42 ᒥᒉᑦ ᒫᑲ ᐁᑯᑕ ᑎᐋᐺᔦᓕᒥᑯᑦ᙮
ᐁᑯ ᒥᒉᑦ ᒎᐗᒃ ᑳ ᑮ ᐯᒋ ᓇᑕᐙᐸᒫᒋᒃ ᒣᕆᔭ, ᓀᔥᑕ ᑳ ᐙᐸᑕᑭᒃ ᐊᓂᐃ ᑫᒀᓇ ᒋᓴᓴ ᑳ ᑮ ᑐᑕᒥᓕᒋ, ᑮ ᑖᐺᔦᓕᒣᐗᒃ᙮
ᐁᓕᐌᒃ ᒫᑲ ᒥᒉᑦ ᐅᑎᐯᓕᒋᑫᐗᒃ ᑮ ᑖᐺᔦᓕᒣᐗᒃ; ᒫᑲ ᐹᕋᓯᔭ ᐅᒋ ᓇᒪᐎᓚ ᑮ ᐎᑕᒶᒃ, ᐁᑳ ᑭᒋ ᐗᓚᐎᑎᔑᓈᑲᓂᐎᒋᒃ ᐋᔭᒥᐁᐎᑲᒥᑯᒃ ᐅᒋ᙮
ᐃᔅᐱ ᒫᑲ ᒋᕉᓴᓚᒥᒃ ᐁᑖᑦ ᒥᔮᔥᑳᑫᐎ ᒪᑯᔐᐎᓂᒃ, ᐁ ᒪᑯᔐᑭᔑᑳᓕᒃ, ᒥᒉᑦ ᑖᐺᔦᓕᑕᒬᐗᒃ ᐅᑦ ᐃᔑᓂᑳᓱᐎᓂᓕᐤ, ᐃᔅᐱ ᐎᐋᐸᑕᒸᒋᒃ ᒫᒪᑖᐎ ᐃᓯᒋᑫᐎᓇ ᑳ ᑐᑕᒥᓕᒋ᙮
ᒥᒉᑦ ᒫᑲ ᓴᒣᕆᔭ ᐃᓕᓕᐗᒃ ᐊᓂᒪ ᐃᑖᐎᓂᒃ ᑳ ᐃᑖᒋᒃ ᑮ ᑖᐺᔦᓕᒣᐗᒃ ᐃᔅᑴᐗ ᐅᑦ ᐋᔭᒥᐎᓂᓕᐗ ᐅᒋ, ᑳ ᑮ ᐃᑗᓕᒋ, ᓂ ᑮ ᐎᑕᒫᒃ ᒥᓯᐌ ᑫᒀᓇ ᑳ ᑮ ᐯᒋ ᑐᑕᒶᒃ᙮
ᓀᔥᑕ ᐊᐙᓯᑌ ᒥᒉᑦ ᑮ ᑖᐺᑕᒶᒃ ᐎᓚ ᑫᒋᐙᒃ ᐅᑦ ᐋᔭᒥᐎᓂᓕᐤ ᐅᒋ;
ᒥᒉᑦ ᒫᑲ ᐃᓕᓕᐗᒃ ᑮ ᑖᐺᔦᓕᒣᐗᒃ, ᑮ ᐃᑗᐗᒃ ᒫᑲ, ᐃᔅᐱ ᙭ ᑕᑯᔑᑫ, ᐊᐙᓯᑌ ᓈ ᒥᒉᑦ ᒫᒪᔅᑳᒋ ᐃᓯᒋᑫᐎᓇ ᑲᑕ ᑐᑕᒻ ᐃᔥᐱᔥ ᐅᐅ ᐊᐗ ᐃᓕᓕᐤ ᑳ ᑮ ᑐᑕᒃ?
ᒣᒀᒡ ᐁᔭᒥᑦ ᐅᐅ ᐋᔭᒥᐎᓇ ᒥᒉᑦ ᑮ ᑖᐺᔦᓕᒥᑯᑦ᙮
