪᐗᒃ, ᐅᓵᒻ ᐊᓂᑭ ᑳ ᐊᑑᔅᑫᒋᒃ ᐋᔭᒥᐎᓂᒃ ᓀᔥᑕ ᑭᔅᑭᓄᐊᒫᑫᐎᓂᒃ᙮

ᓂᔓ ᑎᒧᑎ 4:2

ᑲᑫᔅᑭᒥᐌ ᐊᔭᒥᐎᓐ; ᑭᓯᓴᐎᓯ ᐌᑎᒋᐸᓕᑭ, ᓀᔥᑕ ᐁᑳ ᐌᑎᒋᐸᓕᑭ; ᓇᑭᒥᐌ, ᑭᑕᐊᒫᑫ, ᔑᑭᑫᒧ, ᒥᓯᐌ ᔑᐯᓕᑕᒧᐎᓂᒃ ᓀᔥᑕ ᑭᔅᑭᓄᐊᒫᑫᐎᓂᒃ᙮

ᑕᐃᑕᔅ 1:7

ᐌᓴ ᑭᒋᐋᔭᒥᐁᐎᑭᒪᐤ ᑲᑕ ᒥᓗᐃᑌᓕᑖᑯᓯᐤ, ᑖᐱᔅᑯᒡ ᐅ ᑲᓇᐌᓕᑎᓛᑲᓇ ᑭᒋᒪᓂᑐ: ᐁᑳ ᐁ ᐯᔭᑯᑴᓕᒥᑎᓱᑦ, ᐁᑳ ᐎᐸᒡ ᐁ ᑭᓯᐙᓯᑦ, ᐁᑳ ᐁ ᐅᓵᒥᓂᑴᑦ ᔓᒥᓈᐳ, ᐁᑳ ᐁ ᓄᑎᓂᑫᑦ, ᐁᑳ ᐁ ᓵᑭᐋᑦ ᔔᓕᐋᓇ;

ᐦᐃᑉᕉᐗ 13:17

ᓇᓇᐃᑖᑯᒃ ᐊᓂᑭ ᑳ ᑎᐯᓕᒥᑖᑾᒃ, ᓀᔥᑕ ᑕᐸᑌᓕᒥᑎᓱᔅᑖᑯᒃ: ᐌᓴ ᐊᔕᐙᐸᒣᐗᐤ ᑭᑦ ᐊᒑᑯᐙᐗ, ᑖᐱᔅᑯᒡ ᐊᓂᑭ ᑫ ᐃᑖᒋᒧᒋᒃ, ᒥᓚᐙᑕᒧᐎᓂᒃ ᑭᒋ ᐃᔑ ᑐᑕᑭᒃ, ᓇᒪ ᒫᑲ ᒪᒥᔕᒣᓕᑕᒧᐎᓂᒃ: ᐌᓴ ᐊᓂᒪ ᓇᒪᐎᓚ ᓈᓐᑕᐤ ᑭᑦ ᐃᑖᐸᒋᐃᑯᓇᐗᐤ᙮

ᐦᐃᑉᕉᐗ 13:7

ᑭᔅᑭᓯᑐᑖᑯᒃ ᐊᓂᑭ ᑳ ᑎᐯᓕᒥᑖᒀᒃ, ᑳ ᑮ ᐋᓕᒧᑕᒫᑖᑾᒃ ᑭᒋᒪᓂᑐ ᐅᑦ ᐋᔭᒥᐎᓐ: ᐅ ᑖᐺᔦᓕᑕᒧᐎᓂᐗᐤ ᓄᔅᐱᓈᑕᒸᒃ, ᐁ ᒫᒥᑐᓀᓕᑕᒣᒃ ᐁ ᐃᔑ ᐳᓂᐸᓕᓕᒃ ᐅᑦ ᐃᔑᐱᒫᑎᓯᐎᓂᐗᐤ᙮

ᐦᐃᑉᕉᐗ 3:5

ᒧᓯᔅ ᒫᑲ ᑖᐺ ᑮ ᒀᔭᔅᑭᑎᐤ ᑳ ᐃᑕᔑᑦ ᐎᑭᒃ, ᑖᐱᔅᑯᒡ ᐊᑑᔅᑫᓛᑲᓐ, ᑭᒋ ᐅᒋ ᐋᓕᒧᒋᑳᑌᑭ ᐊᓂᐃ ᐁᔥᑾ ᑫ ᐎᒋᑳᑌᑭ;

ᓂᔥᑕᒻ ᐱᑕᕐ 4:10

ᑖᐱᔅᑯᒡ ᒥᓯᐌ ᑕᑐ ᐃᓕᓕᐤ ᐁ ᑮ ᒥᓛᑳᓂᐎᑦ ᒥᓕᑯᓯᐃᓂᓕᐤ, ᐁᑯ ᐃᔑ ᒫᒥᔅᑯ ᐅᒌᔅᑕᒫᑐᒃ, ᑖᐱᔅᑯᒡ ᒥᓗ ᑲᓇᐌᓕᑎᓛᑲᓇᒃ ᑳ ᑲᓇᐌᓕᑕᒬᒃ ᑭᒋᒪᓂᑐ ᑳ ᐋᔭᑶᑕᐗᔅᑌᓕᒃ ᐅ ᔕᐌᓕᒋᑫᐎᓐ᙮