ᐅᐸᓓᑭᔅ ᒑᓐ 5:4 - ᐅᔅᑭ ᑎᔅᑌᒥᓐᑦ

⁴ ᐌᓴ ᐁᓐᒐᓪ ᐋᔅᑲᐤ ᑮ ᐃᑐᑌᐤ ᓵᑲᐃᑲᓂᔑᒃ, ᓀᔥᑕ ᑮ ᐋᑕᑳᒪᐊᒻ ᓂᐱᓕᐤ: ᐊᓇ ᐊᐌᓇ ᒫᑲ ᓃᔥᑕᒻ ᑳ ᐸᑯᐯᑦ ᑳ ᐋᑕᑲᒪᐃᑳᑌᓕᒃ ᓂᐱᓕᐤ, ᑮ ᒥᓇᐙᒋᐋᑲᓂᐎᐤ ᐱᑯ ᐊᓂᐁᓕᐤ ᐋᑯᓯᐎᓂᓕᐤ ᑳ ᐋᔮᑦ᙮

ᐅᐸᓓᑭᔅ ᒑᓐ 5:4 Iomraidhean Croise

ᐅᐸᓓᑭᔅ ᒫᑎᐤ 11:12

ᐊᔅᐱᓐ ᒫᑲ ᑳ ᐯᒋ ᐅ ᑭᔑᑳᒥᑦ ᒑᓐ ᐅᓯᑲᐋᑖᑫᐤ ᐱᓕᔥ ᐊᓄᒡ, ᑭᒋᑭᔑᑳᐎ ᐅᑭᒫᐎᐎᓐ ᐎᓴᓶᓕᒧᑐᑖᑲᓂᐗᓐ, ᑳ ᐊᒀᑎᓯᒋᒃ ᒫᑲ ᒪᔅᑲᑗᐗᒃ᙮

ᐅᐸᓓᑭᔅ ᒫᑎᐤ 6:33

ᓃᔥᑕᒻ ᒫᑲ ᓈᓇᑕᐌᓕᑕᒸᒃ ᑭᒋᒪᓂᑐ ᐅᑦ ᐅᑭᒫᐎᐎᓐ, ᓀᔥᑕ ᐅ ᒀᔭᔅᑭᑖᑎᓯᐎᓐ; ᒥᓯᐌ ᐅᐅ ᑫᒀᓇ ᒫᑲ ᑭ ᑳ ᐊᓯᒋ ᒥᓕᑲᐎᓇᐗᐤ᙮

ᐅᐸᓓᑭᔅ ᓘᒃ 13:24

ᑯᒋ ᐱᑐᑫᒃ ᑳ ᔖᑲᐙᒃ ᐃᔥᒀᑌᒻ; ᐌᓴ ᒥᒉᑦ, ᑭᑦ ᐃᑎᓇᐗᐤ, ᑲᑕ ᐎ ᐱᑐᑫᐗᒃ ᓇᒪᐎᓚ ᒫᑲ ᑲᑕ ᑮ ᑐᑕᒶᒃ᙮

ᐅᐸᓓᑭᔅ ᓘᒃ 16:16

ᐅᓚᔓᐌᐎᓐ ᓀᔥᑕ ᐅᑭᔅᑭᐙᐃᑫᐗᒃ ᑮ ᐃᑖᐗᒃ ᐱᓕᔥ ᒑᓐ: ᐊᔅᐱᓐ ᐁᑯᔅᐱ ᒫᑲ ᑭᒋᒪᓂᑐ ᐅᑦ ᐅᑭᒫᐎᐎᓐ ᐙᐎᒋᑳᑌᓕᐤ, ᒥᓯᐌ ᑕᑐ ᐊᐌᓇ ᒫᑲ ᐎᑳ ᑲᑴ ᐱᑐᑫᐤ᙮

ᐅᐸᓓᑭᔅ ᒑᓐ 5:3

ᐱᒋ ᐅᐅ ᑮ ᐱᒥᔑᓋᒃ ᒥᒉᑦ ᐁ ᐋᑯᓯᒋᒃ, ᐁᑳ ᐁ ᐙᐱᒋᒃ, ᐁᑳ ᐁ ᓂᑖᐅᑌᒋᒃ, ᐁ ᓂᐳᐎᓈᑯᓯᒋᒃ, ᐁ ᐯᑖᒋᒃ ᑭᒋ ᐋᑕᑲᒪᐃᑳᑌᓕᒃ ᓂᐱᓕᐤ᙮

ᐅᐸᓓᑭᔅ ᒑᓐ 5:5

ᐊᓐᑕ ᒫᑲ ᑮ ᐃᑖᐤ ᐯᔭᒃ ᐃᓕᓕᐤ, ᐁ ᑮ ᐋᑯᓯᑦ ᓂᔅᑐᒥᑕᓇᐤ ᔭᓇᓀᐅᔖᑉ ᐱᐴᓋ᙮

ᐅᐸᓓᑭᔅ ᒑᓐ 5:7

ᑮ ᓇᔥᑴᐗᔑᐃᑯ ᒫᑲ ᑳ ᐋᑯᓯᓕᒋ ᐃᓕᓕᐗ, ᐅᑭᒪᐤ, ᓇᒪᐎᓚ ᓂᑦ ᐋᔭᐗᐤ ᐊᐌᓇ ᑭᒋ ᑭᑖᓂᑦ ᓵᑲᐃᑲᓂᔑᒃ ᐃᔅᐱ ᐃᐋᑕᑲᒪᐃᑲᑌᒃ ᓂᐱ; ᒫᑲ ᒣᒀᒡ ᐁ ᐯᒋ ᐃᑐᑌᔮᓐ, ᑯᑕᒃ ᐸᑯᐯᐤ ᐸᒧᔑ ᓂᓚ᙮

ᓂᔥᑕᒻ ᑯᕆᓐᑎᐊᓇ 6:11

ᐁᑯ ᓀᔥᑕ ᑳ ᑮ ᐃᔑᓈᑯᓯᔦᒃ ᐋᑎᑦ ᐁ ᐃᑕᔑᔦᒃ: ᒫᑲ ᑭ ᑮ ᑭᒋᔅᑖᐸᐗᓕᑲᐎᓇᐗᐤ, ᒫᑲ ᑭ ᑮ ᐸᓓᑭᐃᑲᐎᓇᐗᐤ, ᒫᑲ ᑭ ᑮ ᒀᔭᔅᑭᑖᑎᓯᐃᑲᐎᓇᐗᐤ ᐅᑦ ᐃᔑᓂᑳᓱᐎᓂᒃ ᐅᑎᐯᓕᒋᑫᐤ ᒋᓴᔅ, ᓀᔥᑕ ᐅᑦ ᐊᒑᑾ ᑭ ᑭᒋᒪᓂᑐᒥᓇᐤ᙮

ᓂᔥᑕᒻ ᒑᓐ 1:7

ᒫᑲ ᑮᔥᐱᓐ ᐱᒧᑖᑕᒪᒃ ᐙᔅᑌᐎᓐ, ᑖᐱᔅᑯᒡ ᐁ ᐃᔑ ᐃᑖᑦ ᐙᔅᑌᐎᓂᒃ, ᑭᑦ ᐅᑐᑌᒥᒥᑐᓈᓇᐤ, ᓀᔥᑕ ᐅᑯᓯᓴ ᒋᓴᔅ ᙭ ᐅᒥᑯᒻ ᑭ ᐸᔦᑭᐃᑯᐙᓈᓇᐤ ᒥᓯᐌ ᒪᒋᑣᐎᓂᒃ ᐅᒋ᙮