5 ᒋᓴᔅ ᒫᑲ ᑮ ᓵᑭᐁᐤ ᒫᕐᑕᐊ, ᓀᔥᑕ ᐎᒋᔖᓂᔅᑴᒥᓕᐗ ᓀᔥᑕ ᓈᓴᕋᓴ᙮
ᑮ ᐃᑭᓐ ᒫᑲ, ᐁ ᐊᑎ ᐃᑐᑌᒋᒃ, ᑮ ᐱᑐᑫᐤ ᐯᔭᒃ ᐃᑖᐎᓂᔑᒃ: ᑮ ᐱᑐᑲᐃᑯ ᒫᑲ ᐅ ᐙᔅᑳᔨᑲᓂᒥᓕᒃ ᐯᔭᒃ ᐃᔅᑴᐗ ᒫᕐᑕ ᐁ ᐃᔑᓂᑳᓱᓕᒋ᙮
ᒫᑲ ᒫᕐᑕ ᑮ ᐅᑕᒣᓕᑕᒥᐃᑯ ᒥᔅᑕᐃ ᐁ ᐊᑑᔅᑫᔅᑖᑫᑦ, ᑮ ᐯᒋ ᓈᑌᐤ ᒫᑲ, ᓀᔥᑕ ᑮ ᐃᑗᐤ, ᑌᐯᓕᒋᑫᔭᓐ, ᓇᒪ ᓈ ᐙᔦᔥ ᑭᑦ ᐃᑌᓕᑌᓐ ᐁ ᑮ ᓇᑲᔑᑦ ᓇᒋᔖᓂᔅᑴᒻ ᑭᒋ ᐯᔭᑯ ᐊᑑᔅᑫᔅᑖᑫᔮᓐ? ᐎᑕᒪᐤ ᒫᑲ ᑭᒋ ᐎᒋᐃᑦ᙮
ᒋᓴᔅ ᒫᑲ ᐁ ᓇᔥᑴᐗᔑᐋᑦ ᑮ ᐃᑌᐤ, ᒫᕐᑕ, ᒫᕐᑕ, ᑭᑦ ᐊᓕᒥᐃᑎᓱᓐ ᓀᔥᑕ ᑭᑦ ᐋᓕᒣᓕᑕᒥᐃᑯᓐ ᒥᒉᑦ ᑫᒀᓇ;
ᑮ ᐃᑖᐤ ᒫᑲ ᐃᓕᓕᐤ ᐁ ᐋᑯᓯᑦ, ᓛᓴᕋᔅ ᐁ ᐃᔑᓂᑳᓱᑦ, ᐯᑕᓂ ᐅᒋ, ᐅᑦ ᐃᑖᐎᓂᐗᒃ ᒣᕆ ᓀᔥᑕ ᒫᕐᑕ ᐎᒋᔖᓂᔅᑴᒪ᙮
ᐁᐗᑯ ᐌᒋ ᐃᑎᔕᐊᒫᑯᑦ ᐊᐌᓕᐗ ᐎᒋᔖᓂᔅᑴᒪ, ᐁ ᐃᑗᓕᒋ, ᑌᐯᓕᒋᑫᔭᓐ, ᒫᑎᑲ, ᐊᓇ ᑳ ᓵᑭᐊᑦ ᐋᑯᓯᐤ᙮
ᐁᑯ ᐁᑗᒋᒃ ᒎᐗᒃ, ᒫᑎᑲ, ᐁᔅᐱᒋ ᑮ ᓵᑭᐋᑦ!
ᐃᔅᐱ ᒫᑲ ᑳ ᐯᑕᒃ ᐁ ᐋᑯᓯᓕᒋ, ᑫᔮᐸᒡ ᓂᔓ ᑭᔑᑲᐗ ᑮ ᑕᔑᑫᐤ ᐃᑕ ᐁᑖᑦ᙮
ᐅ ᑭᔅᑭᓄᐊᒪᐙᑲᓇ ᐃᑎᑯ, ᐅᑭᒪᐤ, ᒎᐗᒃ ᐊᓄᒋᑫ ᑭ ᐎ ᐱᒧᓯᓈᑕᐅᑾᒃ; ᒥᓇ ᓈ ᒫᑲ ᐊᓐᑕ ᑭᑦ ᐃᑐᑖᓐ?
ᐌᓴ ᐅᑖᐎᒪᐤ ᑫᒋᐙᒃ ᑭ ᓵᑭᐃᑯᐗᐤ, ᐁ ᑮ ᓵᑭᐃᔦᒃ, ᓀᔥᑕ ᐁ ᑮ ᑖᐺᑕᒣᒃ ᑭᒋᒪᓂᑐᒃ ᐁ ᐅᒋᔮᓐ᙮
ᓂ ᑮ ᐎᑕᒪᐙᐗᒃ ᒫᑲ ᑭᑦ ᐃᔑᓂᑳᓱᐎᓂᓕᐤ, ᓀᔥᑕ ᓂ ᑳ ᐎᑌᓐ: ᐊᓂᒪ ᓵᑭᐃᐌᐎᓐ ᑳ ᑮ ᐅᒋ ᓵᑭᐃᔭᓐ ᑭᒋ ᐱᒋᔅᑳᑯᒋᒃ, ᓂᓚ ᓀᔥᑕ ᑭᒋ ᐱᒋᔅᑲᐗᑭᒃ᙮
