18 ᓇᒪᐎᓚ ᑭ ᑳ ᓇᑲᑎᑎᓇᐗᐤ ᐁ ᑭᐗᔑᔖᓂᐎᔦᒃ: ᑭ ᑳ ᐯᒋ ᓇᑎᑎᓇᐗᐤ᙮
ᑮᔥᐱᓐ ᓀᔥᑕ ᓇᑕᐎ ᐋᔦᔅᑲᐎᑕᒫᑕᑾᑫ ᐃᑕ ᑫ ᐃᑖᔦᒃ, ᒥᓇ ᓂ ᑳ ᐯᒋ ᐃᑐᑖᓐ, ᓀᔥᑕ ᑭ ᑳ ᐅᑎᓂᑎᓇᐗᐤ; ᐁᑕ ᐁ ᐁᑖᔮᓐ ᓂᓚ, ᐁᑯᑕ ᓀᔥᑕ ᑭᓚᐗᐤ ᑭᒋ ᐃᑖᔦᒃ᙮
ᐌᓴ ᐃᑕ ᓂᔓ ᓀᔥᑕᐱᑯ ᓂᔅᑐ ᒥᔭᐗᒋᐃᑐᑕᐌ ᓂᑦ ᐃᔑᓂᑳᓱᐎᓂᒃ, ᐁᑯᑕ ᓀᔥᑕ ᓂᓚ ᑫ ᐃᑖᔮᓐ᙮
ᓀᔥᑕ ᓂ ᑳ ᐋᔭᒥᐁᔅᑕᐗᐤ ᐅᑖᐎᒪᐤ, ᑭ ᑳ ᒥᓕᑯᐗᐤ ᒫᑲ ᑯᑕᑭᔭ ᐅᒥᓜᓕᒧᐃᐌᐗ, ᑳᑭᑫ ᑭᒋ ᐎᒉᐎᑖᒃ᙮
ᐁ ᑭᔅᑭᓄᐊᒪᐌᑾᒃ ᑭᒋ ᓈᑲᑕᐌᓕᑕᑭᒃ ᒥᓯᐌ ᑫᒀᓇ ᑳ ᐃᔑ ᑲᑫᔅᑭᒥᑖᑾᒃ: ᒫᑎᑲ, ᒫᑲ, ᑭ ᑳ ᐎᒉᐎᑎᓈᐗᐤ ᒧᔕᒃ ᐱᓕᔥ ᑫ ᐃᔥᒀᐸᓕᒃ ᐊᔅᑭ᙮ ᐁᒣᓐ᙮
ᐅᐅ ᑫᒀᓇ ᑭ ᑮ ᐎᑕᒫᑎᓇᐗᐤ ᓂᓚ ᑭᒋ ᐅᒋ ᐋᔮᔦᒃ ᑳᔮᒣᓕᑕᒧᐎᓐ᙮ ᒥᑯᔥᑳᑌᓕᑕᒧᐎᓐ ᑭ ᑳ ᐋᔮᓇᐗᐤ ᐊᔅᑮᒃ: ᒫᑲ ᒥᓜᓕᑕᒧᒃ; ᓂ ᑮ ᔔᑯᒋᑖᓐ ᐊᔅᑮ᙮
ᐌᓴ ᐎᓚ ᐁ ᑮ ᐎᓴᑫᓕᑕᒃ ᐁ ᑮ ᑲᑴᒋᐋᑲᓂᐎᑦ, ᑲᔥᑭᑕᐤ ᓀᔥᑕ ᑭᒋ ᓂᔓᑲᒪᐙᑦ ᐊᓂᐃ ᑳ ᑲᑴᒋᐋᑲᓂᐎᓕᒋ᙮
ᐁᑯ ᐎᓚ ᑫᒋᐙᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᓀᔥᑕ ᑭᒋᒪᓂᑐ, ᑯᑖᐎᓇᐤ ᐅᑎ, ᑳ ᑮ ᓵᑭᐃᑕᒃ, ᓀᔥᑕ ᑳ ᑮ ᒥᓕᑕᒃ ᑳᑭᑫ ᒥᓜᓕᒧᐎᓐ, ᓀᔥᑕ ᒥᓗ ᐊᔅᐯᓕᒧᐎᓐ ᔕᐌᓕᒋᑫᐎᓐ ᐅᒋ᙮
ᐎᓕᐱᔉ, ᓇᒪᐎᓚ ᒫᑲ ᑭ ᑳ ᐙᐸᒥᓇᐗᐤ: ᒥᓇ ᒫᑲ ᐎᓕᐱᔉ, ᐁᑯ ᑫ ᐙᐸᒥᔦᒃ, ᐁ ᓈᑕᒃ ᐅᑖᐎᒪᐤ᙮
