ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 4:11 - ᐅᔅᑭ ᑎᔅᑌᒥᓐᑦ

¹¹ ᐁᑳᐎᓚ ᒪᒋ ᐋᓕᒧᒥᑐᒃ, ᓂᒋᔖᓂᑐᒃ᙮ ᐊᓇ ᑳ ᒪᒋ ᐋᓕᒧᒫᑦ ᐎᒋᔖᓇ, ᓀᔥᑕ ᑳ ᑎᐹᔅᑯᓈᑦ ᐎᒋᔖᓇ ᒪᒋ ᐋᓕᒧᑕᒻ ᐅᓚᔔᐌᐎᓂᓕᐤ, ᓀᔥᑕ ᑎᐹᔅᑯᓓᓕᑕᒻ ᐅᓚᔓᐌᐎᓂᓕᐤ: ᒫᑲ ᑮᔥᐱᓐ ᑌᐹᔅᑯᓀᓕᑕᒪᓂ ᐅᓚᔔᐌᐎᓐ, ᓇᒪᐎᓚ ᑭᑦ ᐃᑐᑌᓐ ᐅᓚᔓᐌᐎᓐ, ᒫᑲ ᑭ ᑎᐹᔅᑯᓀᓕᑌᓐ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 4:11 Iomraidhean Croise

ᐅᐸᓓᑭᔅ ᓘᒃ 6:37

ᐁᑳᐎᓚ ᑎᐹᔅᑯᓂᑫᒃ, ᐁᑯ ᐁᑳ ᑫ ᑎᐹᔅᑯᓂᑲᐎᔦᒃ: ᐁᑳᐎᓚ ᓂᔑᐗᓈᒋᒥᐌᒃ, ᐁᑯ ᐁᑳ ᑫ ᓂᔑᐗᓈᒋᒥᑲᐎᔦᒃ: ᐌᐯᓕᑕᒫᑫᒃ, ᐁᑯ ᒫᑲ ᑫ ᐌᐯᓕᑕᒫᑲᐎᔦᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:1

ᐁᐗᑯ ᐅᒋ ᓇᒪᐎᓚ ᑭ ᑳ ᑮ ᑶᑕᐎᐃᑣᓐ, ᐅ ᐃᓕᓕᐤ, ᐊᐌᓇ ᐁᑐᑫ ᑳ ᑎᐹᔅᑯᓂᑫᔭᓐ: ᐌᓴ ᐃᑕ ᐌᒋ ᑎᐹᔅᑯᓇᑦ ᑯᑕᒃ, ᑭ ᓂᔑᐗᓈᒋᒥᑎᓯᓐ; ᐌᓴ ᑭᓚ ᑳ ᑎᐹᔅᑯᓂᑫᔭᓐ ᒣᒋ ᓀᔥᑕ ᐁ ᐃᔑ ᐊᔨᑐᑕᒪᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:13

ᐌᓴ ᓇᒪᐎᓚ ᐊᓂᑭ ᑳ ᐯᑕᑭᒃ ᐅᓚᔓᐌᐎᓂᓕᐤ ᑳ ᒀᔭᔅᑭᑖᑎᓵᔅᑕᐙᒋᒃ ᑭᒋᒪᓂᑐᐗ, ᒫᑲ ᐊᓂᑭ ᑳ ᑐᑕᑭᒃ ᐅᓚᔓᐌᐎᓂᓕᐤ ᑫ ᒀᔭᔅᑭᑖᑎᓯᐋᑲᓂᐎᒋᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 7:7

ᑖᓂ ᑫ ᐃᑗᔭᒃ ᒫᑲ? ᒪᒋᑣᐎᓂᐗᓐ ᓈ ᐅᓚᔓᐌᐎᓐ? ᓇᒪᐎᓚ ᑲᑕ ᐎ ᐃᑭᓐ, ᓇᒪᐎᓚ, ᓇᒪᐎᓚ ᓂ ᑳ ᑮ ᑭᔅᑫᓕᑌᑖᔾ ᒪᒋᑣᐎᓐ ᐅᓚᔓᐌᐎᓂᒃ ᐅᒋ ᐱᑯ: ᐌᓴ ᓇᒪᐎᓚ ᓂ ᑳ ᑮ ᑭᔅᑫᓕᑌᑖᔾ ᒪᒋᐃᑌᓕᑕᒧᐎᓐ, ᑮᔥᐱᓐ ᐅᓚᔓᐌᐎᓐ ᐁᑳ ᑮ ᐃᑗᒪᑲᓄᑯᐸᓀ, ᐁᑳᐎᓚ ᑭ ᑳ ᒧᔅᑌᓇᒫᑳᓐ᙮

ᓂᔥᑕᒻ ᑯᕆᓐᑎᐊᓇ 4:5

ᐁᐗᑯ ᐅᒋ ᐁᑳᐎᓚ ᑫᒀᓐ ᓂᑳᓐ ᑎᐹᔅᑯᓇᒧᒃ, ᐹᑎᒫ ᐯᒋ ᑕᑯᔑᑫ ᐅᑎᐯᓕᒋᑫᐤ, ᑫ ᓄᑯᑖᑦ ᐊᓂᐃ ᑫᒀᓇ ᐗᓂᑎᐱᔅᑭᓯᐎᓂᒃ ᑳ ᑳᑖᓂᐗᑭ, ᓀᔥᑕ ᑫ ᑭᔅᑫᓕᑖᑯᑖᑦ ᒥᑐᓀᓕᒋᑫᐎᓇ ᒥᑌᐃᒃ ᑳ ᐅᒋᐸᓕᑭ: ᐁᑯ ᒫᑲ ᒥᓯᐌ ᐃᓕᓕᐗᒃ ᑫ ᒀᔭᔅᑯ ᐋᒋᒥᑯᒋᒃ ᑭᒋᒪᓂᑐᐗ᙮

ᓂᔓ ᑯᕆᓐᑎᐊᓇ 12:20

ᐌᓴ ᓂ ᑯᔅᑖᒋᓐ, ᒫᔅᑯᒡ, ᐃᔅᐱ ᑕᑯᔑᓂᔮᓀ, ᓇᒪᐎᓚ ᑭ ᑳ ᒥᔅᑳᑎᓇᐗᐤ ᑫ ᐃᔑ ᓇᑕᐌᓕᑕᒫᓐ, ᓀᔥᑕ ᓇᒪᐎᓚ ᑭ ᑳ ᒥᔅᑲᐎᓇᐗᐤ ᒬᒋ ᐁ ᐃᔑ ᓇᑕᐌᓕᑕᒣᒃ: ᒫᔅᑯᒡ ᑲᑕ ᐃᑕᑾᓋ ᐊᔑᑌᒥᑐᐎᓇ, ᐅᑌᓕᒥᑐᐎᓇ, ᐋᑯᓚᐌᓰᐎᓇ, ᒀᓗᑐᑖᑐᐎᓇ, ᐸᑾᓄᒥᑐᐎᓇ, ᑭᒧᒋᐃᑗᐎᓇ, ᑭᔅᑌᓕᒥᑎᓱᐎᓇ, ᐊᓕᒥᒥᑐᐎᓇ:

ᐃᐱᓯᔭᓇ 4:31

ᐌᐱᓇᒧᒃ ᒥᓯᐌ ᐊᒀᑎᓯᐎᓐ, ᓀᔥᑕ ᐋᑯᓚᐌᓯᐎᓐ, ᓀᔥᑕ ᑭᓯᐙᓯᐎᓐ, ᓀᔥᑕ ᑭᓯᐙᓯᐎ ᐋᔭᒥᐎᓐ, ᓀᔥᑕ ᒪᒋ ᐋᔭᒥᐎᓐ, ᓀᔥᑕ ᒥᓯᐌ ᑭᒧᒋᐸᒀᑎᑐᐎᓐ:

ᓂᔥᑕᒻ ᑎᒧᑎ 3:11

ᐁᑯᔑ ᒫᑲ ᑖᐱᔅᑯᒡ ᐎᐎᐙᐗ, ᑫ ᐃᔑ ᓕᑆᑳᓕᒋ, ᐁᑳ ᐁ ᐸᑾᓄᒥᐌᓕᒋ, ᐁ ᐯᑳᒡ ᐃᑖᑎᓯᓕᒋ, ᐁ ᒀᔭᔅᑭᑎᓕᑭ ᒥᓯᐌ ᐃᔑ᙮

ᓂᔓ ᑎᒧᑎ 3:3

ᐁᑳ ᐁ ᐃᓕᓕᐎ ᓵᑭᐃᐌᒋᒃ, ᐁ ᐸᒀᔑᐃᐌᔅᑭᒋᒃ ᐁ ᑭᓛᔅᑭᐎ ᒪᒥᔑᒥᐌᒋᒃ, ᐁ ᐎᓂᓯᒋᒃ, ᐁ ᐊᒀᑎᓯᒋᒃ, ᐁ ᐋᑕᐌᓕᒫᒋᒃ ᐊᓂᓂ ᑳ ᒥᓨᑎᓯᓕᒋ,

ᑕᐃᑕᔅ 2:3

ᑖᐱᔅᑯᒡ ᓀᔥᑕ ᑭᔐᐃᔅᑴᐗᒃ, ᐅᑦ ᐃᑖᑎᓯᐎᓂᐙᒃ ᑭᒋ ᓄᑯᑖᒋᒃ ᐸᓓᑭᓯᐎᓂᓕᐤ, ᐁᑳ ᑭᒋ ᑭᓛᔅᑭᐎ ᒪᒥᔑᒥᐌᒋᒃ, ᐁᑳ ᒥᔅᑕᐃ ᑭᒋ ᒥᓂᑴᒋᒃ ᔓᒥᓈᐳᓕᐤ, ᑭᒋ ᑭᔅᑭᓄᐊᒫᑫᒋᒃ ᒥᓗ ᑫᒀᓇ:

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:16

ᐁᑳᐎᓚ ᐗᓂᑌᓕᑕᒧᒃ, ᓯᐋᑭᐃᑕᑾᒃ ᓂᒋᔖᓂᑐᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:19

ᐁᐗᑯ ᐅᒋ, ᓯᐋᑭᐃᑕᑾᒃ ᓂᒋᔖᓂᑐᒃ, ᐁᑯᔑ ᒥᓯᐌ ᑕᑐ ᐊᐌᓇ ᑲᑕ ᑭᓕᐱᐤ ᐁ ᐱᔑᒋᑕᒃ, ᑲᑕ ᐯᑭᑳᑎᓯᐤ ᐁ ᐋᔭᒥᑦ, ᑲᑕ ᐯᑭᑳᑎᓯᐤ ᐁ ᑭᓯᐙᓯᑦ:

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:25

ᒫᑲ ᐊᐌᓇ ᑫᓇᐙᐸᑕᒧᑴ ᐊᓂᐁᓕᐤ ᒫᐗᒡ ᑳ ᒥᓨᔑᓂᓕᒃ ᑎᐯᓕᒥᑎᓱᐎ ᐅᓚᔓᐌᐎᓂᓕᐤ, ᓀᔥᑕ ᒧᔕᒃ ᑫᓇᐎᑖᒋ, ᐎᓚ ᐁᑳ ᐁ ᐗᓂᑭᔅᑭᓯᑦ ᐁ ᐯᑕᒃ, ᒫᑲ ᐁ ᑐᑕᒃ ᐊᓂᐁᓕᐤ ᐊᑑᔅᑫᐎᓂᓕᐤ, ᐊᐗ ᐃᓕᓕᐤ ᑲᑕ ᔕᐌᓕᑖᑯᓯᐤ ᐅᑦ ᐋᔨᑎᐎᓂᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:8

ᑮᔥᐱᓐ ᑎᐱᑐᑕᒣᒃ ᐊᓂᒪ ᑭᒋᐅᑭᒪᐎ ᐅᓚᔓᐌᐎᓐ, ᐁ ᐃᑗᒪᑲᒃ ᒪᓯᓇᐃᑫᐎᓐ, ᑭ ᑳ ᓵᑭᐊᐤ ᑭᒋᐃᓕᓕᐤ ᐁ ᐃᔑ ᓵᑭᐃᑎᓱᔭᓐ, ᑭ ᒥᓗ ᑐᑌᓇᐗᐤ:

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 5:10

ᐅᑎᓂᑯᒃ, ᓂᒋᔖᓂᑐᒃ, ᐅᑭᔅᑭᐙᐃᑫᐗᒃ, ᑳ ᑮ ᐋᔭᒥᒋᒃ ᐅᑦ ᐃᔑᓂᑳᓱᐎᓂᒃ ᐅᑎᐯᓕᒋᑫᐤ ᑭᒋ ᑭᔅᑭᓄᐙᐸᒣᑾᒃ ᑳ ᑮ ᐃᔑ ᓈᔭᑕᑭᒃ ᐋᓕᒥᓯᐎᓂᓕᐤ, ᓀᔥᑕ ᑳ ᑮ ᐃᔑ ᔑᐱᓚᐌᓯᒋᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 5:7

ᔑᐱᓚᐌᓯᒃ ᒫᑲ, ᓂᒋᔖᓂᑐᒃ, ᐱᓕᔥ ᑭᒋ ᑕᑯᔑᒃ ᐅᑎᐯᓕᒋᑫᐤ᙮ ᒫᑎᑲ, ᐅᓂᑕᐎᑭᒋᑫᐤ ᐯᑕᐤ ᑳ ᒥᓨᔑᓂᓕᑭ ᑳ ᓂᑕᐎᑭᓂᓕᑭ ᐊᔅᑮᒃ, ᓀᔥᑕ ᑭᓉᔥ ᔑᐯᓕᑕᒻ, ᐹᑎᒫ ᐙᐸᑕᑫ ᓃᔥᑕᒻ ᓀᔥᑕ ᒫᒋᒡ ᑭᒋ ᑭᒥᐗᓂᓕᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 5:9

ᐁᑳᐎᓚ ᒪᒥᔕᒣᓕᑌᒥᐃᑐᒃ, ᓂᒋᔖᓂᑐᒃ, ᐁᑳ ᑭᒋ ᓂᔑᐗᓈᒋᒥᑲᐎᔦᒃ: ᒫᑎᑲ, ᐅᑎᐹᔅᑯᓂᑫᐤ ᓂᐸᐎᐤ ᐅᑎᔥᑲᐤ ᐃᔥᒀᑌᒥᒃ᙮

ᓂᔥᑕᒻ ᐱᑕᕐ 2:1

ᐁᐗᑯ ᐅᒋ, ᐁ ᐃᑲᑌᓇᒣᒃ ᒥᓯᐌ ᑭᒧᒋᐸᒀᑎᑐᐎᓐ, ᓀᔥᑕ ᒥᓯᐌ ᑲᑳᔦᓕᓯᐎᓐ, ᓀᔥᑕ ᐋᔭᒥᐁᑳᓱᐎᓇ, ᓀᔥᑕ ᐅᑌᓕᒥᑐᐎᓇ, ᓀᔥᑕ ᒥᓯᐌ ᒪᒋ ᐋᔭᒥᐎᓇ,