3 ᑮ ᓇᑲᑕᒻ ᒎᑎᐊᐃᓕᐤ, ᓀᔥᑕ ᐁ ᑭᑐᑌᑦ, ᒥᓇ ᑮ ᐃᑐᑌᐤ ᑳᓖᓖᒃ᙮
ᒫᑲ ᐃᔅᐱ ᑲᒀᑕᑭᐃᑕᑾᐌ ᐯᔭᒃ ᐃᑖᐎᓂᒃ, ᑯᑕᒃ ᓈᒋᑎᔑᒧᔅᑕᒧᒃ; ᐌᓴ ᑖᐺ ᑭᑦ ᐃᑎᓇᐗᐤ, ᓇᒪᐎᓚ ᑭ ᑳ ᐅᒋ ᐊᑭᓀᔥᑫᓇᐗᐤ ᒥᓯᐌ ᐃᑖᐎᓇ ᐃᔅᕃᐃᓕᒃ, ᐃᓕᑯᒃ ᑫ ᐯᒋ ᑕᑯᔑᒃ ᐃᓕᓕᐎᑯᓯᓵᓐ᙮
ᒫᑲ, ᒋᓴᔅ ᐊᓯᒋ ᐅ ᑭᔅᑭᓄᐊᒪᐙᑲᓇ ᑭᒋᑲᒦᒃ ᐃᔑ ᑮ ᐃᑐᑌᐗᒃ: ᓈᔅᐱᒡ ᒥᔮᒪᐎᒥᒉᑎᓕᒋ ᐃᓕᓕᐗ ᒫᑲ ᑮ ᓄᔅᐱᓇᑎᑯ ᑳᓕᓕᒃ ᐅᒋ ᓀᔥᑕ ᒎᑎᐊᐃᒃ ᐅᒋ,
ᑮ ᐃᑭᓐ ᒫᑲ ᐁ ᐊᑎ ᐃᑐᑌᑦ ᒋᕉᓴᓚᒥᒃ, ᑮ ᔖᐳᑕᐌᔥᑲᒻ ᑌᑖᐎᒡ ᓴᒣᕆᐊ ᓀᔥᑕ ᑳᓕᓕ᙮
ᐎᐋᐸᓂᓕᒃ ᒋᓴᔅ ᐎ ᐃᑐᑌᐤ ᑳᓕᓖᒃ, ᒥᔅᑲᐌᐤ ᒫᑲ ᐱᓕᐸ, ᐃᑌᐤ ᒫᑲ, ᓄᔅᐱᓇᔑᓐ᙮
ᒥᓇ ᓀᔥᑕ ᑮ ᐃᑐᑌᐤ ᐊᑳᒥᒃ ᒐᕐᑕᓂᒃ, ᐃᑕ ᒑᓐ ᓃᔥᑕᒻ ᑳ ᑮ ᓯᑲᐋᑖᑫᑦ; ᐁᑯᑕ ᒫᑲ ᑌᔑᑫᑦ᙮
ᐁᐗᑯ ᐌᒋ ᒋᓴᔅ ᓇᒪᐎᓚ ᑫᔮᐸᒡ ᐅᒋ ᒧᔑᔐ ᐱᒧᑌᐤ ᒎᐗ ᐃᑕ ᐁ ᐃᑖᓕᒋ; ᒫᑲ ᐊᓐᑕ ᑮ ᐅᒋ ᑭᑐᑌᐤ ᐁ ᐃᑐᑌᑦ ᐊᔅᑮᒃ ᑭᔑᐙᒃ ᐸᑾᑕᔅᑲᒥᑳᒃ, ᐃᑖᐎᓂᒃ ᐃᑉᕃᐃᒻ ᐁ ᐃᔑᓂᑳᑌᒃ, ᐁᑯᑕ ᒫᑲ ᑌᔑᑫᑦ ᐊᓯᒋ ᐅ ᑭᔅᑭᓄᐊᒪᐙᑲᓇ᙮
ᐁᐗᑯ ᐅᒪ ᐁ ᑮ ᒫᒋ ᒫᒪᑖᐎᐃᔑᒋᑫᑦ ᒋᓴᔅ ᑫᓇᐃᒃ ᑳᓕᓖᒃ, ᓀᔥᑕ ᑮ ᐙᐸᑎᓕᐌᐤ ᐅ ᑭᔅᑌᓕᑖᑯᓯᐎᓐ; ᑮ ᑖᐺᔦᓕᒥᑯ ᒫᑲ ᐅ ᑭᔅᑭᓄᐊᒪᐙᑲᓇ᙮
ᑳ ᐳᓂᐸᓕᑭ ᐅᐅ ᒋᓴᔅ ᑮ ᐯᒋ ᐃᑐᑌᐤ ᓀᔥᑕ ᐅ ᑭᔅᑭᓄᐊᒪᐙᑲᓇ ᒎᑎᐊ ᐊᔅᑮᒃ; ᐁᑯᑕ ᒫᑲ ᐙᒋᑕᔑᑫᒫᑦ, ᓀᔥᑕ ᓯᐃᑲᐋᑖᑫᑦ᙮
ᐊᓂᐁᓕᐤ ᒫᑲ ᑳ ᑮ ᐙᐸᑕᒃ ᓀᔥᑕ ᑳ ᑮ ᐯᑕᒃ ᐁᐗᑴᓕᐤ ᑳ ᑎᐹᑐᑕᒃ; ᓇᒪᐎᓚ ᐊᐌᓇ ᒫᑲ ᐅᑎᓇᒬᐤ ᐅ ᑎᐹᒋᒧᐎᓂᓕᐤ᙮
ᐃᔅᐱ ᐱᐁᑕᒃ ᒋᓴᓴ ᐁ ᑮ ᐯᒋ ᐃᑐᑌᓕᒋ ᑳᓕᓖᒃ ᒎᑎᐊᐃᒃ ᐅᒋ, ᑮ ᓈᑌᐤ, ᓀᔥᑕ ᑮ ᓇᑐᑕᒪᐌᐤ ᑭᒋ ᐯᒋ ᒥᓂᐙᒋᐋᓕᒋ ᐅᑯᓯᓴ: ᐌᓴ ᑫᑳᑦ ᑮ ᓂᐱᓕᐗ᙮
ᑳ ᐳᓂᐸᓕᑭ ᐅᐅ ᒋᓴᔅ ᑮ ᐸᐸᒧᑌᐤ ᑳᓕᓕᒃ: ᐌᓴ ᓇᒪᐎᓚ ᑮ ᐎ ᐸᐹᒧᑌᐤ ᒎᕆᐃᒃ, ᐁ ᐎ ᓂᐹᔨᑯᑦ ᒎᐗ᙮
