11 ᐌᓴ ᐊᓂᐃ ᐅᒋ ᒥᒉᑦ ᒎᐗᒃ ᑮ ᑭᑐᑌᐸᓇᒃ, ᓀᔥᑕ ᑮ ᑖᐺᔦᓕᒣᐗᒃ ᒋᓴᓴ᙮
ᓂ ᑭᔅᑫᓕᑌᑖᔾ ᒫᑲ ᒧᔕᒃ ᐁ ᓇᑐᑕᐎᔭᓐ: ᒫᑲ ᐃᓕᓕᐗᒃ ᑳ ᐙᔅᑲᑳᐸᐎᒋᒃ ᐌᒋ ᐃᑗᔮᓐ ᑭᒋ ᑖᐺᑕᑭᒃ ᐁ ᑮ ᐯᒋᑎᔕᐅᔭᓐ᙮
ᐁᑯ ᒥᒉᑦ ᒎᐗᒃ ᑳ ᑮ ᐯᒋ ᓇᑕᐙᐸᒫᒋᒃ ᒣᕆᔭ, ᓀᔥᑕ ᑳ ᐙᐸᑕᑭᒃ ᐊᓂᐃ ᑫᒀᓇ ᒋᓴᓴ ᑳ ᑮ ᑐᑕᒥᓕᒋ, ᑮ ᑖᐺᔦᓕᒣᐗᒃ᙮
ᑮᔥᐱᓐ ᐅᒪ ᐃᔑ ᐁᑳ ᐱᒣᓕᒪᑴ, ᒥᓯᐌ ᐃᓕᓕᐗ ᑲᑕ ᑖᐺᔦᓕᒥᑯ᙮ ᐁᑯ ᕈᒥᐎᓕᓕᐗᒃ ᑫ ᐯᒋ ᒪᔅᑲᒥᑖᑯᒃ ᐃᑕ ᐁ ᐃᑖᔭᒃ ᓀᔥᑕ ᑭᑦ ᐃᓕᓕᒥᓇᐗ᙮
ᒫᑲ ᑭᒋ ᓵᓵᑭᐎᓕᐌᐎᓕᓕᐗᒃ ᑮ ᑲᑫᔅᑭᒥᑐᐗᒃ ᑭᒋ ᓂᐸᐋᒋᒃ ᓛᓴᕋᓴ ᓀᔥᑕ;
ᐁᐗᑴᓕᐤ ᓀᔥᑕ ᐌᒋ ᓇᑭᔥᑳᑯᑦ ᐃᓕᓕᐗ, ᐌᓴ ᑮ ᐯᑕᒥᓕᐗ ᐁ ᑮ ᑐᑕᒃ ᐅᒣᓕᐤ ᒫᒪᔅᑳᒋ ᐃᓯᒋᑫᐎᓂᓕᐤ᙮
ᐁᓕᐌᒃ ᒫᑲ ᒥᒉᑦ ᐅᑎᐯᓕᒋᑫᐗᒃ ᑮ ᑖᐺᔦᓕᒣᐗᒃ; ᒫᑲ ᐹᕋᓯᔭ ᐅᒋ ᓇᒪᐎᓚ ᑮ ᐎᑕᒶᒃ, ᐁᑳ ᑭᒋ ᐗᓚᐎᑎᔑᓈᑲᓂᐎᒋᒃ ᐋᔭᒥᐁᐎᑲᒥᑯᒃ ᐅᒋ᙮
ᒥᒉᑦ ᒫᑲ ᐃᓕᓕᐗᒃ ᑮ ᑖᐺᔦᓕᒣᐗᒃ, ᑮ ᐃᑗᐗᒃ ᒫᑲ, ᐃᔅᐱ ᙭ ᑕᑯᔑᑫ, ᐊᐙᓯᑌ ᓈ ᒥᒉᑦ ᒫᒪᔅᑳᒋ ᐃᓯᒋᑫᐎᓇ ᑲᑕ ᑐᑕᒻ ᐃᔥᐱᔥ ᐅᐅ ᐊᐗ ᐃᓕᓕᐤ ᑳ ᑮ ᑐᑕᒃ?
ᐃᔅᐱ ᒫᑲ ᒎᐗᒃ ᐎᐋᐸᒫᒋᒃ ᑳ ᒫᐗᒋᐃᑑᓕᒋ ᐃᓕᓕᐗ, ᑮ ᓵᑲᔅᑭᓀᐗᒃ ᐅᑌᓕᑕᒧᐃᓂᓕᐤ, ᓀᔥᑕ ᐁ ᒪᒋ ᐋᓕᒧᑕᑭᒃ ᐊᓂᐃ ᑫᒀᓇ ᑳ ᑎᐹᑐᑕᒥᓕᒋ ᐹᓚ, ᐁ ᐋᓉᑖᑫᒋᒃ ᓀᔥᑕ ᐁ ᐹᔅᑖᒧᒋᒃ᙮
