26 ᑮ ᐃᑌᐤ ᒫᑲ, ᑫᒀᓐ ᒣᓯᓇᐃᑳᑌᒃ ᐅᓚᔓᐌᐎᓂᒃ? ᑖᑦ ᐁᔑ ᐋᔭᒥᑖᔭᓐ?
ᒫᑎᑲ, ᒫᑲ, ᐯᔭᒃ ᐅᓚᔓᐌᐎᓕᓕᐤ ᑮ ᓂᐸᐎᐤ, ᓀᔥᑕ ᑮ ᑲᑴᒋᐁᐤ, ᐁ ᐃᑗᑦ, ᑫᔅᑭᓄᐊᒫᑫᔭᓐ, ᑫᒀᓐ ᑫ ᑐᑕᒫᓐ ᑭᒋ ᐋᔮᔮᓐ ᑳᑭᑫ ᐱᒫᑎᓯᐎᓐ?
ᐁ ᓇᔥᑴᐗᔑᐋᑦ ᒫᑲ, ᑮ ᐃᑗᐤ, ᑭ ᑳ ᓵᐊᑭᐤ ᐅᑎᐯᓕᒋᑫᐤ ᑭ ᑭᒋᒪᓂᑐᒻ ᒥᓯᐌ ᑭᑌᐃᒃ, ᓀᔥᑕ ᒥᓯᐌ ᑭᑦ ᐊᒑᑯᒃ, ᓀᔥᑕ ᒥᓯᐌ ᑭ ᒪᔥᑲᐎᓯᐎᓂᒃ, ᓀᔥᑕ ᒥᓯᐌ ᑭ ᒥᑐᓄᓕᒋᑲᓂᒃ; ᓀᔥᑕ ᑭᒋᐃᓕᓕᐤ ᑖᐱᔅᑯᒡ ᐁ ᐃᔑ ᓵᑭᐃᑎᓱᔭᓐ᙮
ᐌᓴ ᒧᓯᔅ ᐎᑕᒻ ᐊᓂᐁᓕᐤ ᒀᔭᔅᑭᑕᑎᓯᐎᓂᓕᐤ ᐅᓚᔓᐌᐎᓂᒃ ᑳ ᐅᒋᐸᓕᓕᒃ, ᐊᓇ ᐃᓕᓕᐤ ᐅᐅ ᑫᒀᓇ ᑳ ᑐᑕᒃ ᐁᐗᒀᓂᐃ ᑭᒋ ᐅᒋ ᐱᒫᑎᓰᑦ᙮
ᑭ ᑭᔅᑫᓕᑌᓈᓇᐤ ᒫᑲ ᑫᒀᓐ ᑳ ᐃᑗᒪᑲᒃ ᐅᓚᔓᐌᐎᓐ, ᐃᑎᑯᐗᒃ ᐊᓂᑭ ᐅᓚᔓᐌᐎᓂᒃ ᑳ ᐃᑖᒋᒃ: ᒥᓯᐌ ᑕᑐ ᒥᑐᓐ ᑭᒋ ᑭᐸᐃᑳᑌᒃ, ᓀᔥᑕ ᒥᓯᐌ ᐊᔅᑭ ᑭᒋ ᒪᒉᓕᑖᑾᒃ ᐁᑖᔅᑕᒪᐱᑦ ᑭᒋᒪᓂᑐ᙮
