45 ᐁᑯ ᓀᔥᑴᐗᔑᐃᐌᑦ ᐯᔭᒃ ᐊᓂᑭ ᐅᓚᔓᐌᐎᓕᓕᐙᒃ, ᓀᔥᑕ ᑮ ᐃᑌᐤ, ᑫᔅᑭᓄᐊᒫᑫᔭᓐ, ᐅᒪ ᐁ ᐃᑗᔭᓐ, ᓂᓚᓈᓐ ᓀᔥᑕ ᑭ ᒫᓓᓕᒥᓇᓐ᙮
ᐁᑯ ᐯᔭᒃ ᐁ ᐃᑕᓯᒋᒃ, ᑳ ᐅᓚᔓᐌᐎᓕᓕᐎᑦ, ᑮ ᑲᑴᒋᒣᐤ, ᐁ ᑲᑴᒋᐋᑦ, ᐁ ᐃᑗᑦ ᒫᑲ,
ᑮ ᐃᑗᐤ ᒫᑲ, ᑭ ᑳ ᑲᒀᑕᑭᓯᓇᐗᐤ ᓀᔥᑕ ᐅᓚᔓᐌᐎᓕᓕᑐᒃ! ᐌᓴ ᑭ ᐳᔅᒋᐗᑕᐊᐙᐗᒃ ᐃᓕᓕᐗᒃ ᐎᐗᔑᐎᓇ ᐁ ᐋᓕᒪᑭ ᑭᒋ ᐎᐗᔑᓈᓂᐗᑭ, ᑭᓚᐗᐤ ᒫᑲ ᓇᒪᐎᓚ ᑭ ᓵᒥᓀᓇᐗᐤ ᐎᐗᔑᐎᓇ ᐯᔭᒃ ᑭ ᓕᓕᑭᒋᒑᓂᐗᐤ ᐅᒋ᙮
ᑭ ᑳ ᑲᒀᑕᑭᓯᓇᐗᐤ, ᐅᓚᔓᐌᐎᓕᓕᑐᒃ! ᐌᓴ ᑭ ᑮ ᐅᑎᓀᓇᐗᐤ ᑭᔅᑫᓕᑕᒧᐎᓂ ᐎᑯᑖᔨᑲᓐ: ᓇᒪᐎᓚ ᑭ ᐅᒋ ᐱᑐᑳᓇᐗᐤ ᑭᓚᐗᐤ, ᐊᓂᑭ ᓀᔥᑕ ᑳ ᐊᑎ ᐱᑐᑫᒋᒃ ᑮ ᑭᐱᒋᐋᐙᐗᒃ᙮
ᒫᑲ ᐹᕋᓯᔭᒃ ᓀᔥᑕ ᐅᓚᔓᐌᐎᓕᓕᐗᒃ ᑮ ᐋᑕᐌᓕᑕᒬᐗᒃ ᑭᒋᒪᓂᑐᐗ ᐅ ᑲᑫᔅᑭᒥᐁᐎᓂᓕᐤ ᑳ ᐃᔑ ᑲᑫᔅᑭᒥᑯᓕᒋ, ᐁᑳ ᐁ ᐅᒋ ᓯᑲᐊᑖᑯᒋᒃ᙮
ᑮ ᑖᐺᔦᓕᒥᑯ ᓈ ᐊᐌᓕᐗ ᐁ ᐅᑭᒫᐎᓕᒋ ᓀᔥᑕᐱᑯ ᐁ ᐹᕋᓯᐎᓕᒋ?
ᐊᔅᑭ ᓇᒪᐎᓚ ᑭ ᑳ ᑮ ᐗᑳᑎᑯᓇᐗᐤ; ᒫᑲ ᓂᓚ ᓂ ᐗᑳᑎᑯᓐ, ᐌᓴ ᓂ ᑎᐹᑐᑌᓐ, ᐁ ᒫᓛᑕᑭ ᐊᓂᐃ ᐋᔨᑎᐎᓇ ᐊᓐᑕ ᐌᒋᒪᑲᑭ᙮
ᐋᑎᑦ ᒫᑲ ᐹᕋᓯᔭᒃ ᑳ ᐎᒉᐎᑯᑦ ᑮ ᐯᑕᒥᓕᐗ ᐅᐅ ᐋᔭᒥᐎᓇ, ᑮ ᐃᑎᑯ ᒫᑲ, ᓂᓚᓈᐤ ᓈ ᐊᓯᒋ ᓇᒪᐎᓚ ᓂ ᐙᐱᓈᓐ᙮