30 ᑮ ᐱᑎᑯ ᒫᑲ ᐁᓐᒐᓚ, ᐁᑳᐎᓚ ᓭᑭᓯ, ᒣᕆ: ᐌᓴ ᑭ ᑮ ᔕᐌᓕᒥᒃ ᑭᒋᒪᓂᑐ᙮
ᒫᑲ ᒋᓴᔅ ᑣᔦᒃ ᑮ ᐋᔭᒥᐁᐤ, ᐁ ᐃᑗᑦ, ᑳᔮᒣᓕᑕᒧᒃ; ᓂᓚ ᐅ, ᐁᑳᐎᓚ ᑯᔅᑖᒋᒃ᙮
ᐊᓇ ᐁᓐᒐᓪ ᒫᑲ ᐁ ᓇᔥᑴᐗᔑᐃᐌᑦ ᑮ ᐃᑌᐤ ᐊᓂᐃ ᐃᔅᑴᐗ, ᐁᑳᐎᓚ ᑯᔅᑖᒋᒃ ᑭᓚᐗᐤ: ᐌᓴ ᓂ ᑭᔅᑫᓕᑌᓐ ᐁ ᓈᓇᑕᐙᐸᒣᒃ ᒋᓴᔅ ᑳ ᑮ ᒌᔅᑖᔅᑾᐙᑲᓂᐎᑦ᙮
ᒫᑲ ᑮ ᐃᑎᑯ ᐁᓐᒐᓚ, ᐁᑳᐎᓚ ᓵᓭᑭᓯ, ᓵᑲᕌᔭ: ᐌᓴ ᐱᔑᒋᒋᑳᑌᐤ ᑭᑦ ᐋᔭᒥᐋᐎᓐ; ᑭᐗ ᐃᓕᓴᐱᑦ ᒫᑲ ᑭ ᑳ ᓂᑖᐎᑭᑕᒫᒃ ᑫ ᐅᑯᓯᓯᔭᓐ, ᒑᓐ ᒫᑲ ᑭ ᑳ ᐃᔑᓂᑳᑕᐤ᙮
ᐁᑳᐎᓚ ᓭᑭᓯᒃ, ᐁ ᒐᑲᐙᔑᔑᔦᒃ ᒫᓂᔥᒑᓂᔑᑐᒃ; ᐌᓴ ᑰᑖᐎᐗᐤ ᒥᓜᓕᑕᒻ ᑭᒋ ᒥᓕᑖᒃ ᐊᓂᐁᓕᐤ ᐅᑭᒫᐎᐎᓂᓕᐤ᙮
ᐁ ᐃᑗᑦ, ᐁᑳᐎᓚ ᑯᔅᑖᒋ, ᐹᓪ; ᑭ ᑳ ᐯᔑᑳᐎᓐ ᐁᑖᔅᑕᒪᐱᑦ ᓯᓴᕐ: ᒫᑎᑲ, ᒫᑲ, ᑭᒋᒪᓂᑐ ᑭ ᑮ ᐸᑭᑎᓇᒫᒃ ᒥᓯᐌ ᐊᓂᑭ ᑳ ᐎᒋᐱᒫᔑᒥᔅᑭᒃ᙮
ᑫᒀᓐ ᒫᑲ ᑫ ᐃᑕᒪᒃ ᐅᐅ? ᑮᔥᐱᓐ ᑭᒋᒪᓂᑐ ᐯᓯᑯᔅᑕᒫᑕᑯ, ᐊᐌᓇ ᑫ ᑮ ᓄᑎᓂᑕᒃ?
ᐁᑯᔑ ᒫᑲ ᓱᑫᓕᑕᒧᐎᓂᒃ ᑲᑕ ᐃᑗᐗᒃ, ᐅᑎᐯᓕᒋᑫᐤ ᓂ ᐎᒋᐃᒃ, ᓇᒪᐎᓚ ᒫᑲ ᓂ ᑳ ᑯᔅᑕᒸᓐ ᑫᒀᓕᐤ ᐃᓕᓕᐤ ᑫ ᑐᑕᐎᑴ᙮
