7 ᐁᑳᐎᓚ ᒫᒪᔅᑳᑕ ᐁ ᑮ ᐃᑎᑖᓐ ᒥᓇ ᐁ ᓇᑕᐌᓕᑖᑯᓯᔦᒃ ᑭᒋ ᓂᑖᐎᑭᔦᒃ᙮
ᑮᔥᐱᓐ ᐁ ᐎᑕᒫᑕᑾᒃ ᐊᔅᑭᐎ ᑫᒀᓇ, ᐁᑳ ᒫᑲ ᐁ ᑖᐺᑕᒣᒃ, ᑖᓐᑌ ᑫ ᑭ ᐃᔑ ᑖᐺᑕᒣᒃ ᑮᔥᐱᓐ ᐎᑕᒫᑕᑾᑫ ᑭᒋᑭᔑᑳᐎ ᑫᒀᓇ?
ᒋᓴᔅ ᐁ ᓇᔥᑴᐗᔑᐃᐌᑦ, ᑮ ᐃᑌᐤ, ᑖᐺ, ᑖᐺ, ᑭᑦ ᐃᑎᓐ, ᑮᔥᐱᓐ ᐃᓕᓕᐤ ᐁᑳ ᒥᓇ ᓂᑖᐎᑭᑌ, ᓇᒪᐎᓚ ᑲᑕ ᑮ ᐙᐸᑕᒬᐤ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᐤ᙮
ᐊᓂᒪ ᐎᔮᓯᒃ ᑳ ᐅᒋ ᓂᑖᐎᑭᒪᑲᒃ ᐎᔮᓯᐗᓐ; ᓀᔥᑕ ᐊᓂᒪ ᐊᒑᑯᒃ ᑳ ᐅᒋ ᓂᑖᐎᑭᒪᑲᒃ ᐊᒑᑯᐗᓐ᙮
ᐙ ᐃᔑᓚᐌᑭ ᐁᑯᑕ ᐁᔑᓚᐌᒃ, ᑭ ᐯᑌᓐ ᒫᑲ ᐁ ᐱᒬᐌᔅᑎᒃ, ᒫᑲ ᓇᒪᐎᓚ ᑭ ᑭᔅᑫᓕᑌᓐ ᑖᓐᑌ ᐌᒋᐸᓕᒃ, ᓀᔥᑕ ᑖᓐᑌ ᐁᔅᐸᓕᒃ: ᐁᑯ ᑖᐱᔅᑯᒡ ᐁᑎᑦ ᒥᓯᐌ ᑕᑐ ᐊᐌᓇ ᐊᒑᑯᒃ ᑳ ᐅᒋ ᓂᑖᐎᑭᑦ᙮
ᐁᑳᐎᓚ ᒫᒪᔅᑳᑕᒧᒃ ᐅᒪ: ᐌᓴ ᐹᐸᓕᐤ ᑎᐹᔨᑲᓐ ᐱᓯᒧᑳᓂᒃ ᐃᔅᐱ ᒥᓯᐌ ᐊᓂᑭ ᓕᑾᐊᔅᑳᓂᒃ ᑳ ᐃᑖᒋᒃ ᑫ ᐯᑕᒸᒋᒃ ᐅ ᐯᑖᑯᓯᐎᓂᓕᐤ,
ᐁ ᓇᓈᔅᑯᒣᒃ ᐌᐅᑖᐎᒪᐎᑦ, ᑳ ᑮ ᑐᑖᑕᒃ ᑭᒋ ᐊᓯᒋ ᐋᔮᔭᒃ ᐊᓂᒪ ᑎᐱᓚᐌᐎᓯᐎᓐ ᑳ ᐋᔮᒋᒃ ᐅᐸᓓᑭᓴᒃ ᐙᓭᔮᓯᐎᓂᒃ:
ᑳᔮᒣᐎᓰᔅᑖᑯᒃ ᒥᓯᐌ ᐃᓕᓕᐗᒃ, ᓀᔥᑕ ᓄᔅᐱᓈᑕᒧᒃ ᐸᓓᑭᓯᐎᓐ, ᐊᓂᐁᓕᐤ ᐁᑳ ᐁ ᐋᔮᑦ, ᓇᒪᐎᓚ ᐊᐌᓇ ᐃᓕᓕᐤ ᑲᑕ ᐙᐸᒣᐤ ᐅᑎᐯᓕᒋᑫᐗ:
ᐁ ᓄᑾᒃ ᐁ ᑮ ᐹᔦᑭᐁᑾᒃ ᑭᑦ ᐊᒑᑯᐙᐗ, ᐊᒑᒃ ᐅᒋ ᐁ ᑮ ᓇᓇᐃᑕᒣᒃ ᑖᐺᐎᓐ, ᑭᒋ ᑖᐺ ᓵᑭᐁᑾᒃ ᐎᒋᔖᓂᒪᐗᒃ, ᐸᓓᑭ ᒥᑌᐃᒃ ᐌᐌᓕᑦ ᓵᑭᐃᑐᒃ:
ᓇᒪᐎᓚ ᒥᑐᓂ ᒫᑲ ᐊᓐᑕ ᑲᑕ ᐱᑐᑫᒪᑲᓐ ᑫᒀᓇ ᑳ ᐎᓂᐃᐌᒪᑲᒃ, ᓇᒪ ᓀᔥᑕ ᑫᒀᓐ ᑳ ᓂᐹᓯᓈᑯᐃᐌᒪᑲᒃ, ᓀᔥᑕ ᐱᑯ ᑳ ᑭᓛᔅᑭᒪᑲᒃ; ᐊᓂᑭ ᐱᑯ ᑳ ᒪᓯᓇᐃᑳᓱᒋᒃ ᒫᓂᔥᒑᓂᔑᔥ ᐅ ᐱᒫᑎᓯᐎᓂ ᒫᓯᓇᐃᑲᓂᒃ᙮
