ᐅᐸᓓᑭᔅ ᓘᒃ 10:7 - ᐅᔅᑭ ᑎᔅᑌᒥᓐᑦ

⁷ ᑫᔮᐸᒡ ᐁᑯᑕ ᐙᔅᑳᔨᑲᓂᒃ ᒫᑲ ᑕᔑᑫᒃ, ᐁ ᒥᒋᔦᒃ ᓀᔥᑕ ᐁ ᒥᓂᑴᔦᒃ ᐊᓂᐃ ᑫᒀᓇᐧ ᐁ ᒥᓕᐌᒋᒃ: ᐌᓴ ᐅᑕᑑᔅᑫᐤ ᑌᐸᑫᓕᑖᑯᓯᐤ ᑭᒋ ᐋᔮᑦ ᐅ ᑌᐸᐊᒫᑯᓯᐎᓐ᙮

ᐅᐸᓓᑭᔅ ᓘᒃ 10:7 Iomraidhean Croise

ᐅᐸᓓᑭᔅ ᒫᕐᒃ 6:10

ᑮ ᐃᑌᐤ ᒫᑲ, ᐱᑯ ᐃᑕ ᑫ ᐱᑐᑫᐌᑴ ᐙᔅᑳᔨᑲᓂᒃ, ᐁᑯᑕ ᑕᔑᑫᒃ ᐹᑎᒫ ᐊᓐᑕ ᐅᒋ ᑭᑐᑌᔦᑴ᙮

ᐅᐸᓓᑭᔅ ᓘᒃ 10:6

ᑮᔥᐱᓐ ᒫᑲ ᐊᓐᑕ ᐁᑖᑴ ᐊᓇ ᐌᑯᓯᓯᒥᑯᑦ ᑳᔮᒣᓕᑕᒧᐎᓂᓕᐤ, ᑭ ᑳᔮᒣᓕᑕᒧᐎᓂᐗᐤ ᐁᑯᑕ ᑫ ᐃᑕᑾᒃ: ᑮᔥᐱᓐ ᐁᑳ, ᒥᓇ ᑭ ᑳ ᑭᐌᑐᑖᑯᓇᐗᐤ᙮

ᐅᐸᓓᑭᔅ ᓘᒃ 9:4

ᐱᑯ ᐊᓂᒪ ᐙᔅᑳᔨᑲᓐ ᑫ ᐃᔑ ᐱᑕᑫᐌᑴ, ᐁᑯᑕ ᑕᔑᑫᒃ, ᓀᔥᑕ ᐁᑯᑕ ᐅᒋ ᑭᑐᑌᒃ᙮

ᐊᐸᔅᑕᓚᒃ 16:15

ᐃᔅᐱ ᒫᑲ ᑳ ᓯᑲᐊᑕᐙᑲᓂᐎᑦ, ᓀᔥᑕ ᒥᓯᐌ ᑳ ᐃᑕᔑᑦ, ᓂ ᑮ ᐸᑯᓭᓕᒥᑯᓈᓐ, ᐁ ᐃᑗᑦ, ᑮᔥᐱᓐ ᑳ ᐃᑌᓕᒥᐌᑴ ᐁ ᔮᒀᒥᔅᑕᐗᒃ ᐅᑎᐯᓕᒋᑫᐤ, ᐯᒋ ᐱᑐᑫᒃ ᓂᑭᒃ, ᐁᑯᑕ ᒫᑲ ᑕᔑᑫᒃ᙮ ᓂ ᑮ ᔕᑯᒋᒥᑯᓈᓐ ᒫᑲ᙮

ᐊᐸᔅᑕᓚᒃ 16:34

ᐃᔅᐱ ᒫᑲ ᑳ ᐯᔑᐙᑦ ᐎᑭᒃ, ᑮ ᐅᓚᔅᑕᒪᐌᐤ ᒥᒋᒥᓕᐤ, ᐁ ᓯᑭᓓᓯᑦ ᒫᑲ, ᐁ ᑖᐺᔦᓕᒫᑦ ᑭᒋᒪᓂᑐᐗ ᐊᓯᒋ ᒥᓯᐌ ᑳ ᐃᑕᔑᑦ ᐎᑭᒃ᙮

ᐊᐸᔅᑕᓚᒃ 16:40

ᐁᑯ ᒫᑲ ᑳ ᐗᓚᐎᒋᒃ ᑭᐸᐅᑐᐎᑲᒥᑯᒃ ᐅᒋ, ᓀᔥᑕ ᑮ ᐱᑐᑫᐗᒃ ᓕᑎᐊ ᐎᑭᓕᒃ: ᐃᔅᐱ ᒫᑲ ᑳ ᑮ ᐗᐸᒫᒋᒃ ᑳ ᐎᒋᔖᓂᑐᓕᒋ, ᑮ ᒥᓜᓕᒧᐁᐗᒃ, ᓀᔥᑕ ᑮ ᑭᑐᑌᐗᒃ᙮

ᑲᓓᔕᐊᓇ 6:6

ᐁᑯᔑ ᐊᓇ ᑳ ᑭᔅᑭᓄᐊᒫᑦ ᐋᔭᒥᐎᓂᓕᐤ ᑲᑕ ᐅᒋᔅᑕᒪᐌᐤ ᐊᓂᐃ ᑳ ᑭᔅᑭᓄᐊᒫᑫᓕᒋ ᒥᓯᐌ ᑳ ᒥᓦᔑᓂᓕᑭ᙮

ᓂᔥᑕᒻ ᑎᒧᑎ 5:13

ᐊᓯᒋ ᓀᔥᑕ ᑲᑕ ᐎ ᑭᑎᒥᐗᒃ, ᐹᐱᑐᔥ ᐙᔅᑲᔨᑲᓂᒃ ᐁ ᐸᐹᐃᑐᑌᒋᒃ; ᓇᒪᐎᓚ ᓀᔥᑕ ᐁ ᑭᑎᒥᒋᒃ ᐱᑯ, ᒫᑲ ᐁ ᐅᓵᒥᑐᓂᒋᒃ ᐊᓯᒋ, ᓀᔥᑕ ᐁ ᑭᐅᑫᔅᑭᒋᒃ, ᐁ ᐋᓕᒧᑕᑭᒃ ᐊᓂᐃ ᑫᒀᓇ ᐁᑳ ᑫ ᑮ ᐋᓕᒧᑕᒧᐙᔅᐸᓐ᙮

ᓂᔓ ᑎᒧᑎ 2:6

ᐅᓂᑕᐎᑭᒋᑫᐤ ᑳ ᐊᑑᔅᑫᑦ ᓂᔥᑕᒻ ᑲᑕ ᐋᐸᒋᑕᐤ ᐊᓂᐃ ᑳ ᓂᑕᐎᑭᓂᓕᑭ᙮