27 ᓇᒪᐎᓚ ᑮ ᓂᓯᑐᑕᒶᒃ ᐁ ᐋᓕᒧᑕᒫᑯᒋᒃ ᐅᑖᐎᒪᐗ᙮
ᓂᑦ ᐋᔮᓐ ᒥᒉᑦ ᑫᒀᓇ ᑭᓚᐗᐤ ᑭᒋ ᐅᒋ ᐃᑗᔮᓐ ᓀᔥᑕ ᑭᒋ ᑎᐹᔅᑯᓂᑫᔮᓐ: ᒫᑲ ᐊᓇ ᑳ ᑮ ᐯᒋᑎᔕᐅᑦ ᑖᐺᐎᓂᐎᐤ; ᓀᔥᑕ ᓂ ᐎᑌᓐ ᐅᑕ ᐊᔅᑮᒃ ᐊᓂᐃ ᑫᒀᓇ ᑳ ᑮ ᐎᑕᒫᐎᑦ᙮
ᐁᑯ ᒋᓴᔅ ᐁᑖᑦ, ᐃᔅᐱ ᑮ ᐅᐱᓀᑴ ᐃᓕᓕᐎᑯᓯᓵᓐ, ᐁᑯ ᑫ ᑭᔅᑫᓕᑕᒣᒃ ᓂᓚ ᐁᐗᑯ ᐁ ᐋᐎᔮᓐ, ᓀᔥᑕ ᐁᑳ ᐁ ᑐᑕᒫᓐ ᑫᒀᓐ ᓂᓚ ᑎᐱᓚᐌ ᓂ ᒥᑐᓀᓕᒋᑲᓂᒃ ᐅᒋ; ᒫᑲ ᐁ ᑮ ᐃᔑ ᑭᔅᑭᓄᐊᒪᐎᑦ ᓄᑖᐎ, ᓂᑦ ᐋᔭᒥᓐ ᐅᐅ ᑫᒀᓇ᙮
ᑖᓀᑭ ᐌᒋ ᐁᑳ ᓂᓯᑐᑕᒣᒃ ᓂᑦ ᐃᑗᐎᓐ? ᐁᑳ ᐁ ᑮ ᓇᑐᑕᒣᒃ ᓂᑦ ᐋᔭᒥᐎᓐ᙮
ᐊᓇ ᑭᒋᒪᓂᑐᒃ ᑳ ᐅᒌᑦ ᐯᑕᒬᐤ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐗ: ᑭᓚᐗᐤ ᒫᑲ ᓇᒪᐎᓚ ᑭ ᐯᑕᒸᓇᐗᐤ ᐁᑳ ᑭᒋᒪᓂᑐᒃ ᐁ ᐅᒋᔦᒃ᙮
