30 ᐎᓚ ᔮᓕᑌᓪ ᑲᑕ ᐊᑎ ᑭᔅᑌᓕᑖᑯᓯᐤ, ᓂᓚ ᒫᑲ ᓂ ᑳ ᐊᑎ ᐋᐱᔅᑌᓕᑖᑯᓯᓐ᙮
ᐊᓇ ᑳ ᐋᔭᐙᑦ ᐅᔥᑭᔅᑴᐙᓇ, ᐁᐗᑯ ᐅᔥᑭᔅᑴᐌᐤ: ᒫᑲ ᐅᔥᑭᔅᑴᐌᐤ ᐅᑐᑌᒪ ᑳ ᓂᐸᐎᓕᒋ ᓀᔥᑕ ᑳ ᐯᑖᑯᑦ, ᓈᔅᐱᒡ ᒥᓜᓕᑕᒥᓕᐗ ᐁ ᐯᑕᐙᓕᒋ ᐅᔥᑭᔅᑴᐌᐗ: ᐁᐗᑯ ᐅᒪ ᒫᑲ ᓂ ᒥᓚᐙᑕᒧᐎᓐ ᑎᐱᐸᓕᐤ᙮
ᐊᓇ ᐃᔥᐱᒥᒃ ᑳ ᐅᒌᑦ ᐊᐙᓯᑌ ᐃᔅᐯᓕᑖᑯᓯᐤ ᐃᔥᐱᔥ ᒥᓯᐌ: ᐊᓇ ᐊᔅᑮᒃ ᑳ ᐅᒌᑦ, ᐊᔅᑭᐎ ᐃᑖᑎᓯᐤ, ᓀᔥᑕ ᐊᔅᑭᓕᐤ ᐋᓕᒧᑕᒻ: ᐊᓇ ᑭᒋᑭᔑᑯᒃ ᑳ ᐅᒌᑦ ᐊᐙᓯᑌ ᐃᔅᐯᓕᑖᑯᓯᐤ ᐃᔥᐱᔥ ᒥᓯᐌ᙮
ᐊᐌᓇ ᒫᑲ ᐹᓪ, ᐊᐌᓇ ᒫᑲ ᐊᐸᓚᔅ, ᐱᑯ ᐋᔭᒥᐋᐎ ᐊᑑᔅᑫᓛᑲᓇᒃ ᑳ ᑮ ᐅᒋ ᑖᐺᔦᓕᑕᒣᒃ, ᐱᑯ ᑳ ᐃᔑ ᒥᓛᑦ ᐅᑎᐯᓕᒋᑫᐤ ᒥᓯᐌ ᑕᑐ ᐃᓕᓕᐗ?
ᐎᓚ ᒫᑲ ᐁᐗᒀᓇ ᑳ ᑎᐯᓕᑕᒃ ᒥᔭᐎᓕᐤ, ᒫᒪᐎᐋᔮᒥᐊᐗ ᐅᑎ: ᐁᐗᑯ ᓃᔥᑕᒻ ᑳ ᑮ ᐃᑖᑦ, ᑳ ᓃᔥᑕᒧᔖᓂᐎᑦ ᐅᓂᐱᐗ ᐅᒋ: ᒥᓯᐌ ᐃᔑ ᑭᒋ ᒪᐗᒋ ᑭᔅᑌᓕᑖᑯᓯᑦ᙮
ᐊᓇ ᓂᔂᔅ ᐁᓐᒐᓪ ᒫᑲ ᑮ ᑭᑐᑕᐤ: ᑮ ᐃᑕᑾᓋ ᒫᑲ ᑭᒋ ᐯᑖᑯᓯᐎᓇ ᑭᒋᑭᔑᑯᒃ, ᐁ ᐃᑗᒪᑲᑭ, ᐊᓂᐃ ᐅᑭᒪᐎᐎᓇ ᐅᑕ ᐊᔅᑮᒃ ᑳ ᐃᑕᑾᑭ ᐋᔕᔾ ᑎᐯᓕᑕᒻ ᑭ ᑎᐯᓕᒋᑫᒥᓇᐤ, ᓀᔥᑕ ᐅ ᙭ᑎᒪ; ᑲᑕ ᑎᐯᓕᒋᑫᐤ ᒫᑲ ᑳᑭᑫ ᓀᔥᑕ ᑳᑭᑫ᙮
