ᐅᐸᓓᑭᔅ ᒑᓐ 15:11 - ᐅᔅᑭ ᑎᔅᑌᒥᓐᑦ

¹¹ ᐅᐅ ᑫᒀᓇ ᑭ ᑮ ᐎᑕᒫᑎᓇᐗᐤ, ᓂ ᒥᓚᐙᑕᒧᐎᓐ ᑭᒋ ᐱᒋᔅᑳᑯᔦᒃ, ᓀᔥᑕ ᑭ ᒥᓚᐙᑕᒧᐎᓂᐗᐤ ᑭᒋ ᓵᑲᔅᑭᓀᒃ᙮

ᐅᐸᓓᑭᔅ ᒑᓐ 15:11 Iomraidhean Croise

ᐅᐸᓓᑭᔅ ᓘᒃ 15:23

ᐅᑕ ᓀᔥᑕ ᐯᔑᒃ ᒥᔅᑐᔑᔥ ᑳ ᑖᒋᐳᐋᑲᓂᐎᑦ, ᓂᐸᐃᒃ ᒫᑲ; ᐁᑯᔑ ᒫᑲ ᒥᒋᓱᑕᐤ, ᓀᔥᑕ ᒧᒋᑫᓕᑖᑕᐤ᙮

ᐅᐸᓓᑭᔅ ᓘᒃ 15:32

ᑮ ᑌᐱᐃᔑᓈᑾᓐ ᒫᑲ ᑭᒋ ᒧᒋᑫᓕᑕᒫᒃ, ᓀᔥᑕ ᑭᒋ ᓯᑭᓓᓯᔮᒃ: ᐌᓴ ᐊᐗ ᑭᔑᒻ ᑮ ᓂᐱᐤ, ᒥᓇ ᒫᑲ ᐱᒫᑎᓯᐤ; ᓀᔥᑕ ᑮ ᐗᓂᐊᐤ ᒥᔅᑲᐗᐤ ᒫᑲ᙮

ᐅᐸᓓᑭᔅ ᓘᒃ 15:5

ᐃᔅᐱ ᒫᑲ ᑳ ᒥᔅᑲᐙᑦ, ᐊᓓᐤ ᐅᑎᑎᒪᓂᒃ ᐁ ᒥᓚᐙᑕᒃ᙮

ᐅᐸᓓᑭᔅ ᓘᒃ 15:9

ᐃᔅᐱ ᒫᑲ ᑳ ᒥᔅᑲᐙᑦ, ᒫᒪᐎ ᓇᑐᒣᐤ ᐅ ᑐᑌᒪ ᓀᔥᑕ ᐎᒋᐃᓕᓕᐗ, ᐁ ᐃᑗᑦ, ᐎᒋᒥᓚᐙᑕᒧᒥᒃ; ᐌᓴ ᓂ ᑮ ᒥᔅᑲᐗᐤ ᐊᓇ ᑳ ᑮ ᐗᓂᐊᒃ᙮

ᐅᐸᓓᑭᔅ ᒑᓐ 16:24

ᐊᓄᒡ ᐃᔅᑯ ᓇᒪᐎᓚ ᑫᒀᓐ ᑭ ᑮ ᐅᒋ ᓇᑐᑌᓇᐗᐤ ᓂᑦ ᐃᔑᓂᑳᓱᐎᓂᒃ: ᓇᑐᑕᒫᒃ, ᑭ ᑳ ᒥᓕᑲᐎᓇᐗᐤ ᒫᑲ, ᑭ ᒥᓚᐙᑕᒧᐎᓂᐗᐤ ᑭᒋ ᓵᑲᔅᑭᓀᒃ᙮

ᐅᐸᓓᑭᔅ ᒑᓐ 16:33

ᐅᐅ ᑫᒀᓇ ᑭ ᑮ ᐎᑕᒫᑎᓇᐗᐤ ᓂᓚ ᑭᒋ ᐅᒋ ᐋᔮᔦᒃ ᑳᔮᒣᓕᑕᒧᐎᓐ᙮ ᒥᑯᔥᑳᑌᓕᑕᒧᐎᓐ ᑭ ᑳ ᐋᔮᓇᐗᐤ ᐊᔅᑮᒃ: ᒫᑲ ᒥᓜᓕᑕᒧᒃ; ᓂ ᑮ ᔔᑯᒋᑖᓐ ᐊᔅᑮ᙮

ᐅᐸᓓᑭᔅ ᒑᓐ 17:13

ᐊᓄᒡ ᒫᑲ ᑭ ᐯᒋ ᓈᑎᑎᓐ; ᓀᔥᑕ ᐅᐅ ᑫᒀᓇ ᓂᑦ ᐋᔭᒥᓐ ᐊᔅᑮᒃ, ᑭᒋ ᓵᑲᔅᑭᓀᔅᑳᑯᒋᒃ ᓂ ᒥᓚᐙᑕᒧᐎᓂᓕᐤ᙮

ᐅᐸᓓᑭᔅ ᒑᓐ 3:29

ᐊᓇ ᑳ ᐋᔭᐙᑦ ᐅᔥᑭᔅᑴᐙᓇ, ᐁᐗᑯ ᐅᔥᑭᔅᑴᐌᐤ: ᒫᑲ ᐅᔥᑭᔅᑴᐌᐤ ᐅᑐᑌᒪ ᑳ ᓂᐸᐎᓕᒋ ᓀᔥᑕ ᑳ ᐯᑖᑯᑦ, ᓈᔅᐱᒡ ᒥᓜᓕᑕᒥᓕᐗ ᐁ ᐯᑕᐙᓕᒋ ᐅᔥᑭᔅᑴᐌᐗ: ᐁᐗᑯ ᐅᒪ ᒫᑲ ᓂ ᒥᓚᐙᑕᒧᐎᓐ ᑎᐱᐸᓕᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:13

ᐁᑯ ᑭᒋᒪᓂᑐ ᑳ ᑎᐯᓕᑕᒃ ᐊᔅᐯᓕᒧᐎᓂᓕᐤ ᑭ ᑳ ᐎ ᓵᑲᔅᑭᓇᐃᑯᐗᐤ ᒥᓯᐌ ᒥᓚᐙᑕᒧᐎᓂᓕᐤ ᓀᔥᑕ ᑳᔮᒣᓕᑕᒧᐎᓂᓕᐤ ᐁ ᑖᐺᑕᒣᒃ, ᑭᒋ ᐌᓗᑎᓯᔦᒃ ᐊᔅᐯᓕᒧᐎᓐ, ᑳ ᐸᓓᑭᓯᑦ ᐊᒑᒃ ᐅ ᓱᑳᑎᓯᐎᓐ ᐅᒋ᙮

ᓂᔓ ᑯᕆᓐᑎᐊᓇ 1:24

ᓇᒪᐎᓚ ᐁ ᑎᐯᓕᑕᒫᒃ ᑭ ᑖᐺᔦᓕᑕᒧᐎᓂᐗᐤ, ᒫᑲ ᐁ ᐎᒋᑖᔦᒃ ᑭ ᒧᒋᑫᓕᑕᒧᐎᓂᐗᐤ: ᐌᓴ ᑖᐺᔦᓕᑖᒧᐎᓐ ᑭᑦ ᐅᒋ ᓂᐸᐎᓇᐗᐤ᙮

ᐃᐱᓯᔭᓇ 5:18

ᐁᑳᐎᓚ ᓀᔥᑕ ᑮᔥᑴᐯᒃ ᔓᒥᓈᐳ ᐅᒋ, ᐁᐗᑯ ᐅᓵᒥᐃᓱᐎᓐ: ᒫᑲ ᑭ ᑳ ᐎ ᓴᑲᔅᑭᓀᔅᑳᑯᐗᐤ ᐊᒑᒃ;

ᐱᓕᐱᔭᓇ 1:25

ᐁ ᐋᔮᔮᓐ ᒫᑲ ᐅᒪ ᒪᔥᑲᐎ ᐊᔅᐯᓕᒧᐎᓐ, ᓂ ᑭᔅᑫᓕᑌᓐ ᑭᒋ ᐃᑖᔮᓐ ᓀᔥᑕ ᑭᒋ ᐎᒋᑕᔑᑫᒥᑕᑾᒃ ᒥᓯᐌ ᐁ ᐃᑕᔑᔦᒃ, ᑭᒋ ᐅᒋ ᓚᑭᐋᔮᔦᒃ ᓀᔥᑕ ᑭᒋ ᐅᒋ ᒥᓚᐙᑕᒣᒃ ᑖᐺᔦᓕᑕᒧᐎᓐ;

ᓂᔥᑕᒻ ᑌᓴᓗᓂᔭᓇ 5:16

ᑳᑭᑫ ᒥᓚᐙᑕᒧᒃ᙮

ᓂᔥᑕᒻ ᐱᑕᕐ 1:8

ᐊᓇ ᐋᑕ ᐁᑳ ᐁ ᑮ ᐙᐸᒣᒃ, ᑭ ᓵᑭᐊᐗᐤ; ᐊᓇ, ᐋᑕ ᐁᑳ ᐊᓄᒡ ᐁ ᐙᐸᒣᒃ, ᐁᓕᐌᒃ ᒫᑲ ᐁ ᑖᐺᑕᒣᒃ, ᑭ ᒥᓚᐙᑌᓇᐗᐤ ᐊᓂᒪ ᒥᓚᐙᑕᒧᐎᓂᒃ ᐁᑳ ᑫ ᑮ ᐎᒋᑳᑌᒃ ᓀᔥᑕ ᐁ ᓵᑲᔅᑭᓀᒃ ᑭᔅᑌᓕᑖᑯᓯᐎᓐ:

ᓂᔥᑕᒻ ᒑᓐ 1:4

ᐅᐅ ᑫᒀᓇ ᒫᑲ ᑭ ᒪᓯᓇᐊᒫᑎᓈᓐ ᑭᒋ ᓵᑲᔅᑭᓀᔅᑳᑯᔦᒃ ᑭ ᒥᓚᐙᑕᒧᐎᓂᐗᐤ᙮

ᓂᔓ ᒑᓐ 1:12

ᐁ ᐋᔮᔮᓐ ᒥᒉᑦ ᑫᒀᓇ ᑭᒋ ᒪᓯᓇᐊᒫᑕᑾᒃ, ᓇᒪᐎᓚ ᓂ ᑳ ᐎᑌᓐ ᐁ ᐋᐸᒋᑖᔮᓐ ᒪᓯᓇᐃᑲᓍᓐ ᓀᔥᑕ ᒪᓯᓇᐃᑲᓇᐳ: ᒫᑲ ᓂ ᐸᑯᓭᓕᑌᓐ ᑭᒋ ᓈᑎᑖᑾᒃ, ᐁᑯ ᑭᑐᓂᓈᒃ ᑭᒋ ᐋᔭᒥᐃᑐᔭᒃ, ᑭ ᒥᓚᐙᑕᒧᐎᓂᐗᐤ ᑭᒋ ᓵᑲᔅᑭᓀᒃ᙮