14 ᑭᑦ ᐅᑐᑌᒥᒥᑎᓇᐗᐤ ᑮᔥᐱᓐ ᑐᑕᒧᑴ ᒥᓯᐌ ᑫᒀᓐ ᑳ ᐃᑕᔓᐙᑎᑕᑾᒃ
ᐌᓴ ᐊᐌᓇ ᑫ ᑐᑕᒧᑴ ᐅᑦ ᐃᑌᓕᑕᒧᐎᓂᓕᐤ ᓄᑖᐎᔭ ᑭᒋᑭᔑᑯᒃ ᑳ ᐃᑖᓕᒋ, ᐁᐗᒀᓇ ᓂᒋᔖᓐ, ᓀᔥᑕ ᓂᒋᔖᓂᔅᑴᒻ ᓀᔥᑕ ᓂᑳᐎ᙮
ᑭᑦ ᐃᑎᓇᐗᐤ ᒫᑲ, ᓂᑐᑌᒥᑐᒃ, ᐁᑳᐎᓚ ᑯᔅᑎᑯᒃ ᐊᓂᑭ ᑳ ᓂᐸᑖᒋᒃ ᒥᔭᐎᓕᐤ, ᐹᑎᒫ ᐊᓂᐁᓕᐤ ᒫᑲ ᐁᑳ ᑳ ᐋᔮᒋᒃ ᑫᒀᓕᐤ ᑫ ᑮ ᑐᑕᑭᒃ᙮
ᑮᔥᐱᓐ ᑫᔅᑫᓕᑕᒧᐌᑴ ᐅᐅ ᑫᒀᓇ, ᑭ ᒥᓜᓕᒧᓇᐗᐤ ᑮᔥᐱᓐ ᐁᑐᑕᒧᐌᑴ᙮
ᑮᔥᐃᓐ ᓯᐋᑭᐃᐌᑴ, ᑲᓇᐎᑖᒃ ᓂ ᑲᑫᔅᑴᐎᓇ᙮
ᐊᓇ ᑳ ᐋᔭᑦ ᓂ ᑲᑫᔅᑴᐎᓇ, ᓀᔥᑕ ᑳ ᑲᓇᐎᑖᑦ ᐁᐗᒀᓇ ᑳ ᓴᑭᐃᑦ: ᐊᓇ ᓀᔥᑕ ᑳ ᓵᑭᐃᑦ ᑲᑕ ᓵᑭᐃᑯ ᓄᑖᐎᔭ, ᓀᔥᑕ ᓂᓚ ᓂ ᑳ ᓵᑭᐊᐤ, ᓂ ᑳ ᓄᑯᓰᔅᑕᐗᐤ ᒫᑲ᙮
ᑭ ᑮ ᐯᑌᓇᐗᐤ ᑳ ᑮ ᐃᑎᑕᑾᒃ, ᓂ ᑭᑐᑖᓐ, ᓀᔥᑕ ᒥᓇ ᑭ ᑳ ᐯᒋ ᓈᑎᑎᓇᐗᐤ᙮ ᑮᔥᐱᓐ ᑮ ᓵᑭᐃᔦᒃ, ᑭ ᑳ ᒧᒋᑫᓕᑌᑕᐗᐤ, ᐁ ᑮ ᐃᑗᔮᓐ, ᓂ ᓈᑕᐤ ᐅᑖᐎᒪᐤ: ᐌᓴ ᓄᑖᐎ ᐊᐙᓯᑌ ᑭᔅᑌᓕᑖᑯᓯᐤ ᐃᔥᐱᔥ ᓂᓚ᙮
ᐅᑳᐎᔭ ᐃᑌᓕᐗ ᐊᑑᔅᑫᓛᑲᓇ, ᐱᑯ ᑫᒀᓕᐤ ᑫ ᐃᑎᑖᑴ, ᐁᐗᑯ ᐃᑐᑕᒧᒃ᙮
ᐊᓂᒪ ᒪᓯᓇᐃᑫᐎᓐ ᒫᑲ ᑮ ᑎᐱᐸᓕᐤ ᑳ ᐃᑗᒪᑲᒃ, ᐁᑉᕃᐋᒻ ᑮ ᑖᐺᔦᓕᒣᐤ ᑭᒋᒪᓂᑐᐗ, ᓀᔥᑕ ᒀᔭᔅᑭᑖᑎᓯᐎᓐ ᑮ ᐃᔑ ᐃᑕᑭᑕᒪᐗᐤ: ᑭᒋᒪᓂᑐ ᐅᑐᑌᒪ ᒫᑲ ᑮ ᐃᔑᓂᑳᑕᐤ᙮
ᐌᓴ ᐁᐗᑯ ᐅᒪ ᑭᒋᒪᓂᑐ ᐅ ᓵᑭᐃᑯᓯᐎᓐ, ᑭᒋ ᑲᓇᐌᓕᑕᒶᒃ ᐅ ᑲᑫᔅᑴᐎᓇ: ᐅ ᑲᑫᔅᑴᐎᓇ ᒫᑲ ᓇᒪᐎᓚ ᐋᓕᒪᓂᓕᐗ᙮
