ᐅᐸᓓᑭᔅ ᓘᒃ 1:6 - ᐅᔅᑭ ᑎᔅᑌᒥᓐᑦ

⁶ ᑖᐱᔅᑯᒡ ᒫᑲ ᑮ ᒀᔭᔅᑭᑖᑎᓯᐗᒃ ᐁ ᐙᐸᒥᑯᒋᒃ ᑭᒋᒪᓂᑐᐗ, ᐁ ᐱᒧᑖᑕᒸᒋᒃ ᒥᓯᐌ ᐅ ᑲᑫᔅᑴᐎᓂᓕᐗ ᓀᔥᑕ ᐃᑕᔓᐌᐎᓂᓕᐗ ᐅᑎᐯᓕᒋᑫᐗ ᐁᑳ ᐁ ᐋᓉᓕᑖᑯᓯᒋᒃ᙮

ᐅᐸᓓᑭᔅ ᓘᒃ 1:6 Iomraidhean Croise

ᐅᐸᓓᑭᔅ ᓘᒃ 1:7

ᓇᒪᐎᓚ ᒫᑲ ᐅᒋ ᐅᑕᐙᔑᒥᔑᐗᒃ, ᐌᓴ ᓇᒪᐎᓚ ᑭ ᓂᑕᐅᔐᐤ ᐃᓕᓴᐱᑦ; ᐋᔕᔾ ᒫᑲ ᑖᐱᔅᑯᒡ ᑭ ᑭᔐᔮᑎᓯᐗᒃ᙮

ᐅᐸᓓᑭᔅ ᓘᒃ 16:15

ᑮ ᐃᑌᐤ ᒫᑲ, ᑭᓚᐗᐤ ᐁᐗᒀᓂᑭ ᑳ ᒥᓗᑡᐌᓕᑖᑯᐃᑎᓱᔦᒃ ᐅᑎᔥᑳᐤ ᐃᓕᓕᐗᒃ, ᒫᑲ ᑭᒋᒪᓂᑐ ᑭᔅᑫᓕᑕᒻ ᑭᑌᐃᐙᐗ: ᐌᓴ ᐊᓂᐁᓕᐤ ᓈᔅᐱᒡ ᑳ ᑭᔅᑌᓕᑕᑭᒃ ᐃᓕᓕᐗᒃ ᒪᒑᐸᑕᒻ ᑭᒋᒪᓂᑐ᙮

ᐅᐸᓓᑭᔅ ᓘᒃ 2:25

ᒫᑎᑲ, ᒫᑲ, ᑮ ᐃᑖᐤ ᐃᓕᓕᐤ ᒋᕉᓴᓚᒥᒃ, ᓯᒥᔭᓐ ᐁ ᐃᔑᓂᑳᓱᑦ: ᐁᐗᑯ ᐊᐗ ᑮ ᒀᔭᔅᑭᑎᐤ ᓀᔥᑕ ᑮ ᐋᔭᒥᐁᐋᑎᓯᐤ, ᑮ ᐁᔑᓇᐙᑕᐌᐤ ᒫᑲ ᐃᔅᕃᐃᓚ ᐅ ᑲᑮᒋᐃᑯᓯᐎᓂᓕᐤ: ᑮ ᑭᑭᔥᑳᑯ ᒫᑲ ᐸᓓᑭ ᐊᒑᑾ᙮

ᐊᐸᔅᑕᓚᒃ 2:25

ᑌᐱᑦ ᒫᑲ ᐅᒪ ᐃᔑ ᐋᔭᒥᐤ ᐎᓚ ᐅᒋ, ᓂ ᑮ ᐙᐸᒪᐤ ᐅᑎᐯᓕᒋᑫᐤ ᒨᔕᒃ ᐅᑎᔥᑲᐤ ᓂᑖᔅᑕᒥᑯᒃ ᐁ ᐃᑖᑦ; ᐌᓴ ᐃᑖᐤ ᓂ ᑭᒋᓂᔅᑭᒃ ᐃᑌᑫ ᐁᑳ ᐙᔦᔥ ᑭᒋ ᑮ ᑐᑖᑲᐎᔮᓐ:

ᐊᐸᔅᑕᓚᒃ 23:1

ᐹᓪ ᒫᑲ, ᐁ ᐊᔑᑳᐸᒫᑦ ᑳ ᒪᐗᒋᐃᑐᓕᑭ, ᑮ ᐃᑗᐤ, ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᓂ ᑮ ᐱᒫᑎᓰᔅᑕᐗᐤ ᑭᒋᒪᓂᑐ ᒥᑐᓂ ᒥᓗ ᒥᑐᓀᓕᒋᑲᓂᒃ ᐱᓕᔥ ᐊᓄᒡ ᐁ ᑭᔑᑳᒃ᙮

ᐊᐸᔅᑕᓚᒃ 24:16

ᐅᑕ ᒫᑲ ᓂᑦ ᐅᒋ ᓈᑲᑕᐌᓕᒥᑎᓱᓐ ᒧᔕᒃ ᑭᒋ ᐅ ᒥᑐᓀᓕᒋᑲᓂᔮᓐ ᐁᑳ ᑭᒋ ᓈᔦᑕᐎᑐᑕᐗᒃ ᑭᒋᒪᓂᑐ, ᓀᔥᑕ ᐃᓕᓕᐗᒃ᙮

ᐊᐸᔅᑕᓚᒃ 8:21

ᓇᒪᐎᓚ ᐙᐗᒡ ᐊᐱᔑᔥ ᑭ ᐎᒋᐄᐙᓐ ᓇᒪ ᓀᔥᑕ ᑭᑦ ᐊᔑᑕᑭᒥᑳᐎᓐ ᐅᒪ ᑫᒀᓂᒃ: ᐌᓴ ᑭᑌᐃ ᓇᒪᐎᓚ ᑾᔮᔅᑾᓐ ᐁ ᐙᐸᑕᒃ ᑭᒋᒪᓂᑐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:4

ᐊᓂᒪ ᒀᔭᔅᑭᑖᑎᓯᐎᓐ ᑳ ᐃᑕᑾᒃ ᐅᓚᔓᐌᐎᓂᒃ ᑭᒋ ᑎᐱᐸᓕᑕᒫᑲᐎᔭᒃ, ᐁᑳ ᐎᔮᓯᐎᓂᒃ ᑳ ᐃᔑ ᐱᒧᑌᔭᒃ, ᒫᑲ ᐊᒑᑯᒃ᙮

ᓂᔥᑕᒻ ᑯᕆᓐᑎᐊᓇ 11:2

ᑭ ᒫᒪᑖᑯᒥᑎᓇᐗᐤ ᒫᑲ, ᓂᒋᔖᓂᑐᒃ, ᐁ ᑭᔅᑭᓯᑐᑕᐎᔦᒃ ᒥᓯᐌ ᐃᔑ, ᓀᔥᑕ ᐁ ᑲᓇᐌᓕᑕᒣᒃ ᐊᓂᐃ ᐃᑕᔓᐌᐎᓇ, ᑳ ᐃᔑ ᐸᑭᑎᓇᒫᑕᑾᒃ᙮

ᓂᔓ ᑯᕆᓐᑎᐊᓇ 1:12

ᐌᓴ ᐅᒪ ᐅᒋ ᓂ ᒧᒋᑫᓕᑌᓈᓐ, ᐁ ᐃᑖᒋᒧᔅᑖᑯᔮᒃ ᓂ ᒥᑐᓀᓕᒋᑲᓂᓇᓐ, ᒀᔭᔉ ᐃᑌᓕᑕᒧᐎᓂᒃ ᓀᔥᑕ ᒪᓂᑐᐎ ᑖᐺᔦᓕᑖᑯᓯᐎᓂᒃ, ᓇᒪᐎᓚ ᐎᔮᓯᐎ ᑲᑫᑕᐌᓕᑕᒧᐎᓂᒃ, ᒫᑲ ᐅ ᔕᐌᓕᒋᑫᐎᓐ ᑭᒋᒪᓂᑐ ᐅᒋ, ᓂ ᑮ ᐃᔑ ᐱᒫᑎᓯᓈᓐ ᐅᑕ ᐊᔅᑮᒃ, ᐋᓕᐗᒃ ᒫᑲ ᑭᓚᐗᐤ ᐃᔑ᙮

ᐱᓕᐱᔭᓇ 2:15

ᑭᒋ ᒥᓨᑎᓯᔦᒃ ᓀᔥᑕ ᑳᔮᒣᐎᓯᔦᒃ, ᐁ ᐅᑯᓯᓯᒥᑖᒃ ᑭᒋᒪᓂᑐ, ᐁᑳ ᐁ ᒪᒉᓕᒥᑲᐎᔦᒃ, ᒣᑴᔭᔥ ᑳ ᐙᑭᑳᑎᓯᒋᒃ ᓀᔥᑕ ᑳ ᔑᐱᑕᑭᒃ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᐃᑕ ᐁ ᐃᑖᒋᒃ ᐁ ᐙᓯᓱᔭᒃ ᑖᐱᔅᑯᒡ ᐅᐙᓭᔮᓯᐗᒃ ᐊᔅᑮᒃ:

ᑯᓚᔑᔭᓇ 1:22

ᐁ ᐎᔭᐎᒪᑲᓂᓕᒃ ᐅ ᐎᔮᓯᒃ ᓂᐱᐎᓐ ᐅᒋ, ᐁ ᐸᓓᑭᓯᔦᒃ, ᓀᔥᑕ ᐁᑳ ᐁ ᐊᑖᒣᓕᑖᑯᓯᔦᒃ, ᓀᔥᑕ ᐁᑳ ᐁ ᑭᑐᑖᑯᓯᔦᒃ ᐁ ᑲᓇᐗᐸᒥᑖᒃ:

ᓂᔥᑕᒻ ᑌᓴᓗᓂᔭᓇ 3:13

ᑭᒋ ᐋᔨᒋᑖᑦ ᑭᑌᐃᐙᐗ ᐁᑳ ᑭᒋ ᐊᑕᒣᓕᑖᑯᓯᔦᒃ ᐸᓕᑭᓯᐎᓂᒃ, ᐅᑎᔥᑲᐤ ᑭᒋᒪᓂᑐ, ᑯᑖᐎᓇᐤ ᐅᑎ, ᐯᒋ ᑕᑯᔑᑫ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐊᓯᒋ ᒥᓯᐌ ᐅ ᐸᓓᑭᓯᒪ᙮

ᓂᔓ ᐱᑕᕐ 3:14

ᐁᐗᑯ ᐅᒋ, ᓯᐋᑭᐃᑕᑾᒃ, ᐁ ᓄᑾᒃ ᐁ ᐊᔕᐙᐸᑕᒣᒃ ᐅᐅ ᑫᒀᓇ, ᑭᓯᓴᐎᓯᒃ ᑳᔮᒣᓕᑕᒧᐎᓂᒃ ᑭᒋ ᒥᔅᑳᑖᒃ, ᐁᑳ ᐁ ᒪᓯᓈᓱᔦᒃ ᓀᔥᑕ ᐁ ᒥᓗᐃᑌᓕᑖᑯᓯᔦᒃ:

ᓂᔥᑕᒻ ᒑᓐ 2:29

ᑮᔥᐱᓐ ᑭᔅᑫᓕᑕᒣᒃ ᐁ ᒀᔭᔅᑭᑖᑎᓰᑦ, ᑭ ᑭᔅᑫᓕᑌᓇᐗᐤ ᒥᓯᐌ ᑕᑐ ᐊᐌᓇ ᑳ ᑐᑕᒃ ᒀᔭᔅᑭᑖᑎᓯᐎᓂᓕᐤ ᐁ ᓂᑕᐎᑭᐃᑯᑦ᙮

ᓂᔥᑕᒻ ᒑᓐ 2:3

ᐁᐗᑯ ᑳ ᐅᒋ ᑭᔅᑫᓕᑕᒪᒃ ᐁ ᑭᔅᑫᓕᒪᒃ, ᑮᔥᐱᓐ ᑲᓇᐌᓕᑕᒶᒃ ᐅ ᑲᑫᔅᑴᐎᓇ᙮

ᓂᔥᑕᒻ ᒑᓐ 3:7

ᐊᐱᔅᑕᐙᔑᔑᑐᒃ, ᐁᑯᔑ ᐁᑳᐎᓚ ᐊᐌᓇ ᐃᓕᓕᐤ ᑭ ᑳ ᐙᔦᔑᒥᑯᐗᐤ: ᐊᓇ ᑳ ᑐᑕᒃ ᒀᔭᔅᑭᑖᑎᓯᐎᓂᓕᐤ ᒀᔭᔅᑭᑖᑎᓯᐤ, ᑖᐱᔅᑯᒡ ᐎᓚ ᐁ ᐃᔑ ᒀᔭᔅᑭᑖᑎᓯᓕᒋ᙮