34 ᓀᔥᑕ ᑮ ᐃᑗᐤ, ᑖᓐᑌ ᑳ ᑮ ᐱᒥᔑᒣᒃ? ᑮ ᐃᑗᐗᒃ, ᑌᐯᓕᒋᑫᔭᓐ, ᐯᒋ ᐙᐸᑕ᙮
ᓇᒪᐎᓚ ᐅᑕ ᐃᑖᐤ: ᐌᓴ ᑮ ᐗᓂᔥᑲᐤ, ᑖᐱᔅᑯᒡ ᑳ ᑮ ᐃᑗᑦ᙮ ᐯᒋ ᑲᓇᐙᐸᑕᒸᒃ ᐃᑕ ᑳ ᑮ ᐱᒥᔑᒃ ᐅᑎᐯᓕᒋᑫᐤ:
ᒣᕆ ᒫᒃᑕᓖᓐ ᒫᑲ, ᓀᔥᑕ ᒣᕆ ᐅᑳᐎᔭ ᒍᓯᔅ, ᑮ ᐙᐸᑕᒶᒃ ᐃᑕ ᐁ ᐱᒥᔑᒫᑲᓂᐎᓕᒋ᙮
ᐃᑌᐤ ᒫᑲ, ᐁᑳᐎᓚ ᓭᑭᓯᒃ: ᑭ ᓇᑐᓇᐙᐗᐤ ᒋᓴᔅ ᓈᓴᕋᑎᒃ ᑳ ᐅᒌᑦ, ᑳ ᒌᔅᑖᔅᑾᐙᑲᓂᐎᑦ: ᑮ ᐗᓂᔥᑲᐤ, ᓇᒪᐎᓚ ᐅᑕ ᐃᑖᐤ: ᒫᑎᑲ ᐃᑕ ᑳ ᐃᔑ ᐱᒥᔑᒫᒋᒃ᙮
ᐃᑌᐤ, ᐯᒋ ᐙᐸᑕᒧᒃ᙮ ᑮ ᐯᒋ ᐙᐸᑕᒶᒃ ᒫᑲ ᐃᑕ ᐙᑭᓕᒋ, ᓀᔥᑕ ᑮ ᐎᒋᑕᔑᑫᒣᐗᒃ ᐊᓂᒪ ᐁ ᑭᔑᑳᓕᒃ: ᐌᓴ ᓈᓐᑕᐤ ᒣᒀᒡ ᒥᑖᑦ ᑎᐹᔨᑲᓐ ᐱᓭᒧᑳᓂᒃ᙮
ᐃᔅᐱ ᒫᑲ ᒋᓴᔅ ᐎᐋᐸᒫᑦ ᐁ ᒫᑐᓕᒋ, ᓀᔥᑕ ᒎᐗ ᐊᓯᒋ ᐁ ᒫᑐᓕᒋ ᑳ ᑮ ᐯᒋ ᐎᒉᐙᓕᒋ, ᑮ ᒫᒫᑗᐤ ᐅᑦ ᐊᒑᑯᒃ, ᓀᔥᑕ ᑮ ᒥᑯᔥᑳᑌᓕᑕᒻ,
ᒋᓴᔅ ᑮ ᒫᑐ᙮
ᐁᑯ ᑫᒋᐸᑖᑦ, ᐅᑎᑌᐤ ᒫᑲ ᓵᐃᒪᓐ ᐱᑕᕋ, ᓀᔥᑕ ᐊᓂᐃ ᑯᑕᑭᔭ ᑭᔅᑭᓄᐊᒪᐙᑲᓇ ᒋᓴᔅ ᑳ ᓵᑭᐋᑦ, ᐃᑌᐤ ᒫᑲ, ᑮ ᐅᑎᓀᐗᒃ ᑌᐯᓕᒋᑫᓕᒋ ᒋᐹᔨᑲᒥᑯᒃ ᐅᒋ, ᓇᒪᐎᓚ ᓀᔥᑕ ᓂ ᑭᔅᑫᓕᑌᓈᓐ ᑖᓐᑌ ᑳ ᐱᒥᔑᒫᒋᒃ᙮
