43 ᐁᑯ ᐹᐸᑳᓐ ᐁᑗᒋᒃ ᐃᓕᓕᐗᒃ ᐎᓚ ᐅᒋ᙮
ᐌᓴ ᓂ ᐯᒋ ᐃᑐᑖᓐ ᑭᒋ ᐃᑐᑕᐗᒃ ᐃᓕᓕᐤ ᑭᒋ ᐸᒀᑖᑦ ᐅᑖᐎᔭ, ᓀᔥᑕ ᐅᑖᓂᓯᒪᐤ ᑭᒋ ᐸᒀᑖᑦ ᐅᑳᐎᔭ ᓀᔥᑕ ᐅᓇᐊᑲᓂᔅᑴᒥᒪᐤ ᑭᒋ ᐸᒀᑖᑦ ᐅᓯᑯᓴ᙮
ᐯᒋ ᑕᑯᔑᓐ ᑭᒋ ᐃᑎᔕᐊᒃ ᑳᔮᒣᓕᑕᒧᐎᓂᓕᐤ ᐊᔅᑮᒃ ᑭᑦ ᐃᑌᓕᒥᓇᐗᐤ ᓇ? ᑭ ᐐᑕᒫᑎᓇᐗᐤ, ᓇᒪᐎᓚ; ᒫᑲ ᐹᐱᑐᔥ ᐃᑌᓕᑕᒧᐎᓐ᙮
ᐁᐗᑯ ᐌᒋ ᒥᓇ ᐹᐸᑳᓐ ᐃᑗᒋᒃ ᒎᐗᒃ ᐅᐅ ᐋᔭᒥᐎᓇ ᐅᒋ᙮
ᒥᔅᑕᐃ ᒫᑲ ᑮ ᐋᔭᒥᐃᑐᐗᒃ ᐎᓚ ᐅᒋ: ᐌᓴ ᐋᑎᑦ ᑮ ᐃᑗᐗᒃ, ᒥᓗᑡᐤ: ᑯᑕᑭᔭᒃ ᑮ ᐃᑗᐗᒃ, ᓇᒪᐎᓚ; ᒫᑲ ᐙᔦᔑᐁᐤ ᐃᓕᓕᐗ᙮
ᐁᐗᑯ ᐌᒋ ᐃᑗᒋᒃ ᐋᑎᑦ ᐹᕋᓯᔭᒃ, ᐊᐗ ᐃᓕᓕᐤ ᓇᒪᐎᓚ ᑭᒋᒪᓂᑐᒃ ᐅᒋᐤ, ᐁᑳ ᐁ ᑲᓇᐎᑖᑦ ᐁ ᐋᔭᒥᐁᑭᔑᑳᓕᒃ᙮ ᑯᑕᑫᔭᒃ ᑮ ᐃᑗᐗᒃ, ᑖᓐᑌ ᑫ ᑮ ᐅᒋ ᑐᑕᒃ ᐅᒪ ᑐᐎ ᒫᒪᔅᑳᒋ ᐃᓯᒋᑫᐎᓇ? ᐁᑯ ᐹᐱᑐᔥ ᐁᑌᓕᑕᑭᒃ᙮
ᒫᑲ ᑳ ᒥᒉᑎᒋᒃ ᐃᓕᓕᐗᒃ ᐃᑖᐎᓂᒃ ᑳ ᐃᑖᒋᒃ ᑮ ᓂᔓᑣᑐᐗᒃ; ᐋᑎᑦ ᒫᑲ ᑮ ᐎᒋᐁᐗᒃ ᐊᓂᐃ ᒎᐗ, ᐋᑎᑦ ᓀᔥᑕ ᐊᓂᐃ ᐊᐸᔅᑕᓚ᙮
