ᐅᐸᓓᑭᔅ ᒑᓐ 10:3 - ᐅᔅᑭ ᑎᔅᑌᒥᓐᑦ

³ ᐁᐗᑯ ᐃᐋᐸᐊᒫᑯᑦ ᐅᑲᓇᐎᔅᒀᑕᐎᐗ; ᓀᔥᑕ ᒫᓂᔥᒑᓂᔕ ᓇᑐᑕᒥᓕᐗ ᐅ ᐯᑖᑯᓯᐃᓐ: ᓀᔥᑕ ᓇᑐᒣᐤ ᐎᓚ ᑎᐱᓚᐌ ᐅ ᒫᓂᔥᒑᓂᔑᒪ ᐁ ᐎᓛᑦ, ᓀᔥᑕ ᐗᓚᐎᑭᔅᑭᓄᑕᐁᐤ᙮

ᐅᐸᓓᑭᔅ ᒑᓐ 10:3 Iomraidhean Croise

ᐅᐸᓓᑭᔅ ᒑᓐ 10:14

ᓂᓚ ᐁᐗᑯ ᒥᓗ ᒫᓂᔥᒑᓂᔑᐎᓕᓕᐤ, ᓀᔥᑕ ᓂ ᑭᔅᑫᓕᒫᐗᒃ ᓂ ᒫᓂᔥᒑᓂᔑᒪᒃ, ᓀᔥᑕ ᓂ ᑭᔅᑫᓕᒥᑾᒃ ᐊᓂᑭ ᑳ ᑎᐱᓚᐌᐎᓯᔮᓐ᙮

ᐅᐸᓓᑭᔅ ᒑᓐ 10:16

ᑯᑕᑭᔭᒃ ᓀᔥᑕ ᒫᓂᔥᒑᓂᔕᒃ ᓂᑦ ᐋᔭᐙᐗᒃ ᐁᑳ ᐅᒪ ᒫᓂᔥᒑᓂᔑᑲᒥᑯᒃ ᐁ ᐃᑖᒋᒃ ᐁᐗᒀᓂᑭ ᔮᓕᑌᓪ ᑫ ᐯᔑᐗᑭᒃ, ᑲᑕ ᓇᑐᑕᒶᒃ ᒫᑲ ᓂ ᐯᑖᑯᓯᐎᓂᓕᐤ; ᐁᑯ ᑫ ᐯᔭᑾᒃ ᒫᓂᔥᒑᓂᔑᑲᒥᒃ, ᓀᔥᑕ ᑫ ᐯᔭᑯᑦ ᒫᓂᔥᒑᓂᔑᐎᓕᓕᐤ᙮

ᐅᐸᓓᑭᔅ ᒑᓐ 10:4

ᐃᔅᐱ ᒫᑲ ᐌᓚᐎᑕᐋᒋ ᐎᓚ ᑎᐱᓚᐌ ᐅ ᒫᓂᔥᒑᓂᔑᒪ, ᓂᑳᓄᑕᐌᐤ, ᓄᔅᐱᓈᑎᑯ ᒫᑲ ᒫᓂᔥᒑᓂᔕ: ᐌᓴ ᓂᓯᑐᑕᒥᓕᐗ ᐅ ᐯᑖᑯᓯᐎᓐ᙮

ᐅᐸᓓᑭᔅ ᒑᓐ 10:9

ᓂᓚ ᐁᐗᑯ ᐃᔥᒀᑌᒻ: ᑮᔥᐱᓐ ᐊᐌᓇ ᓂᓚ ᐅᒋ ᐱᑐᑫᑌ, ᑲᑕ ᐱᒫᒋᐋᑲᓂᐎᐤ, ᑲᑕ ᐱᑐᑫᐤ ᒫᑲ ᓀᔥᑕ ᑲᑕ ᐗᓚᐎᐤ, ᑲᑕ ᒥᔅᑲᒻ ᒫᑲ ᒥᒋᓱᐎᓂᓕᐤ᙮

ᐅᐸᓓᑭᔅ ᒑᓐ 6:37

ᒥᓯᐌ ᐊᓂᐃ ᑳ ᒥᓕᑦ ᐅᑖᐎᒪᐤ ᓂ ᑳ ᐯᒋ ᓈᑎᑾᒃ: ᐊᓇ ᓀᔥᑕ ᑳ ᐯᒋ ᓈᔑᑦ ᔮᓕᑌᓪ ᓇᒪᐎᓚ ᓂ ᑳ ᐗᓚᐎᐌᐱᓇᐤ᙮

ᐅᐸᓓᑭᔅ ᒑᓐ 6:45

ᒪᓯᓇᐃᑳᑌᐤ ᐅᑭᔅᑭᐙᐃᑫᐗᒃ ᐅ ᒪᓯᓇᐃᑲᓂᐙᒃ, ᒥᓯᐌ ᐁ ᐃᑕᓯᒋᒃ ᒫᑲ ᑲᑕ ᑭᔅᑭᓄᐊᒪᑯᐗᒃ ᑭᒋᒪᓂᑐᐗ᙮ ᐁᐗᑯ ᐅᒋ ᒥᓯᐌ ᑕᑐ ᐃᓕᓕᐤ ᑳ ᑮ ᐯᑕᐙᑦ, ᓀᔥᑕ ᑳ ᑮ ᑭᔅᑭᓄᐊᒫᑯᑦ ᐅᑖᐎᒪᐗ, ᓂ ᐯᒋ ᓈᑎᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:30

ᓀᔥᑕ ᒫᑲ ᐊᓂᐃ ᑳ ᑮ ᓂᑳᓂᑭᔅᑭᓇᐌᔦᓕᒫᑦ, ᐅᐅ ᓀᔥᑕ ᑮ ᓇᑐᒣᐤ: ᐊᓂᐃ ᓀᔥᑕ ᑳ ᑮ ᓇᑐᒫᑦ, ᐁᐗᒀᓂᐃ ᓀᔥᑕ ᑳ ᑮ ᒀᔭᔅᑭᑖᑎᓯᐋᑦ; ᓀᔥᑕ ᐊᓂᐃ ᑳ ᑮ ᒀᔭᔅᑭᑖᑎᓯᐋᑦ, ᐁᐗᒀᓂᐃ ᓀᔥᑕ ᑳ ᑮ ᑭᔅᑎᓕᑖᑯᐋᑦ᙮

ᓂᔥᑕᒻ ᑯᕆᓐᑎᐊᓇ 16:9

ᐌᓴ ᑭᒋ ᐃᔥᒀᑌᒻ ᓀᔥᑕ ᑳ ᐋᐸᑕᒃ ᓂ ᐹᔅᑭᑌᓇᒫᑲᐎᓐ, ᓀᔥᑕ ᒥᒉᑎᐗᒃ ᐅᓄᑎᓂᑫᐗᒃ᙮

ᐱᓕᐱᔭᓇ 4:3

ᑭᓚ ᓀᔥᑕ ᑭ ᐸᑯᓭᓕᒥᑎᓐ, ᑖᐺ ᓂᒋᐊᑑᔅᑫᐎᓕᓕᒻ, ᐎᒋᐃᒃ ᐊᓂᑭ ᐃᔅᑴᐗᒃ ᑳ ᑮ ᐎᒋᐊᑑᔅᑫᒥᒋᒃ ᒥᓗᐋᒋᒧᐎᓂᒃ, ᐊᓯᒋ ᒃᓓᒧᓐᑦ ᓀᔥᑕ, ᐊᓯᒋ ᑯᑕᑭᔭᒃ ᓂᒋᐊᑑᔅᑫᐎᓕᓕᒪᒃ, ᐅᑦ ᐃᔑᓂᑳᓱᐎᓂᐗᐗ ᑳ ᐃᑕᑾᓂᓕᑭ ᐱᒫᑎᓯᐎᓂ ᒪᓯᓇᐃᑲᓂᒃ᙮

ᑯᓚᔑᔭᓇ 4:3

ᐊᓯᒋ ᓀᔥᑕ ᐁ ᐋᔭᒥᐁᔅᑕᒪᐎᔮᒃ, ᑭᒋᒪᓂᑐ ᑭᒋ ᐹᔅᑭᑌᓇᒪᐎᔭᒥᑦ ᓂᑕᐌᐎᓂᐃᔥᒀᑌᒡ, ᑭᒋ ᐋᓕᒪᑕᒲᒃ ᙭ ᐅ ᒫᒪᔅᑳᑌᓕᑖᑯᓯᐎᓐ, ᐁᐗᑯ ᑳ ᐅᒋ ᒫᒫᒋᒀᐱᓱᔮᓐ:

ᓂᔓ ᑎᒧᑎ 2:19

ᐁᓕᐌᒃ ᒫᑲ, ᑭᒋᒪᓂᑐ ᐅᑦ ᐅᓚᔅᑕᒋᑲᓐ ᐊᔨᑕᔅᑌᓕᐤ, ᐅᒪ ᐁ ᐃᔑ ᑭᔅᑭᓄᐙᒋᒋᑳᑌᒃ, ᐅᑎᐯᓕᒋᑫᐤ ᑭᔅᑫᓕᒣᐤ ᐊᓂᐃ ᑳ ᑎᐱᓚᐌᐎᓯᑦ: ᓀᔥᑕ ᐁᑯᔑ ᒥᓯᐌ ᑕᑐ ᐊᐌᓇ ᑳ ᐙᐎᑕᒸᑦ ᐅᑦ ᐃᔑᓂᑳᓱᐎᓂᓕᐤ ᙭ᑕ, ᑲᑕ ᓇᑲᑕᒻ ᒪᒑᑎᓯᐎᓂᓕᐤ᙮

ᓂᔥᑕᒻ ᐱᑕᕐ 1:12

ᐊᓂᑭ ᑳ ᑮ ᐙᐸᑎᓛᑲᓂᐎᒋᒃ, ᓇᒪᐎᓚ ᐎᓚᐗᐤ ᑫᒋᐙᒃ, ᒫᑲ ᑭᓚᓈᓇᐤ ᐊᓂᐃ ᐁ ᑮ ᐊᑐᔅᑫᔅᑕᒫᑕᑾᒃ, ᐊᓂᐃ ᐊᓄᒡ ᑳ ᐎᑕᒫᑖᑾᒃ ᐊᓂᑭ ᑳ ᑮ ᑲᑫᔅᑭᒥᑖᑾᒃ ᒥᓗᐋᒋᒧᐎᓐ ᐯᓓᑭᓯᑦ ᐊᒑᒃ ᐅᒋ ᑭᒋᑭᔑᑯᒃ ᑳ ᑮ ᐯᒋ ᓛᔑᑎᔕᐙᑲᓂᐎᑦ: ᐅᐅ ᑫᒀᓇ ᐁᓐᒐᓚᒃ ᑮ ᐸᑯᓭᓕᒧᐗᒃ ᑭᒋ ᑲᓇᐗᐸᑕᑭᒃ᙮

ᓂᔥᑕᒻ ᒑᓐ 4:6

ᑭᓚᓈᓇᐤ ᑭᒋᒪᓂᑐᒃ ᑭᑦ ᐅᒋᓈᓇᐤ; ᐊᓇ ᑳ ᑭᔅᑫᓕᒫᑦ ᑭᒋᒪᓂᑐᐗ ᓂ ᓇᑐᑖᑯᓈᓐ; ᐊᓇ ᐁᑳ ᑭᒋᒪᓂᑐᒃ ᑳ ᐅᒌᑦ ᓇᒪᐎᓚ ᓂ ᓇᑐᑖᑯᓈᓐ᙮ ᐁᐗᑯ ᑳ ᐅᒋ ᑭᔅᑫᓕᒪᒃ ᑖᐺᐎᓂ ᐊᒑᒃ, ᓀᔥᑕ ᐗᓂᔑᓄᐎ ᐊᒑᒃ᙮

ᓂᔅᑐ ᒑᓐ 1:14

ᒫᑲ ᓂ ᐸᑯᓭᓕᑌᓐ ᐎᐸᒡ ᑭᒋ ᐙᐸᒥᑖᓐ, ᐁᑯ ᒫᑲ ᑭᑐᓂᓈᒃ ᑫ ᐋᔭᒥᐃᑐᔭᒃ᙮ ᑳᔮᒣᓕᑕᒧᐎᓐ ᑭ ᑳ ᐎ ᐋᔮᓐ᙮ ᑭᑐᑌᒥᓇᐗᒃ ᑭᑦ ᐊᑕᒥᔅᑳᑾᒃ᙮ ᐊᑕᒥᔅᑲᐎᒃ ᑭᑐᑌᒥᓇᐗᒃ ᐁ ᐃᔑᓂᑳᓱᒋᒃ᙮

ᑭᔅᑫᓕᑖᑯᑖᑫᐎᓐ 20:15

ᒥᓯᐌ ᑕᑐ ᐊᐌᓇ ᒫᑲ ᐁᑳ ᑳ ᒥᔅᑲᐙᑲᓂᐎᑦ ᐁ ᒪᓯᓇᐃᑳᓱᑦ ᐱᒫᑎᓯᐎᓂ ᒪᓯᓇᐃᑲᓂᒃ ᐃᔥᑯᑌᐎ ᓵᑲᐃᑲᓂᒃ ᑮ ᐃᔑ ᐌᐱᓇᐤ᙮

ᑭᔅᑫᓕᑖᑯᑖᑫᐎᓐ 3:20

ᒫᑎᑲ, ᓂ ᓂᐸᐎᓐ ᐃᔥᒀᑌᒥᒃ ᓂ ᐹᐸᐙᐃᑳᓐ ᒫᑲ: ᑮᔥᐱᓐ ᐊᐌᓇ ᐃᓕᓕᐤ ᐯᑕᑫ ᓂ ᐯᑖᑯᓯᐎᓐ, ᐹᔅᑭᑎᓇᑫ ᒫᑲ, ᓂ ᑳ ᐱᑐᑲᐗᐤ, ᓂ ᑳ ᐎᒋᒥᒋᓱᒪᐤ ᒫᑲ, ᐎᓚ ᓀᔥᑕ ᓂ ᑳ ᐎᒋᒥᒋᓱᒥᒃ᙮

ᑭᔅᑫᓕᑖᑯᑖᑫᐎᓐ 7:17

ᐌᓴ ᒫᓂᔥᒑᓂᔑᔥ ᑌᑖᐎᒡ ᐅᑭᒪᐗᐱᐎᓂᒃ ᑳ ᐃᑖᑦ ᑲᑕ ᐊᔕᒣᐤ, ᑲᑕ ᐃᑐᑕᐁᐤ ᒫᑲ ᐱᒫᑎᓯᐎ ᒧᔅᑭᒋᐗᓂᐯᑯᒃ: ᑭᒋᒪᓂᑐ ᒫᑲ ᐅᔅᑭᔑᑯᓕᒃ ᑲᑕ ᐅᒋ ᑳᓯᐊᒬᐤ ᒥᓯᐌ ᑳ ᐅᒋᑲᐙᐱᓕᒋ᙮