43 ᑫᒀᓐ ᒫᑲ ᐌᒋ ᑭ ᐃᑐᑖᑲᐎᔮᓐ, ᑭᒋ ᐯᒋ ᓈᔑᓕᒋ ᓂ ᑎᐯᓕᒋᑫᒻ ᐅᑳᐎᔭ?
ᒣᒀᒡ ᑫᔮᐸᒡ ᐁ ᐋᔭᒥᐋᑦ ᐃᓕᓕᐗ, ᒫᑎᑲ, ᐅᑳᐎᔭ ᓀᔥᑕ ᐎᒋᔖᓇ ᐗᓚᐎᑎᒥᒃ ᑮ ᓂᐸᐎᓕᐗ ᐁ ᐎ ᐋᔭᒥᐃᑯᑦ᙮
ᒑᓐ ᒫᑲ ᑮ ᑭᑕᐊᒪᐌᐤ, ᐁ ᐃᑗᑦ, ᑭᓚ ᑭ ᑳ ᓯᑲᐋᑖᐎᑖᔾ, ᓂᓚ ᓈ ᒫᑲ ᑭ ᐯᒋ ᓈᔑᓐ?
ᓀᔥᑕ ᑮ ᐋᔭᒥᐤ ᐁ ᑭᔗᐌᑦ, ᑮ ᐃᑗᐤ ᒫᑲ, ᑭ ᔕᐌᓕᑖᑯᓯᓐ ᐁ ᐃᑕᓯᒋᒃ ᐃᔅᑴᐗᒃ, ᔕᐌᓕᑖᑾᓐ ᒫᑲ ᑭᔅᐹᔮᒃ ᑫ ᐅᒋᐸᓕᒃ᙮
ᐌᓴ, ᒫᑎᑲ, ᐎᐸᒡ ᐁ ᐯᑖᑾᒃ ᑭᑦ ᐊᑕᒥᔅᑳᑫᐎᓐ ᓂᑕᐗᑳᒃ, ᐊᐙᔑᔥ ᑮ ᒀᔅᑯᑎᐤ ᓂᔅᐹᔮᒃ ᐁᔅᐱᒋ ᒥᓚᐙᑕᒃ᙮
ᐌᓴ ᑭᓚᐗᐤ ᐅᒋ ᐊᓄᒡ ᑳ ᑭᔑᑳᒃ ᓂᑖᐎᑭᑦ ᑌᐱᑦ ᐅᑦ ᐃᑖᐎᓂᒃ ᐅᐱᒫᒋᐃᐌᐤ, ᐁᐗᒀᓇ ᙭ ᐅᑎᐯᓕᒋᑫᐤ᙮
ᐁᐗᑯ ᐅᒋ ᓀᔥᑕ ᓇᒪᐎᓚ ᓂ ᐅᒋ ᑌᐸᑫᓕᒥᑎᓱᓐ ᑭᒋ ᓈᑎᑖᓐ: ᒫᑲ ᑌᐱᓛᒃ ᒧᒋ ᐃᑗ, ᐁᑯ ᒫᑲ ᓂᑦ ᐊᕉᔅᑫᓛᑲᓐ ᑫ ᒥᓇᐙᒋᐋᑲᓂᐎᑦ᙮
ᐅᑭᔅᑭᓄᐊᒫᑫᐤ ᓀᔥᑕ ᐅᑭᒪᐤ, ᑭᑦ ᐃᔑᓂᑳᔑᓇᐗᐤ: ᒀᔭᔉ ᒫᑲ ᑭᑦ ᐃᑣᓇᐗᐤ; ᐌᓴ ᓃᑦ ᐋᐐᓐ᙮
ᐁᑯ ᑕᑎᔅ ᓀᔥᑴᐗᔑᐃᐌᑦ ᓀᔥᑕ ᐁᑖᑦ, ᓂ ᑎᐯᓕᒋᑫᒻ ᓀᔥᑕ ᓂ ᑭᒋᒪᓂᑐᒻ᙮
ᐁᑯᔑ ᐁᑳᐎᓚ ᑫᒀᓐ ᑲᑕ ᑐᒋᑳᑌᐤ ᑾᓗᑖᑐᐎᓂᒃ ᓀᔥᑕ ᐸᑾᓐᑕᐤ ᒫᒪᑖᑯᒧᐎᓂᒃ; ᒫᑲ ᑕᐸᑌᓕᒥᑎᓱᐎ ᒥᑐᓀᓕᒋᑲᓂᒃ ᐁᑯᔑ ᒥᓯᐌ ᑲᑕ ᑭᔅᑌᓕᒣᐗᒃ ᑯᑕᑭᔭ ᐊᐙᓯᑌ ᐃᔥᐱᔥ ᐁ ᑭᔅᑌᓕᒥᑎᓱᒋᒃ᙮
ᐁᐁ, ᑭᔅᑎᓈᒃ, ᒥᓯᐌ ᑫᒀᓇ ᐸᑾᓐᑕᐤ ᓂᑦ ᐃᑕᑭᑌᓐ ᐁ ᐃᔑ ᑭᔅᑌᓕᑖᑾᓂᓕᒃ ᐅ ᑭᔅᑫᓕᒥᑯᓯᐎᓐ ᙭ ᒋᓴᔅ ᓂ ᑎᐯᓕᒋᑫᒻ; ᐊᓇ ᒥᓯᐌ ᑫᒀᓇ ᑳ ᑮ ᐅᒋ ᐗᓂᑖᔮᓐ, ᓀᔥᑕ ᑖᐱᔅᑯᒡ ᒥᒋᑾᓛᔕ ᓂᑦ ᐃᑕᑭᑌᓐ, ᑭᒋ ᑲᔥᑭᐊᒃ ᙭,
