17 ᑮᔥᐱᓐ ᑫᔅᑫᓕᑕᒧᐌᑴ ᐅᐅ ᑫᒀᓇ, ᑭ ᒥᓜᓕᒧᓇᐗᐤ ᑮᔥᐱᓐ ᐁᑐᑕᒧᐌᑴ᙮
ᐌᓴ ᐊᐌᓇ ᑫ ᑐᑕᒧᑴ ᐅᑦ ᐃᑌᓕᑕᒧᐎᓂᓕᐤ ᓄᑖᐎᔭ ᑭᒋᑭᔑᑯᒃ ᑳ ᐃᑖᓕᒋ, ᐁᐗᒀᓇ ᓂᒋᔖᓐ, ᓀᔥᑕ ᓂᒋᔖᓂᔅᑴᒻ ᓀᔥᑕ ᓂᑳᐎ᙮
ᒫᑲ ᑮ ᐃᑗᐤ, ᐁᐁ, ᐊᐙᓯᑌ ᔕᐌᓕᑖᑯᓯᐗᒃ ᐊᓂᑭ ᑳ ᐯᑕᒸᒋᒃ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐤ, ᓀᔥᑕ ᑳ ᐱᔑᒋᑕᒀᒋᒃ᙮
ᑭᑦ ᐅᑐᑌᒥᒥᑎᓇᐗᐤ ᑮᔥᐱᓐ ᑐᑕᒧᑴ ᒥᓯᐌ ᑫᒀᓐ ᑳ ᐃᑕᔓᐙᑎᑕᑾᒃ
ᐌᓴ ᓇᒪᐎᓚ ᐊᓂᑭ ᑳ ᐯᑕᑭᒃ ᐅᓚᔓᐌᐎᓂᓕᐤ ᑳ ᒀᔭᔅᑭᑖᑎᓵᔅᑕᐙᒋᒃ ᑭᒋᒪᓂᑐᐗ, ᒫᑲ ᐊᓂᑭ ᑳ ᑐᑕᑭᒃ ᐅᓚᔓᐌᐎᓂᓕᐤ ᑫ ᒀᔭᔅᑭᑖᑎᓯᐋᑲᓂᐎᒋᒃ᙮
ᐌᓴ ᒋᓴᔅ ᙭ᑎᒃ ᑭᔅᑭᓄᐙᒋᔓᐎᓐ ᓇᒪᐎᓚ ᐙᔦᔥ ᐃᑖᐸᑕᓐ, ᓇᒪ ᓀᔥᑕ ᓇᒪᑭᔅᑭᓄᐙᒋᔓᐎᓐ; ᒫᑲ ᑖᐺᔦᓕᑕᒧᐎᓐ ᓵᑭᐃᐌᐎᓂᒃ ᑳ ᐅᒋ ᐊᑑᔅᑫᒪᑲᒃ᙮
ᒫᑲ ᐊᐌᓇ ᑫᓇᐙᐸᑕᒧᑴ ᐊᓂᐁᓕᐤ ᒫᐗᒡ ᑳ ᒥᓨᔑᓂᓕᒃ ᑎᐯᓕᒥᑎᓱᐎ ᐅᓚᔓᐌᐎᓂᓕᐤ, ᓀᔥᑕ ᒧᔕᒃ ᑫᓇᐎᑖᒋ, ᐎᓚ ᐁᑳ ᐁ ᐗᓂᑭᔅᑭᓯᑦ ᐁ ᐯᑕᒃ, ᒫᑲ ᐁ ᑐᑕᒃ ᐊᓂᐁᓕᐤ ᐊᑑᔅᑫᐎᓂᓕᐤ, ᐊᐗ ᐃᓕᓕᐤ ᑲᑕ ᔕᐌᓕᑖᑯᓯᐤ ᐅᑦ ᐋᔨᑎᐎᓂᒃ᙮
ᐁᐗᑯ ᐅᒋ ᐊᓇ ᑳ ᑭᔅᑫᓕᑕᒃ ᑭᒋ ᒥᓗ ᑐᑕᒃ, ᐁᑳ ᒫᑲ ᐁ ᑐᑕᒃ, ᐁᐗᑯ ᒪᒋᑐᑕᒻ᙮
ᔕᐌᓕᑖᑯᓯᐗᒃ ᐊᓂᑭ ᑳ ᑐᑕᒸᒋᒃ ᐅ ᑲᑫᔅᑴᐎᓂᓕᐗ, ᒀᔭᔉ ᑭᒋ ᑮ ᐋᔭᐙᒋᒃ ᐱᒫᑎᓯᐎᓂ ᒥᔅᑎᑾ, ᓀᔥᑕ ᔕᐳ ᑭᒋᐃᔥᒀᑌᒥᒃ ᑭᒋ ᐱᑐᑫᒋᒃ ᐃᑖᐎᓂᒃ᙮
