16 ᐃᑎᑯ ᒋᓴᓴ, ᒣᕆ᙮ ᑮ ᑴᔅᑭᑳᐸᐎᐤ, ᓀᔥᑕ ᐃᑌᐤ, ᕌᐳᓈᔾ; ᑳ ᐃᑗᒪᑲᒃ, ᑫᔅᑭᓄᐊᒫᑫᔭᓐ᙮
ᒫᑲ ᒋᓴᔅ ᑣᔦᒃ ᑮ ᐋᔭᒥᐁᐤ, ᐁ ᐃᑗᑦ, ᑳᔮᒣᓕᑕᒧᒃ; ᓂᓚ ᐅ, ᐁᑳᐎᓚ ᑯᔅᑖᒋᒃ᙮
ᒋᓴᔅ ᒫᑲ ᐁ ᓇᔥᑴᐗᔑᐋᑦ, ᑮ ᐃᑌᐤ, ᑫᒀᓐ ᓀᑕᐌᓕᒥᔭᓐ ᑭᒋ ᑐᑖᑖᓐ? ᐁᑳ ᑳ ᐙᐱᑦ ᐃᓕᓕᐤ ᑮ ᐃᑌᐤ, ᑌᐯᓕᒋᑫᔭᓐ, ᑭᒋ ᐙᐱᔮᓐ᙮
ᒋᓴᔅ ᒫᑲ ᐁ ᓇᔥᑴᐗᔑᐋᑦ ᑮ ᐃᑌᐤ, ᒫᕐᑕ, ᒫᕐᑕ, ᑭᑦ ᐊᓕᒥᐃᑎᓱᓐ ᓀᔥᑕ ᑭᑦ ᐋᓕᒣᓕᑕᒥᐃᑯᓐ ᒥᒉᑦ ᑫᒀᓇ;
ᐁᑯ ᒋᓴᔅ ᑶᐁᔅᑭᑳᐸᐎᑦ, ᓀᔥᑕ ᑮ ᐙᐸᒣᐤ ᐁ ᓄᔅᐱᓇᔑᐌᓕᒋ, ᐃᑌᐤ ᒫᑲ, ᑫᒀᓐ ᓂᐋᓇᑕᐌᓕᑕᒣᒃ? ᑮ ᐃᑌᐗᒃ ᒫᑲ, ᕌᐸᐃ, (ᑳ ᐃᑗᒪᑲᒃ ᐁ ᐃᑗᔅᒋᑳᑌᒃ, ᑫᔅᑭᓄᐊᒫᑫᔭᓐ,) ᑖᓐᑌ ᐙᑭᔭᓐ?
ᓇᑕᓂᔭᓪ ᐁ ᓇᔥᑴᐗᔑᐋᑦ, ᐃᑌᐤ, ᕌᐸᐃ, ᑭᓚ ᑭᑦ ᐅᑯᓯᓯᒥᒃ ᑭᒋᒪᓂᑐ; ᑭᓚ ᐃᔅᕃᐃᓪ ᐅ ᑭᒋᐅᑭᒫᒪ᙮
ᐁᐗᑯ ᐃᐋᐸᐊᒫᑯᑦ ᐅᑲᓇᐎᔅᒀᑕᐎᐗ; ᓀᔥᑕ ᒫᓂᔥᒑᓂᔕ ᓇᑐᑕᒥᓕᐗ ᐅ ᐯᑖᑯᓯᐃᓐ: ᓀᔥᑕ ᓇᑐᒣᐤ ᐎᓚ ᑎᐱᓚᐌ ᐅ ᒫᓂᔥᒑᓂᔑᒪ ᐁ ᐎᓛᑦ, ᓀᔥᑕ ᐗᓚᐎᑭᔅᑭᓄᑕᐁᐤ᙮
ᐃᔅᐱ ᒫᑲ ᐅᒣᓕᐤ ᑳ ᐃᑗᑦ, ᑮ ᑭᑐᑌᐤ, ᓀᔥᑕ ᑭᒧᒡ ᑮ ᓇᑐᒣᐤ ᐎᒋᔕᓂᔅᑴᒪ ᒣᕆᔭ, ᐁ ᐃᑗᑦ, ᐅᑭᒪᐤ ᑕᑯᔑᓐ, ᓀᔥᑕ ᑭ ᓇᑐᒥᒃ᙮
ᐅᑭᔅᑭᓄᐊᒫᑫᐤ ᓀᔥᑕ ᐅᑭᒪᐤ, ᑭᑦ ᐃᔑᓂᑳᔑᓇᐗᐤ: ᒀᔭᔉ ᒫᑲ ᑭᑦ ᐃᑣᓇᐗᐤ; ᐌᓴ ᓃᑦ ᐋᐐᓐ᙮
ᐁᑯ ᑕᑎᔅ ᓀᔥᑴᐗᔑᐃᐌᑦ ᓀᔥᑕ ᐁᑖᑦ, ᓂ ᑎᐯᓕᒋᑫᒻ ᓀᔥᑕ ᓂ ᑭᒋᒪᓂᑐᒻ᙮
ᐁᐗᑯ ᐊᐗ ᑮ ᐯᒋᓈᑌᐤ ᒋᓴᓴ ᓂᐹᑎᐱᔉ, ᑮ ᐃᑌᐤ ᒫᑲ, ᕌᐸᐃ, ᓂ ᑭᔅᑫᓕᑌᓈᓐ ᐁ ᐅᑭᔅᑭᓄᐊᒫᑫᔭᓐ ᑭᒋᒪᓂᑐᒃ ᐁ ᐯᒋ ᐅᒋᔭᓐ; ᐌᓴ ᓇᒪᐎᓚ ᐊᐌᓇ ᑮ ᑐᑕᒻ ᐅᐅ ᒫᒪᑖᐎ ᐃᓯᒋᑫᐎᓇ ᑭᓚ ᑳ ᑐᑕᒪᓐ, ᑮᔥᐱᓐ ᐁᑳ ᐎᒋᐃᑯᑦ ᑭᒋᒪᓂᑐᐗ᙮
ᒋᕉᓴᓚᒥᒃ ᒫᑲ ᐃᑕᑾᓐ ᓵᑲᐃᑲᓂᔥ ᑭᔑᐙᒃ ᒫᓂᔥᒑᓂᔕᒃ ᐅᑦ ᐃᔥᒀᑌᒥᐙᒃ, ᐦᐃᑉᕉ ᐃᔑᑭᔗᐎᓂᒃ ᐯᑌᔅᑕ ᑳ ᐃᔑᓂᑳᑌᒃ, ᓂᔮᓚᓪ ᐱᔅᑭᑣᔅᑳᐃᑲᓂᔕ ᐁᑯᑕ ᐁ ᐃᑕᑾᑭ᙮
ᐃᔅᐱ ᒫᑲ ᑳ ᒥᔅᑲᐙᒋᒃ ᑴᔅᑲᑳᒻ ᐎᓂᐯᑯᒃ, ᑮ ᐃᑌᐗᒃ, ᕌᐸᐃ, ᑖᓂᔅᐱ ᐅᑕ ᑳ ᐯᒋ ᐃᑐᑌᔭᓐ?
ᑮ ᐙᐸᒣᐤ ᐸᐙᒧᐎᓂᒃ ᓈᓐᑕᐤ ᔖᑭᑖᑦ ᑎᐸᐃᑲᓐ ᐱᓯᒧᑳᓂᒃ ᐁ ᑭᔑᑳᓕᐤ ᐯᔭᒃ ᑭᒋᒪᓂᑐ ᐅᑦ ᐁᓐᒐᓕᒪ ᐁ ᐯᒋ ᐱᑐᑳᑯᑦ, ᓀᔥᑕ ᐁ ᐃᑎᑯᑦ, ᑲᕐᓂᓕᔭᔅ᙮
ᑮ ᐸᑭᔑᓐ ᒫᑲ ᒣᔅᑕᔅᑲᒥᒃ, ᓀᔥᑕ ᑮ ᐯᑕᒻ ᐯᑖᑯᓯᐎᓂᓕᐤ ᐅᒪ ᐁ ᐃᑎᑯᑦ, ᓵᓪ, ᓵᓪ, ᑖᓀᑭ ᐌᒋ ᑲᒀᑕᑭᐃᔭᓐ?