ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 4:12 - ᐅᔅᑭ ᑎᔅᑌᒥᓐᑦ

¹² ᐃᑕᐤ ᐯᔭᒃ ᑳ ᒥᓕᐌᑦ ᐅᓚᔓᐌᐎᓐ, ᐊᓇ ᑳ ᑲᔥᑭᑖᑦ ᑭᒋ ᐱᒫᒋᐃᐌᑦ ᓀᔥᑕ ᑭᒋ ᓂᔑᐗᓈᒋᐃᐌᑦ: ᐊᐌᓇ ᑭᓚ ᑳ ᑎᐹᔅᑯᓇᑦ ᑯᑕᒃ ᐊᐌᓇ?

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 4:12 Iomraidhean Croise

ᐅᐸᓓᑭᔅ ᒫᑎᐤ 10:28

ᐁᑳᐎᓚ ᓀᔥᑕ ᑯᔅᑎᑯᒃ ᐊᓂᑭ ᑳ ᓂᐸᑖᒋᒃ ᒥᔭᐎᓕᐤ, ᒫᑲ ᐁᑳ ᑳ ᑲᔥᑭᑖᒋᒃ ᑭᒋ ᓂᐸᐋᒋᒃ ᐊᒑᑾ: ᒫᑲ ᐊᐙᓯᑌ ᑯᔅᑎᒃ ᐊᓇ ᑳ ᑲᔥᑭᑖᑦ ᑭᒋ ᓂᔑᐗᓈᒋᐋᑦ ᐊᒑᑾ ᓀᔥᑕ ᒥᔭᐎᓕᐤ ᒪᒋ ᐃᔥᑯᑌᒃ᙮

ᐅᐸᓓᑭᔅ ᓘᒃ 12:5

ᒫᑲ ᓂᑳᓐ ᑭ ᔮᑾᒥᐃᑎᓇᐗᐤ ᐊᐌᓇ ᑫ ᑯᔅᑌᒃ: ᑯᔅᑎᒃ ᐊᓇ, ᑳ ᓂᐹᔨᐌᒋ, ᑳ ᐋᔮᑦ ᑲᔥᑭᐅᐎᓂᓕᐤ ᑭᒋ ᒪᒎᔅᑌᐅᐌᑦ ᒪᒋ ᐃᔥᑯᑌ; ᐁᐁ, ᑭᑦ ᐃᑎᓇᐗᐤ, ᐁᐗᑯ ᑯᔅᑎᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:13

ᐁᐗᑯ ᐅᒋ ᒫᑲ ᐁᑳ ᐎᓚ ᑫᔮᐸᒡ ᑎᐹᔅᑯᓂᑐᑕᐤ: ᒫᑲ ᐅᒪ ᐊᐙᓯᑌ ᑎᐹᔅᑯᓇᒧᒃ, ᐁᑳ ᐊᐌᓇ ᑭᒋ ᐊᔅᑖᑦ ᐱᔓᓯᐎᓂᓕᐤ, ᓀᔥᑕᐱᑯ ᑫᒀᓕᐤ ᑫ ᐅᒋ ᐸᑭᔑᓂᓕᒋ ᐎᒋᔖᓇ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:4

ᐊᐌᓇ ᑭᓚ ᑳ ᑎᐹᔅᑯᓂᒪᑦ ᑯᑕᒃ ᐃᓕᓕᐤ ᐅᑦ ᐊᑑᔅᑫᓛᑲᓂᒪ? ᑎᐱᓚᐌ ᐅᑦ ᐅᑭᒫᒪ ᐅᒋ ᓂᐸᐎᐤ ᓀᔥᑕ ᐸᑭᔑᓐ, ᐁᐁ, ᑲᑕ ᓯᑐᓇᐤ: ᐌᓴ ᑭᒋᒪᓂᑐ ᑲᔥᑭᑕᐤ ᑭᒋ ᓂᐸᐎᐋᑦ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:1

ᐁᐗᑯ ᐅᒋ ᓇᒪᐎᓚ ᑭ ᑳ ᑮ ᑶᑕᐎᐃᑣᓐ, ᐅ ᐃᓕᓕᐤ, ᐊᐌᓇ ᐁᑐᑫ ᑳ ᑎᐹᔅᑯᓂᑫᔭᓐ: ᐌᓴ ᐃᑕ ᐌᒋ ᑎᐹᔅᑯᓇᑦ ᑯᑕᒃ, ᑭ ᓂᔑᐗᓈᒋᒥᑎᓯᓐ; ᐌᓴ ᑭᓚ ᑳ ᑎᐹᔅᑯᓂᑫᔭᓐ ᒣᒋ ᓀᔥᑕ ᐁ ᐃᔑ ᐊᔨᑐᑕᒪᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:20

ᓇᒪᐎᓚ ᒫᑲ, ᐅ ᐃᓕᓕᐤ, ᐊᐌᓇ ᑭᓚ ᑳ ᐎ ᓇᔥᑴᐗᔑᐊᑦ ᑭᒋᒪᓂᑐ? ᐅᔑᑖᑲᓂᓕᐤ ᓈ ᑲᑕ ᐃᑌᑯ ᐊᓇ ᑳ ᑮ ᐅᔑᑖᑦ, ᑖᓀᑭ ᐌᒋ ᐅᒪ ᑳ ᑮ ᐃᔑᐃᔭᓐ?

ᐦᐃᑉᕉᐗ 7:25

ᐁᐗᑯ ᐅᒋ ᑲᔥᑭᑕᐤ ᓀᔥᑕ ᑳᑭᑫ ᑭᒋ ᐱᒫᒋᐋᑦ ᐊᓂᐃ ᐎᓚ ᐅᒋ ᑳ ᐯᒋ ᓈᑖᓕᒋ ᑭᒋᒪᓂᑐᐗ, ᐁ ᓄᑾᒃ ᑳᑭᑫ ᐁ ᐱᒫᑎᓰᑦ ᑭᒋ ᐋᔭᒥᐁᔅᑕᒪᐙᑦ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 5:9

ᐁᑳᐎᓚ ᒪᒥᔕᒣᓕᑌᒥᐃᑐᒃ, ᓂᒋᔖᓂᑐᒃ, ᐁᑳ ᑭᒋ ᓂᔑᐗᓈᒋᒥᑲᐎᔦᒃ: ᒫᑎᑲ, ᐅᑎᐹᔅᑯᓂᑫᐤ ᓂᐸᐎᐤ ᐅᑎᔥᑲᐤ ᐃᔥᒀᑌᒥᒃ᙮